Dichirikin dia Shikol ya Mudimu ya Uteokras
Dichirikin dined akudisal pakad kusadil abuku, dimanyidin pa yom yitwilejina ku Shikol ya Mudimu ya Uteokras, kudiosh ku rubing ra Chiwong 1 kushik ku rubing ra Ndol 23, 2001. Sadilany dipapel dikwau pa kwakwil ku yipul yiukutwishanya kwakul mu chisu chiletinau.
[Chiyul: Pa chisu cha kuchirikin, sadilany kusu Baibel. Mareferans mapaninau kwisudiel kwa chipul ni chipul amaletin mulong wa kuswapej kukimbol kwa muntu ipend. Manimero ma mapaj ni maparagraf kamalejenap chisu chawonsu mu mareferans ma Tour de Garde.]
Fund kwisudiel kwa jintung jilondwila Mwawiy ap Kimwawiyap:
1. Ap anch tufanyidinap ap pakemp kulikidil yovil yamwamu yitubwika mes chakwel kusal chitil chijim, tukutwish kulondul chilikej cha Josef kulikishin nich ranaken muntu mwin kwit dilikishin watusadina nayimp. (Dis. 42:21; 45:4, 5) [w99 1/1 p. 31 par. 2-3]
2. Ap anch upanin dilondurish dia majuku, mukand wa 1 Jinsangu uchirikidin kwau milong yidia mu mabuku ma Samwel ni Ant. [si p. 75 par. 1]
3. Baibel wambambidin “mwin kumukangesh Kristu,” umwing kusu, ukeza kumekana pa chisu kanang cha kurutu. [rs p. 34-35]
4. Yesu wamekesha kwikepish kwend pitiyay mudimu umwing wa pakampwil padiokalay mwiur kwez pa divu ni kwikal muntu mwin kwikepish, mwishin mwa angel. (Filp 2:5-8; Heb. 2:7) [w99 1/2 p. 6 par. 3]
5. Kukwat kwa musumb wa Yuda kud Shishak ni kubuu kwa “yom ya usey ya chikumbu cha Yehova ni yom ya usey ya chikumbu cha Mwant” akukasikeshidin nich arkeyoloji. (2 Jins. 12:9, NW) [Kutang Baibel; tal w88 1/2 p. 26 par. 4.]
6. Akristu a mu mivu chitot ya kusambish kadingap ni kubatish an akemp. [rs p. 47]
7. Muntu ufanyidin kumusadil Nzamb wakad chitongijok cha difut mu manangu. [w99 15/4 p. 16 par. 1]
8. Kwambatan nich “yisal” ya Yehova, mud kamu muchifundinau mu Kuseng 103:2, David wading ni kutongin yitang yimekena ya Yehova. [w99 15/5 p. 21 par. 5-6]
9. Atempel atungau kud Salomon, Zorobabel, ni Herod, ni dizang diatungay Moses, yawonsu yifanikeshin chom chimwing. [si p. 87 par. 16]
10. Kuchind kwa majuku kudia mu 1 Jinsangu kwadingap ni ukwash ujim ku chikumangen cha Ukristu cha kusambish. [si p. 78 par. 23]
Akul ku yipul yilondwila:
11. Ov mulong wak dirumburish dia Yehova dialimina kamu nakash chikumbu cha Ahab? (1 Ant 16:31, NW; 2 Ant 9:7, 26, NW) [si p. 74 par. 34]
12. Mud kamu muchilejenau mu Mateu 24: 45-51, ov chijingidij ik cha kwijikin antu ikadila kal in kupumbwok? [rs p. 37]
13. Ov difundish ik ditongishina piur pa dikand tukutwisha kwilejin padi Mwant mwin Yuda Ozias? (2 Jins. 26:15-21, NW) [Kutang Baibel; tal w99 1/12 p. 26 par. 1-2.]
14. Pa ndond ya kusal yifuk, ov difundish ik dikash diatwinkishay Yesu mu koyish apostol end yidjatil? (Yoh. 13:4, 5) [w99 1/3 p. 31 par. 1]
15. Ov mulong wak milong yifundinau mu 1 Jinsangu 14:8-17, (NW), yadinga ya usey pa chirung cha Isay, ni mulong wak chifanyidina kwikal cha usey ku Kristendom nlel? (Isa. 28:21, NW) [Kutang Baibel; tal w91 1/6 p. 21 par. 2-3.]
16. Ov mitambu ik ya difukwil dia Bal yadisala dikala ni usu upwitina padi in Isarel avud? [w99 1/4 p. 29 par. 3-6]
17. Ov difundish ik dia kusadil tukutwisha kwilejin ku mudimu wa Ezekias wa kuchidij ni kuvudish mem mu Yerusalem? (2 Jins. 32:3, 4, NW) [Kutang Baibel; tal w96 15/8 p. 6 par. 1-2.]
18. Ov chilikej cha Yosias chikutwish kwikal nchik dikasikesh kud ansand nlel chakwel kumusadil Nzamb ni kujijaman kwipuk difukwil dia makasu? (2 Jins. 34:3, 8, 33, NW) [Kutang Baibel; tal w90 1/8 p. 5 par. 2.]
