Program Wa Yikumangan Ya Mudimu
CHIYUL: Mudimu Wetu wa Want ukwikal ni program wa Chikumangan cha Mudimu cha rubing ni rubing kudiosh kamu ku Kalol kushik ku Kafumpul-Mashind. Yikumangen yikutwish kukarumun mud chiswiridikina kulondulijan ni mutapu ukukumanganau ku Chikunguril cha Distrik “Alej a Dizu dia Nzamb.” Pichifanyidina sadilany aminit 15 a Chikumangan cha Mudimu cha nsudiel kurutu kwa kuya ku Chikunguril chakwel kuchirikin yiyul yifanyidina ya wenjil wa ngond winou. Mwi ngond wa Mwinkind, akusal ku chikumangan cha Mudimu dichirikin dia milong yijim piur pa Chikunguril. Pa chisu chinech, muntu ni muntu ukwirijek chakwel kupan yirumburil yikemp ku chikumangan yakwatinay ku chikunguril, Yirumburil yiney yikutwish kumekesh mutapu tukutwisha kusadil yom twilejina ku Chikunguril mu mwom wa muntu ni muntu ni mu mudimu wa kulejan. Kupwa kand tukutwish kwirijek kurumburil mutapu twasadidila yom yiney kupwa kwa kudiokal ku Chikunguril. Chikez kwikal cha ukwash kud muntu ni mukwau kutesh mutapu watambwilay muntu ni muntu ukwash ku dilejan diwamp diatambwilay
Rubing ra Ndol-Mem 14
Muminy 3
Min 6: Yijikish. Yijikish yifanyidina ya Mudimu Wetu wa Want. Shinshikin chiyul chidia kwiur oku chipaninau piur pa yikarumun ya Chikumangan cha Mudimu ni chitongidinau kusal ku Chikumangan cha Mudimu cha Mwinkind, chisu chikezau kushinshikin milong yijim ya chikunguril cha Distrik.
Min 9: Ov Yom ik Utongidinany Kusal mu Chishipu? Mukurump umwing ap nkwash’a midimu ni dijuku diend isambina piur pa yom yitongidinau kusal mwi ngond wa Kalol kushik ku Kafumpul-Mashind. Isambidin piur pa kukumangan ku yikunku yawonsu ya chikunguril cha distrik, kusal mudimu wa chibol nkwash, ni chisu chimwing kutambul konje ni kusanger mutapu kanang wa kwiswedish. Ovijadin awonsu anch kakatinap kudiul mijikit ya uteokras mud kukumangan ku yikumangan ya Chikumangen, kusadil mu mudimu wa kulejan, ni kwikal ni dilejan dia Baibel dia dijuku diau, ap anch ayap nchik mu weny ndond kanang. Akutal nawamp anch akat kutul swa rapor wau wa mudimu kud kalam’a ujindj, ikalap nchik kwolikwau ap ndond yindjing.
Min 14: “Yikunguril—Chisu cha Musangar Ujim!” Diskur kud mukurump umwing. Rumburil mulong wak yikumangan yijim ya antu a Yehova ading ni kuyisal pasak ni mulong wak yidia kand ya ukwash nlel. Yisu yiney yiletining urund umwing ukasikeshina ni yakudia ya muspiritu yipanina mwom. Kasikeshin kamu usey wa kwikalaku kwa muntu ni muntu ku kukumangan ku machuku mawonsu masatu ku chikunguril cha distrik.
Min 16: “Irijekina ‘Nawamp Wakad Kurumbangan.’ ”* Rumburil yitenchik yimwing yijim yifanyidinau kusal mulong wa kurijek chikunguril. Kasikeshin usey wa kusadil pamwing nich yitenchik yirijekinau mulong wa ukwash wetu. Chirikin mitapu tukutwisha etu awonsu kumekesh kalimish kafanyidina ni kwipuk kulet milong yamwamu.
Muminy 31 ni dilembil dia nsudiel.
Rubing ra Ndol-Mem 21
Muminy 52
Min 10: Yijikish. Rapor wa chipau.
