Program wa yikumangan ya mudimu

Rubing ra Kasan 12

Muminy 6

Min 10: Yijikish. Yijikish yifanyidina ya Mudimu Wetu wa Want. Ku Chikumangan cha Mudimu cha rubing ra Kasan 26 tukushinshikin band video La Bible: le livre le plus ancien toujours d’actualité. Misamb yikwimanyin pa yipul yidia pa paj 7 wa Mudimu Wetu wa Want wa ngond unou.

Min 15: “Tumutumbishany Yehova Nich Midimu Yiwamp.” Wejinaku kurumburil kudia mu buku Prédicateurs, paj 187, paragraf 2-3.

Min 20: “Mutapu wa Kuyitiyish Akwau.” Misamb ya mukurump ni in kulejan aad ayifuvu, yimanyidina pa mutu wa mulong ni manans mamwing matondinau madia mu Tour de Garde, wa Ndol-Mem 15, 1998, paj 21-23. Ashinshikidin kamushet kadia pa paj 23, “Yishikany Antu Wilejinany Nau ku Muchim.” Kupwa kwa kutond chitiyij kanang cha relijon wa makasu chijikena nakash mu mwab wen, isambidin mutapu wa kumwitiyish muntu yilondina Baibel piur pa mutu wa mulong watondangau.

Muminy 208 ni dilembil dia nsudiel.

Rubing ra Kasan 19

Muminy 221

Min 8: Yijikish. Rapor wa chipau.

Min 15: Nswir ja chikumangen.

Min 22: “Twijikishany Dijin dia Yehova ni Midimu Yend.”* Chirikin program wa pakampwil usadinau pol pen mulong wa kuwejinaku mujikit mwi ngond wa Rish ni wa Ndol, ni kusal usu wa kuyikasikesh avud mud chitwishikina kusal mudimu wa uchibol nkwash. Yita in kulejan amwing asadila mudimu wa uchibol mwi Ndol wa muvu wadap ou kulejan musangar watambwilau pa kusal mwamu. Kasikeshin piur pa kuyikwash antu awonsu alikina mudimu wa kulejan kuwanyish yitinau chakwel kwinungin kud etu mu mudimu ni kuyikwash an ni in kwilej Baibel akwau kuwanyish yitinau mulong wa kwikal in kulejan akad kubatishiu.​—⁠tal Mudimu Wetu wa Want wa Kalang 2000 Yakul ku Yipul Yen.

Muminy 27 ni dilembil dia nsudiel.

Rubing ra Kasan 26

Muminy 48

Min 8: Yijikish. Yivurisha in kulejan kutul rapor wa mudimu wa Kasan.

Min 12: Yiyul Piur pa Mutapu wa Kupan Buku Connaissance. Ov ukwet mazu ma kusambish nich misamb mu manangu chakwel kupan buku connaissance mu Rish? Anch watal pa mapaj ma nsudiel ma manimero ma Mudimu Wetu wa Want wasutina kal, ukutan yiyul mulong wa mazu ma kusambish nich misamb kapamp ka kusambish, yivud yikwet yitongijok ya kusal kuchirikinamu kusu. Chirikin mitapu ya kupan yaad ap yisatu ya mazu ma kusambish nich misamb minam mayudilau. (Kalol 1996; Kachirikin 1996; Kafunfut 1997; Ndol 1998) Salany yakumenaku yaad ya mitapu ya kupan yiyudilau mu Mudimu Wetu wa Want wa Kalang 1996, chakwel kusadil kapamp kamwing mulong wa kusambish malejan ma Baibel. Yikasikesha awonsu kusal usu wa pakampwil chakwel kusambish malejan ma Baibel masu.

Min 25: “Tukudishany Kusanger Mulong wa Band Video La Bible: le livre le plus ancien toujours d’actualité.” Misamb ni in kutesh, sadil yipul yidia pa paj 7. Tekin kashony pa mulong wa kwel anch nich makopi mamiliyon 100 ni kusut mwawonsu wa kabuj ap chikunku mu jindim 37, Traduction du monde nouveau udi Baibel umwing wangenau nakash mu mangand mawonsu. Mwi Ndol tukuchirikin band video wa kasatu pa maband masatu minam, La Bible: une force dans votre vie.

Muminy 64 ni dilembil dia nsudiel.

Rubing ra Rish 5

Muminy 81

Min 5: Yijikish.

Min 18: “Yehova Ukat Kupan Ukash.” Yirumburila in kutesh piur pa mutapu wa kusadil mifund.

Min 22: “Uman wa ku Telefon Ukweta Mabuj.” Kalam’a mudimu ukusutish misamb yiney. Wejinaku kukasikesh kudia mu Tour de Garde, wa Kalang 15, 1999, paj 23, paragraf 17. Shimunin rusangu rumwing riswimp rimekeshina mutapu utwishinau kusal mudimu winou mu mwab wen. Yikumangen yakad kwikal ni mwab wa kulejen kusutin telefon yikusal pa ndond pa mutu wa mulong winou diskur didiokila mu Tour de Garde wa Ndol 1994, paj 29, dikweta mutu wa mulong “Likany Yishimu Yamwamu.” Akudisal kud mukurump umwing chifuvu. Ukutekin kashony pa milong yilondwila ey: kitufanyidinap kulejan piur pa ayilembil nich kushimunin jinsangu ja mayikiyik jidia chinyim ni mutapu watangau, mulong chitang ni chitang achiumba kulondwish mutapu wach. Yishimu yivud yidi ya makasu ni in Kristu kafanyidinap kuyipalangesh. Yikat kutekin kashony pa midimu yishimokishina ya alaj. Chilikej ku mitambu yimwing, alondining anch antu ayimp inay akwet usu umwing ujim, anch akutwish kwikarumun ap kukarumun antu akwau kwikal annak, amiyeny, ap atujil, akutwish kutwik mwiur chakwel kusal midimu yau, akutwish kumekan ni kushadik, akutwish kusutin mukach mwa rubumbu ni kuman yom yijikinau. Kasikeshin anch yivud ya jinsangu jinej, yidi kwau yom ya kutongin ya wom wa ayilembil, yipandakeshinau nich kuyichirokin. Kupalangesh jingany ja mutapu winou kudi kwau kusadin nswir ja Satan Djabul, tatuku wa makasu. (Yohan 8:44) Yikat kulangwish rusot ra kwijik piur pa kwifukwil kwa ayilembil kukisinay Yehova. (Kuch. 18:​10-12) Yikat kuyikwat antu mu wand wa kwakam ni kwifukwil kwa ayilembil. Chishimokishinap anch Paul wayikanda in Kristu ‘kulik kukat.’ (1 Tim. 1:⁠4) Kasikeshin anch mwin Kristu mwawonsu ufanyidin kutek ritiy rend mudi Yehova ni kuchin yishankur ni yitiyij yidia chinyim ni Mifund.

Muminy 108 ni dilembil dia nsudiel.

Mazu mey ma kusambish kangal masut minit umwing ni kupwa shinshikin misamb ni yipul ni yakul.