19. Ov Ayuda awonsu ashala mu Babilon kadingap ashinshamena, ni difundish ik tukutwisha kwilej pa chinech? (Ezra 1:3-6, NW) [Kutang Baibel; tal w86 15/1 p. 8 par. 4, 7.]
20. Mu rusangu ridia mu 2 Jinsangu 5:13, 14, (NW), chom ik chimekeshina anch Yehova wadinga ni kutesh miminy ya kumushiman ya antwend ni wadinga ni kuyisanger? [Kutang Baibel; tal w94 1/5 p. 10 par. 7.]
Izwish ndond yidia ya wash mu mazu malondwila:
21. Muntu upanina yiyul kud mbayend Mukristu ufanyidin kutal nawamp anch yilondilay yengamidin pa _________________________ ma Nzamb, pikil pa _________________________ ya antu ni _________________________ . (Kol. 2:8) [w99 15/1 p. 22 par. 1]
22. Chikwikalap chitwishikina _________________________ pa chirung cha njit ja _________________________ . (Mat. 12:30; 2 Tes. 1:8) [rs p. 185]
23. Mud miy yikutwisha kukangesh mutond uchidia kal ukemp kupam, _________________________ kwakad kwilam ni usu wa kudimban wa _________________________ yikutwish kumukangesh muntu kuya kurutu mu kukul muspiritu. (Mat. 13:19, 22) [w99 15/3 p. 22 par. 5]
24. ‘Abatishau kal mulong wa kwikal afu’ mud mwalonday Paul mu 1 Korint 15:29, kurumburikin kwandam mu mulad wa mwom ukutwala ku _________________________ mud ra Kristu ni kupwa ku _________________________ dia ku mwom wa muspiritu mud kamu mwadingay. [rs p. 49]
25. Chakwel Mukristu wakin atwisha ndond yakanganyay Salomon, ufanyidin kudjibwil kulemp kwifukwil _________________________ ap _________________________ ni kwambatan nich mazu ma _________________________ ma ‘kumukat Yehova Nzamb wend nich muchim wend wawonsu.’ (Mat. 22:37; 1 Jins. 28:9, NW) [Kutang Baibel; tal w86 1/6 p. 19 par. 17-18.]
Tond chakul chifanyidina mu mazu malondwila:
26. Rusangu ridia mu 2 Ant 17:5, 6, (NW), rishimunin mutapu wakwata (Tiglath-pileser; Salmanasar V; Esar-hadon) majuku dikum ma want wa Isarel ma kwingangel ni kusambish mivu yisatu ya kuyikel in Samaria, kuyikel kwashikena kuwa kurutu kwa in Asiri mu (740; 607; 537) K.K.C. [Kutang Baibel; tal w88 15/2 p. 27 par. 1.]
27. Pisambidinay yashikena mu Yerusalem kupwa kwa winkwal wa in Babilon kusambish, 2 Ant shapitre wa 25 wisambidin piur pa (Daniel; Ezekiel; Jeremiy) mud mwin kufund wa mukand ni kumekesh kand anch apwisha kuufund piswimp mu (580; 537; 455) K.K.C. (2 Ant 25:27, NW) [Kutang Baibel; tal si p. 64 par. 3.]
28. Mud mulejena Kubudik 4:11, Yehova Nzamb ‘watanga kan ka kamam, kajika-matu, mwin kuman, ni mputames’ mwi njil ya kwel anch (chidi mulong wa kuyifish nich piur pa ulim ukwetau antu; utondin antu kushalijan mulong wa kuyinkish yisend ya midimu; walikidila ulim wa ku mujimbu kumekan patok pakach pa antu). [w99 1/5 p. 28 par. 2]
29. Chirung cha mivu 70 chisambidinau mu 2 Jinsangu 36:17-23, (NW) chapwa mu (537; 607; 677) K.K.C. [16, si p. 84 par. 35]
30. Misambu ya kuvadik yaad kamu yisambidinau mu Baibel (ayimekeshin nich chitongijok chiwamp, ayimekeshin nich chitongijok chiyimp; kamekeshinap ndond ap yimwing yidia musambu wa kuvadik). (Dis. 40:20-22; Mat. 14:6-10) [rs p. 32-33]
Lamik mifund yilondwila ey ku jintung jilikena nich:
Kub. 21:22, 23; Jinsw. 25:11; Rom. 12:2; 2 Pit. 3:15, 16; Kuj. 16:13, 14
31. Yitin kwikasikesh kwa kwikatin chakwel kukarumun yitongijok yetu ni kwizwish manangu metu nich uyakin wa Nzamb. [w99 1/4 p. 22 par. 2]
32. Chisu tupanina yiyul, chidi cha usey kutond mazu mafanyidina. [w99 15/1 p. 23 par. 1]
33. Yehova walejana anch muntu ukupan kuchind anch wamusal mwan uchidia kal mwivumu kuyip. [rs p. 39-40]
34. Usu wa Satan Djabul ukat kuyibachik michid ku mwikadil wa mangand ukushikija kwi njit nend Nzamb. [rs p. 185]
35. Kukarumun mifund chakwel kuyambatanish nich yitongijok yetu ayinetu kukutwish kubudish uyimp wa chikupu. [rs p. 58]