Tudandamenany Kutambul Ukwash Udiokila ku Tour de Garde ni Réveillez-vous!

Katat chilikinau ditenchik ditwishishina abonema ku magazet Tour de Garde ni Réveillez-vous! chakwel kumatambwil ku poshit, chitin anch tusala usu chakwel kushinshikin anch etu, pamwing ni antu tukata kulej, kangal twaburen nimero ap umwing wa magazet minam.

Makopi ma Muntu Ipend: Wejinanyaku komand wen wa katat wa magazet anch abonema wen wapwa kal. Anvaj afanyidin kwit uvud uwanyidina wa magazet chakwel chid ni chid cha dijuku chikala nich kopi wend. Fund dijin diey pa kopi wey chakwel kwipuk kumupan mu mudimu wa kulejan. Anch magazet mashik kal, akadivar akata kutakel mudimu wa magazet akez kutek nimero ni nimero swa ku Chot cha Want.

Kwangan kwa Magazet: In kulejan afanyidin kwikasikesh mulong wa kutenchik mutapu wa kwangan magazet kud antu in awonsu akata kusanger kusot kutambul nimero ni nimero. Kuyiletin antu mud inay magazet kukat kukwash chakwel awiy akudisha kusanger kwau ni kusambish malejan ma Baibel.​—⁠Tal Mudimu Wetu wa Want wa Mwinkind 1998, paj 8.

Antu Akweta Impu ya Pakampwil: Anch muntu umekeshin kusanger kwa kashinsh pakwez ushiching mu teritwar wakad kupan kud muntu ap umwing, akutwish kumutwishish cha pakampwil kutambul magazet kusutin ku abonema. Pakwez anch muntu ushiching mu teritwar wa chikumangen ni anch chikasiken kumutwadil magazet mu mutapu winou wa kwangan magazet, pakwez ndiy usotin chakin kamu kumatambul, chifanyidin kwisambin mulong winou pamwing ni Komite wa Midimu wa Chikumangen. Anch akadivar itiyin, akutwish kwit abonema mulong wa muntu winou umekeshina kusanger. Abonema akumusadil kusutil fomu wijikena (M-1 ni M-101)

Twikalany nich kashinsh anch Yehova ukudandamen kamu kuyukish usu wetu mulong wa kulejan Want kusutin ku Tour de Garde ni Réveillez-vous!