Program wa yikumangan ya mudimu

Rubing ra Mwinses 11

Muminy 139

Min 10: Yijikish. Yijikish yifanyidina ya Mudimu Wetu wa Want. Isambina rapor wa ngand wa Ndol 2000 wa Congo-Brazzaville ni wa Congo-Kinshasa ni mutu wa mulong “Ov Tukutwish Kusal Nawamp Kusut?”

Min 15: “Chiyukish cha Yehova Chitwikadishin Ampich.” Mazu mey ma kusambish kangal masut minit umwing, kupwa shinshikin misamb nich yipul ni yakul.​—⁠Tal Étude perspicace, Volim 2, paj 798, paragraf 12-13.

Min 20: “Tusadinany Milong Yisutina Katat Chakwel Kuvuvurish Kusanger.” Mambamb nau in kutesh ni yakumenaku. Jimbul milong yivud yivud yimekena katat yisambidinau nakash mu ul. Ov milong ik yavuvurishina piur pa machuku ma kurutu? Sadin buku Comment raisonner, paj 9-10, ni kupan yiyul kanang piur pa mutapu wa kurijek mazu ma kusambish nich misamb yikutwisha kushikij ku misamb ya Baibel. Salany yakumenaku yaad, yirijekinau nawamp.

Muminy 224 ni dilembil dia nsudiel.

Rubing ra Mwinses 18

Muminy 2

Min 10: Yijikish. Rapor wa chipau.

Min 15: Ov Yom ik Twasadina Muvu Wapwila? Diskur nend kalam’a mudimu. Chirikin milong yijim ya rapor wa chikumangen wa muvu wa 2000. Pan kujikitish mulong wa yom yiwamp yasadinau. Lejan mitambu yifanyidina kurijek. Pwitin yitongijok pa mutapu wasadina chikumangen mu kukumangan, mu kusambish ni kutakel malejan ma Baibel, ni kubudikin pakad kujing mu mudimu wa chingand. Isambina rutong rifanyidina kusadin mulong wa muvu wezina.

Min 20: “Mwom wa Antu Udi mu Chak!” Misamb nau in kutesh. Kasikeshin mifund yidia mu mutu wa mulong.

Muminy 30 ni dilembil dia nsudiel.

Rubing ra Mwinses 25

Muminy 93

Min 15: Yijikish. Yivurisha awonsu kutul rapor wa Mwinses. Shinshikin Yakul ku Yipul Yen.

Min 15: “Ov Twovil Kurumburik?” Misamb nich yipul ni yakul yitakedinau kud kalam’a mudimu. Yisadina kwambatan nich nswir ja chikumangen.

Min 15: “Mutapu Umwing Uswapela Nakash wa Kwangan Mikand.” Misamb ya kalam-ntakel nend kalam’a ujindj.

Muminy 115 ni dilembil dia nsudiel.

Rubing ra Mwinkind 2

Muminy 169

Min 15: Yijikish. Ijikish chikumangen piur pa kwangan kwa pakampwil kurijekinau mulong wa Rusangu ra Want No. 36, kwangan kukusambisha Diamond, Mwinkind 16, ni kudandamen kushik Diakatan, Kalang 17. Yikasikesha awonsu, ansand nau antu achidia asu, kubudikin sens mu mudimu. In kutakel dilejan dia buku afanyidin kusambish katat kamu kukasikesh yidi yawonsu ni kurijek mu chirund chau chakwel kubudikin nich mushiku mud chitwishikina. Wejinaku jinsangu jitungina jamekena pa kwangan kwa Rusangu ra Want ra nsudiel.

Min 15: “Ov Nifanyidin Kushemunik?” Diskur nend mukurump. Rumburil mulong wak chiswiridin kusadin manangu kurutu kwa kukwat chiyul cha kushemunik kuya ndond yikwau. Isambina mutapu wa kusadin yiyul yidia mu Jinswir 22:⁠3. Wejinamu mazu madia mu Tour de Garde wa Kafumpul-Mashind 15, 1988, paj 22.

Min 15: Ukaliweny wa Kusambish Misamb. Mu program wa Chikumangan cha Mudimu cha rubing ra Mwinses 11, aletin chiyul anch turijekany mazu ma kusambish nich misamb piur pa milong yimekena katat chakwel kuvuvurish kusanger ni kusambish misamb mu mudimu wa kulejan. Yita in kutesh kulejan yibudikin yiwamp yamenau kushik ni katat mu kusadin yiyul yiney.

Muminy 205 ni dilembil dia nsudiel.