Program wa yikumangan ya mudimu
Rubing ra Chiwong 8
Muminy 29
Min 7: Yijikish. Yijikish yifanyidina ya Mudimu Wetu wa Want.
Min 15: ‘Munyikany Kutok Kwen.’ Wejinaku milong yisambidinau mu Tour de Garde wa Kalol 1, 1997, paj 15, paragraf 12-13. Yikasikesha awonsu kusadil chisu chawonsu chimenau chakwel kupan uman.
Min 23: Tukutwish Kuman Mulad wa Kwipuwangej Kwishitwila. Yid ya dijuku dimwing yisambidin yiyul yipaninau mu Réveillez-vous! wa Ndol-Mem 22, 1997. Tatuku wisambidin mijikit ya kwipuwangej ya dijuku. Kupwa kuchirikin mu wiswimp mutu wa mulong “Ov Mutapu ik Wikadila Kal Kwipuwangej?” (paj 4-7), isambidin nakash milad ya kwipuwangej yikutwisha kwikal yishitwila ni ya ukwash. Shinshikin milong yidia mu buku Notre ministrère, paj 131-132, pa Kamutu “Diswedish”, ni paj 134-135, pa kamutu “Salany Yawonsu Mulong wa Uyaj wa Nzamb”. Kasikeshin mudimu wa anvaj wa kutakel ni kuswir kwa kusadil pamwing kwa yid yawonsu ya dijuku mulong wa ukwash wa dijuku diakabuj.
Muminy 1 ni dilembil dia nsudiel.
Rubing ra Chiwong 15
Muminy 51
Min 10: Yijikish. Rapor wa chipau.
Min 15: Uruu wa Musangar Ukata Kumulimish Nzamb. (Tal Tour de Garde wa Ndol-Mem 1, 2000, p. 19-22.) Diskur nend mukurump. Kasikeshin mulong wa kwel anch kurijek musambu udi mulong umutadila muntu amwinend. Anch antu atijadina aman anch chiwapin kusu kusal diskur, akwau kafanyidinap kuyipungan; udi mulong umutadila muntu amwinend. Chidi kand chilik chimwing ni mizik, maj (kupangan) ni maar. Yivurisha mulong wak chifanyidinap kuyitazuk antu opatau kal mu chikumangen ap kusadil misambu ku chikumbu chau. Anch twatond ndond yimwing yifanyidina, uvud wa antu wisikena ni kutond kuwamp kwa antu tutazukina tukwipuk twinvundangesh. Saa ya kusambish ni ya kupwish kwa musambu chifanyidin kwikal chifanyidina ni kuchilimish. Antu atijadina akutal nawamp anch kudi antu a kashinsh akutala anch kangal kwabudikin yom yimwing yiyimp kwinyim kwa kutumbuk kwau kurutu kwa chisu. Kasikeshin anch chiwapinap kuya ku musambu anch katutazukangap. Yikwasha akadivar kutesh anch kakutwishap atazuk chikumangen chawonsu. Mwin kulond ukuwejinaku jinsangu ja pa mwab wau mulong wa kulet chilikej pakwez wakad kusot kutek yijil. Pa kupwish, mwin kulond ukwakul ku yipul ya kuchirikin.
Min 20: Ov Ukat Kushinshikinang Mifund Dichuku ni Dichuku? Diskur ni ma interview. Shinshikin Tour de Garde wa Kachirikin 15, 1996, paj 17-18, paragraf 12-14, mekesh mutapu chidia cha manangu kushinshikin mufund wa dichuku mu dijuku. Sutish interview wa yid ya dijuku, umwing ni umwing uvurikin yisambidinau katat piur pa mufund wa dichuku yamekana kwikal ya ukwash nakash ni kulejan mulong wak. Kasikeshin anch chinech chifanyidin kwikal chikunku cha program wa chisu ni chisu wa kwilej kwa dijuku utekinau mulong wa kukasikesh dijuku dietu ni kulam dijuku dikata kusal mudimu wa kulejan.
Muminy 67 ni dilembil dia nsudiel.
Rubing ra Chiwong 22
Muminy 90
Min 7: Yijikish.