Min 17: “Teshany ni Kuwejuku Kwilej Kwen Kakwau.” Diskur ni misamb ni in kutesh. Rumburil mulong wak malejan maletinau ku chikunguril yidi yakudia ya muspiritu yipanina mwom yituswiridina. Shimunin anch kwitining chisu ni usu mulong wa kusal program mud winou. Yita in kutesh kushimunin mutapu ukutwishau kusal muntu ni muntu chakwel atambula ndiy nau antu akwau ukwash ujim. Kasikeshin mulong wak etu awonsu tufanyidin kwikal ashicha pa nkwas jetu chisu chisambishina chikunku ni chikunku.
Min 18: “Salany Yiwamp ni Kwikal Abazinau!”*Rumburil mulong wak tukata kuta matu nakash pa chisu tukumangena ku chikunguril chijim. Kushimunin kuwamp kwa antu atutadila kukat kuwejin ku kupan uman wa Want, pakwez mazu ma kununganijan makutwish kuyopatin antu kulemp. Lejan patok yom yijikena tufanyidina kusal chakwel kumekesh anch tukwet ngikadil ya Ukristu mudia rukat mulong wa antu akwau.
Muminy 105 ni dilembil dia nsudiel.
Rubing ra Ndol-Mem 28
Muminy 58
Min 8: Yijikish. Yivurisha in kulejan kutul rapor wau wa mudimu wa Ndol-Mem. Chirikinany manans ma mutu wa mulong “Ov Chom ik Chifanyidina Kusal anch Tour de Garde wa Kwilej Kwikil?”
Min 20: Sadilany Nawamp Annuaire 2001. Diskur ni misamb nau in kutesh. Chirikin “Uvud Wawonsu wa 2000,” pa paj 31. Ambambin “Mukand wa Chisak Chitakedina,” pa paj 3-5. Antu kanang mukach mwa in kutesh ashimunin rapor umwing ap chakumenaku cha mu Annuaire musu chikala cha ukwash kud awiy ni kukasikesh ritiy rau. Kasikesh majuku kutang pamwing Annuaire mwawonsu, mud kamu mutapu ukata kusal dijuku diawonsu dia Betel mu mangand mawonsu mu chirung cha muvu. Yita yiyul piur pa mutapu wa kusadil Annuaire chakwel kuyikwash nawamp in kwilej Baibel kusanger nakash dirijek dia Yehova ni dilau dia kwikal umwing wa dirijek dined.
Min 17: “Dizu dia Nzamb . . . Dikwet Ukash.”* Salany yakumenaku yaad yirijekinau nawamp, yimekeshina mutapu ukutwisha mazu ma kusambish nich misamb miswimp kupwitin yitongijok ku Dizu dia Nzamb.
Muminy 79 ni dilembil dia nsudiel.
Rubing ra Kalol 4
Muminy 100
Min 12: Yijikish.
Min 15: “Tusalany Nakash Mudimu wa Kwangul.”* Chisu chiukwisambina paragraf 4, wejinaku chilikej chidia mu Tour de Garde wa Mwinses 15, 1996, paj 19, paragraf 10, umekeshina yikatau kusal antu amwing mulong wa kujimbish mudimu wau.
Min 18: “Twasadil Kal Mudimu mu Teritwar Wetu Tupamp Tuvud!”* Akuchisal kud kalam’a mudimu. (Yikumangen yikweta teritwar mukatau kusal mudimu pa chipatu yikutwish kuchirikin mutu wa mulong “Mamagazin Mijikishin Want,” udia mu Mudimu Wetu wa Want wa Ndol-Mem 1998.) Ambambin yikutwishau kusal mu chikumangen chen mulong wa kusal nakash mudimu mu teritwar mwawonsu. Shimunin yakumenaku yidia mu Annuaire wa 1997, paj 204, ni mu Tour de Garde wa Kasan 15, 1996, paj 26. Kasikeshin usey wa kufund nawamp itutanina ku chikumbu ni chikumbu, kulondul antu akad kwikal ku chikumbu chau, ni kuchirik swa ni kuyital pakad kulab.
Muminy 142 ni dilembil dia nsudiel.
* Mazu mey ma kusambish kangal masut minit umwing, ni kupwa shinshikin misamb ni yipul ni yakul.