Program wa yikumangan ya Mudimu

Rubing ra Kalang 13

Muminy 4

Min 10: Yijikish. Yijikish yifanyidina ya Mudimu Wetu wa Want.

Min 13: Yakul ku Yipul Yen. Diskur nend mukurump.

Min 22: “Tukudishany Kusanger Kwavuvurishina Rusangu ra Want No. 36.” Misamb nich yipul ni yakul ya paragraf 1-5. Isambina yitenchik yikwatinau mulong wa kupwish teritwar mwawonsu udia wakad kusal. Chirikin yiyul yidia mu paragraf wa 7 ni wa 8 mulong wa kusal kuchirikinamu kusu, ni kusal chakumenaku cha paragraf umwing ni umwing. Kasikeshin usey wa kulondul kusanger kwawonsu ni kusal usu wa kusambish malejan ma Baibel. Pwishin nich kwisambin paragraf 9 ni mifund yijimbwilau.

Muminy 63 ni dilembil dia nsudiel.

Rubing ra Kalang 20

Muminy 111

Min 10: Yijikish. Rapor wa chipau.

Min 15: Yamenau mu Kwangan kwa Rusangu ra Want No. 36. Lejan chikunku cha teritwar chasadinau. Ov kudi antu alejena kapamp ka kusambish? Isambina mazu mawamp malondilau antu wisambinany nau. Ov in kulejan amwing asambishin malejan ma Baibel? Anch mwawiy, yita arumburila mutapu wachisadilau nich chakumenaku. Yivurisha awonsu usey wa kukudish kusanger kwamenau.

Min 20: “Tudandamenany Kulejan!” Diskur ni interview. Amwing adi mu dirijek dia Yehova kudiosh kamu pa wanikanch wau ni adandamedin nich mudimu wa kulejan mu mwom wau wawonsu. Nich chitongijok chiwamp, amen musangar wa kusal mwamu. (Tal buku Connaissance, paj 179-180, paragraf 20, ni Tour de Garde wa Ndol-Mem 1, 1992, paj 21-22, paragraf 14-15.) Mwita mwin kulejan umwing ukata kupanang rapor mu chirung cha mivu yivud kushimunin mulong wak udandamedinay nich mudimu wa kulejan.

Muminy 141 ni dilembil dia nsudiel.

Rubing ra Kalang 27

Muminy 153

Min 10: Yijikish. Yivurisha awonsu kutul rapor wa Kalang. Mu Kachirikin tukupan buku Connaissance ni Traduction du monde nouveau. Rumburil mutapu wasadinau Atuman’a Yehova mudimu umwing ujim mu kubudish kwa Baibel mu jindim jivud​—⁠Tal Tour de Garde wa Mwinkind 15, 1997, paj 11-12.

Min 20: Tusadilany Nawamp Buku Comment Raisonner. Yipul ni yakul ya paj 7-8. Lejan anch buku winou amusadin mulong wa kutukwash kwirijek mulong wa mudimu umwing wa kulejan uwamp. Rumburil mutapu tukutwisha kusadil buku winou pa chisu tupanina uman wa ku telefon. Chakumenaku piur pa mutapu wa kutan jinsangu ja ukwash chakwel kwakul ku yipul kanang. Yikasikesha in kulejan awonsu kwiyijidish nich buku winou, kwikal nend mu sakosh wau, ni kumusadil chisu ni chisu mu mudimu wa kulejan.

Min 15: Ov Mutapu ik Nikutwisha Kwikal ni Usu Piur pa Yaku Yam ya Kutal Televizion? Mukurump wambambin ni mukadivar nsand ukata kusutish asaa avud ku dichuku mulong wa kutal televizion. Cha kusambish, mukadivar ukat kwiyingish anch chiyipinap kwau kutal. Ulondin anch udi kwau mulad umwing wa kwipwish usweral ni kukutwishap kwamusal nayimp. Mukurump uchirikidin yitongijok ya usey mu shapitre 36 wa buku Les jeunes s’interrogent. . . Urumburil anch kupandikesh kutal televizion kukat kudia chisu chifanyidina chikutwishau kusadil mulong wa kwilej kwa muntu ipend, kuya mu mudimu wa kulejan, ap kukwash chikumangen. Mukadivar nsand umujikitishin mukurump mulong wa yiyul ni kulond anch mulong wa kuwap kwend kwa muspiritu, ukukarumun yaku yend ya kutal televizion.

Muminy 175 ni dilembil dia nsudiel.

Rubing ra Kachirikin 4

Muminy 189

Min 10: Yijikish.

Min 15: Nswir ja chikumangen.

Min 20: “Dizu Dikat kulondau pa Chisu Chifanyidina.” Mambamb nau in kutesh ni yakumenaku. Avud akat kwidjidjek kusambish misamb, ni kutong anch afanyidin kwikal ni ukaliweny umwing wa pakampwil chakwel kuman yibudikin. Rumburil anch etu awonsu tukutwish, ap in kulejan asu ni ansand, kusambish mambamb nich kusal usu mu mutapu umwing wovikena. Chirikin ya kusambish nich misamb yiyudilau, kasikeshin kuswapal kway, kupwa in kulejan aad ap asatu asala yakumenaku yimekeshina mutapu wa kuchisal. Tal Mudimu Wetu wa Want wa Ndol 1998, paj 8, mulong wa milad yikwau ya kusambish nich misamb yikutwishau kusadin pa kupan buku Connaissance. Yikasikesha in kulejan awonsu kwikal ni chitongijok chiwamp chakwel kwikal ni musangar uvud mu mudimu wau wa kulejan.

Muminy 218 ni dilembil dia nsudiel.