Min 18: Mutapu wa Kurijek Mazu ma Kusambish Nich Misamb. Diskur ni yakumenaku. Chirikin milong ya usey yidia mu buku Comment raisonner, paj 9. Lejan mutapu tukutwisha kutond mazu ma kusambish nich mambatena ni mutapu wetu wa kusambish mambamb, antu, ni mwab (teritwar). Chirikin yilikej yimwing ya mazu ma kusambish nich misamb yikutwishau kusadil nich broshir Nzamb Witin, ni sal yakumenaku chimwing ap yaad yimekeshina mutapu wa kuchisal. (Tal Mudimu Wetu wa Want wa Kalol 1997, paj 8.) Yikasikesha awonsu kusadil yiyul yipaninau mu buku Comment raisonner ni Mudimu Wetu wa Want mu mujikit wau wa chingand.
Min 20: “Twikalany In Kutesh Awamp.” Diskur ni misamb ni in kutesh. Chirikin milong yidia mu buku Manuel, paj 27, paragraf 15-17. Chakwel kwijik nawamp yaku yetu ya kutesh chifanyidin kutal anch tukutwish kuvurik. Yita in kutesh kuvurik milong yimwing ya usey yisambinangau kud in kusutish yikunku ku Shikol ya Mudimu ya Uteokras ya urel winou.
Muminy 96 ni dilembil dia nsudiel.
Rubing ra Chiwong 29
Muminy 139
Min 10: Yijikish. Yivurisha in kulejan kutul rapor wa mudimu wa Chiwong. Lejan mikand ya kupan mu Kasan, kasikeshin piur pa mikand yidia mwi nkil ya chikumangen.
Min 15: Tumwijikany Sakatang Nawamp. Diskur dimanyidina pa Tour de Garde wa Kalol 15, 1999, paj 24-26, sambel kuyikasikesh mulong wa kwilej buku Y a-t-il un Créateur qui se soucie de vous? mu dilejan dia buku dia chikumangen. Yikasikesha ansand kwipan mu mambamb ma rubing ni rubing ku dilejan dia buku. Awonsu awanyidin kukumangan pakad kujing, ni kukasikesh kwilej pichitwishikina piur pa Sakatang wau Mujim.
Min 20: “Anvaj—Andjikany Yaku Yiwamp mu Anen.” Diskur ni interview wa anvaj akweta an akat kusal nawamp muspiritu. Anvaj ashinshikidin yom yiwamp yasalau chakwel anau kukwatakan mu mudimu wa chingand. Anch chisu chitwishikin, wejinaku yiyul yidia mu buku Bonheur familial, paj 55-59.
Muminy 149 ni dilembil dia nsudiel.
Rubing ra Kasan 5
Muminy 168
Min 5: Yijikish.
Min 15: “Twikalany In Kusadil Akweta Musangar.” Mekesh yikata kuwejin musangar wetu mu mudimu wa Nzamb, mud chirumburilau mu buku Étude perspicace, Volim 2, paj 46, paragraf 3-4.
Min 25: Ditenchik dia Rukat Mulong wa Ukash wa Mujimbu Wetu. Diskur nend mukurump umwing chifuvu, dimanyidina pa mukand wa Kachirikin 1, 2000, ni yany yidiokila ku Sosait. Kasikeshin anch mutapu umwing uwamp utwishikina kwitiyik ni chijil cha leta mulong wa kwichidij antu akad kukatish kuyandjik mash mu mijir chidi kwikal nich kart “Instructions médicales prévisionnelles/Décharge” wizwishinau. Kupwa kwa chikumangan, in kulejan awonsu in kubatishiu akuyinkish kart musu, pakwez KAFANYIDINAP kufundap chom ap chimwing katat. Sinyatir wa mwin kart, dijin dia atuman ni machuku ma ngond akuyifund pa makart mawonsu kwisudiel kwa dilejan dia buku dikulondula, nich umutakel wa ntakel’a dilejan dia buku. Antakel a dilejan dia buku akutal nawamp, anch awonsu adia mu chirund chau cha buku atambwil ukwash usotinau mulong wa kwizwish kart “Instructions médicales prévisionnelles/Décharge”. Anvaj akutambul kart wa chijiken wa aan kupwa kwa chikumangan. In kulejan akad kubatishiu akutwish kwifundin ayinau yany yau ni ya anau ni kwambatanish yifundinau pa kart nich mwikadil wau ni yitiyij yau ayinau.
Muminy 190 ni dilembil dia nsudiel.
Mazu mey ma kusambish kangal masut minit umwing ni kupwa shinshikin misamb ni yipul ni yakul.