Program Wa Yikumangan Ya Mudimu

Rubing ra Mwinses 10

Muminy 86

Min 10: Yijikish. Yijikish yifanyidina ya Mudimu Wetu wa Want.

Min 13: Nswir ja chikumangen.

Min 22: “Ov Uwanyishinany Sens Mudimu Wen?”* Kupwa kwa kwisambin paragraf 1-3 nau in kutesh, sutish yakumenaku yiswimp yaad piur pa mutapu wa kupan magazet ​—⁠chimwing chisadidilau Tour de Garde wa Mwinses 15 ni chikwau chisadidilau Réveillez-vous! wa Mwinses 22. Kupwa kwa kwisambin paragraf 4, chakumenaku chichirikidina nawamp chiyul chipaninau piur pa mazu ma mutapu wa kupan, nich buku Ronganyin.

Muminy 124 ni dilembil dia nsudiel.

Rubing ra Mwinses 17

Muminy 92

Min 15: Yijikish. Rapor wa Chipau. “Yidi mu Index.” Lejan mutapu wa kuman mazu ma kupan nich buku Parole de Dieu.

Min 15: Ov Yom ik Twasadil Muvu Wapwila? Diskur nend kalam’a mudimu. Chirikin milong yijim ya rapor wa chikumangen wa muvu wa 2001. Pan kujikitish kud muntu ni muntu mulong wa yom yiwamp yasadinau. Pwitin yitongijok pa mutapu wasadina chikumangen mu kukumangan ku yikumangan, nich kubudikin pakad kujing mu mudimu wa chingand, ni kusambish kutakel malejan ma Baibel, pan yiyul ya kusadil mulong wa kuya kurutu mu milong yiney. Tek rutong ritwishikina kushiken mu muvu wezina.

Min 15: Yakul ku Yipul Yen. Diskur. Vurish program wa rubing wa chikumangen wa yikumangan ya mudimu. Rumburil mutapu ukutwishau antu awonsu akata kukumangan kusadil pamwing ku misamb ya ukwash ku yikumangan yiney. Yikasikesha in kulejan kukwatikesh yitenchik yiney ya mudimu.

Muminy 129 ni dilembil dia nsudiel.

Rubing ra Mwinses 24

Muminy 97

Min 15: Yijikish. Nich yiyul yipaninau mu mutu wa mulong “Yom Tukutwisha Kulond Piur pa Magazet,” Sutish yakumenaku yaad ya mazu ma kupan nich gazet​—⁠Chimwing chisadidilau Tour de Garde wa Mwinkind 1 ni chikwau chisadidilau Réveillez-vous! wa Mwinkind 8

Min 30: Mukatany Nzamb​—⁠Kangal Wakatany Yom ya Mangand. (1 Yohan 2:​15-17) Diskur ni misamb pamwing nau in kutesh dichirikidina program wa chikumangan cha munyimuku cha muvu wa mudimu wasutina. Yita in kulejan kwisambin piur pa milong yijim yilejinau ni mutapu watwishau kuyisadil ayinau ap mu yirund ya majuku. (Yikunku akutwish kuyipan kurutu kwa chisu.) Isambinany piur pa yikunku ya program winou: (1) “Rukat Mulong wa Nzamb Ritubachikin Kulejan.” Rukat mud riner ritukwashin kurish nich yovil yiyimp yikutwisha kutek mimbu ku kulejan kwetu​—⁠kuburen kuzangurok, yovil ya kuburen kufanyidin, wom wa antu. (2) “In Kumukat Yehova Akisining Yom Yiyimp.” (w99 1/10 28-31) Kwikal nich urund nend Nzamb kwengamidin pa mutapu wetu wa kukis yom yikisinay​—⁠kangal kusu kwau yom yiswapela kuman swa anch yidi yiyimp pakwez kand yisalijok yidia yiyimp yijingamina. (3) “Tulondulany Njil Yipandikena Kuwap ya Rukat.” (w92 15/7 27-30) Korint wa kusambish 13:​4-8 ulejen mulong wak tukata kujijaman nich kushimpish muchim kuburen kuwanyin kwa antu akwau, kwipuk ushish ni kubambel, kwipuk kupalangesh milong yiyimp piur pa antu akwau ni kushal ashinshamena ku dirijek dia Nzamb. (4) “Yom Yidia mu Mangand​—⁠Ov Mutapu ik Tukata Kuyiman?” Kitufanyidinap kukat yom ya mu mangand, kuwa mu maku ma mujimbu, kwidimb nich maku ma mes, ap ni kwibaz kwa yom yitukweta. (5) “Kulik Kwikal ku Mutambu wa Mangand Didi Diking.” Korint wa kaad 6:​14-17 ulejen mutapu yitiyij yimwing, yishankur, ni yisalijok yikutwisha kutusal twikala antu aburedina kwitiyik kud Nzamb. Tufanyidin kujingunin ni kwipuk mipit yitilay Djabul. (6) “Kushilamu Kwa Nzamb Kud Awiy Amukatina.” (w86 15/6 5-6) Yiyukish ya Yehova yiwejidin musangar ku mwom wetu ni kutupitish muspiritu.​—⁠1 Tim. 6:​17-19.

Muminy 133 ni dilembil dia nsudiel.

Rubing ra Mwinkind 1

Muminy 106

Min 10: Yijikish. Yivurisha awonsu kutul rapor wa Mwinses.

Min 15: Ov Mutapu ik Nikutwisha Kusal Nawamp ku Shikol? Mukurump umwing ni mukajend ap nkwash’a midimu umwing ni mukajend isambidin pamwing ni mwanau uyilinga ku shikol. Akat kwinan mulong mwan uchirikin kwinyim mu milong ya shikol. Achirikidin yiyul yidia mu shapitre 18, wa buku Les jeunes s’interrogent, ni isambidin yom yiswiridinay mwan kusal chakwel kuya kurutu. Awiy akasikeshidin usey wa kwikal nich mafundish ma dishin mafanyidina ma kumukwasha kusadil sens ukaliweny ukwetay mu kwipan mu mudimu utumbila.

Min 20: “Ov Chinkangeshin Kulejan?”* Kasikeshin kuswir kwa kwikal isikena mu mudimu wa ku mujimbu, kwitekin pa ndond ya kusambish yisakin ya Want. Yita mitu kanang ya majuku mu chikumangen kushimunin mutapu ukatau kurish nich milong yikash ya kudimukin yom ya ku mujimbu mulong wa majuku mau pakad kudiburil nswir jau ja muspiritu.

Muminy 137 ni dilembil dia nsudiel.

* Mazu mey ma kusambish kangal masut minit umwing, ni kupwa shinshikin misamb ni yipul ni yakul.