Program Wa Yikumangan Ya Mudimu

Rubing ra Kafunfut 8

Muminy 201

Min 15:Yijikish. Yijikish yifanyidina ya Mudimu Wetu wa Want. Nich kusadil yiyul yidia pa paj 4, salany yakumenaku yaad yiswimp piur pa mutapu wa kupan Tour de Garde wa Kafunfut 15 ni Réveillez-vous! wa Kafunfut 22. Mu chakumenaku chimwing ni chimwing, lejanany mutapu kushalijan wa kupandakan chikangesh misamb “Tudi in Kristu.”​—⁠Tal buku Comment raisonner, paj 19.

Min 10:Yakul ku Yipul Yen. Diskur dikupanau kud mukurump, ukusadil malejan minam kwambatan nich pol pen. Anch chifanyidinap shinshikinany chikunku “Tumekeshany Kalimish Mulong wa Ndond ya Difukwil dia Yehova” chidia mu Mudimu Wetu wa Want wa Kasan 1998 paj 1 (Français).

Min 20:Atenchikinau Mulong wa Kupan Uman wa Kukashimwish. Misamb pamwing nau in kutesh yishindamedina pa buku Notre ministère, paj 94-95. Nich kusadil yiyul yidia pa paj wa kusambish wa wenjil wa Mudimu Wetu wa Want wa Chiwong 2002, salany yakumenaku yaad ap yisatu yiswimp ya mutapu wa kupan uman wa kukashimwish kud ngendj, mutej, mwanamakwetu, ap muntu wa chijiken.

Muminy 139 ni malembil ma nsudiel.

Rubing ra Kafunfut 15

Muminy 144

Min 10:Yijikish. Rapor wa chipau.

Min 15:Maswir ma chikumangen.

Min 20:Mayingishin Makash ma Kusadil Baibel mu Mudimu Wetu. Diskur ni misamb pamwing nau in kutesh. Yesu wading wij Mifund ni wadinga ni kwisambinay chisu ni chisu padingay ni kufundish. (Luka 24:​27, 44-47) Yadingay ni kufundish yadingap ya ku usu wend amwinend bwat. (Yohan 7:​16-18) Chidi cha usey nakash anch etu niyetu tusadila Dizu dia Nzamb. Dikwet usu ukash kupandikanamu chom chin chawonsu tukutwisha ayinetu kulond. (Yohan 12:​49, 50; Heb. 4:12) Antu a michim yiwamp, akat kuyipwit kusutin ku rongoj ni ruchingej ripanina Mifund. Itekina rutong ra kutang ap kusu mufund umwing wa Baibel mu misamb yey. Lejan patok anch mu misamb yiyudilau mulong wa kupan nich magazet ma ngond winou mudi mifund. Itap yirumburil kanang kud in kutesh piur pa mutapu wasadidinau Baibel mu mudimu ni usu wadinga nich pad ayinau ni piur pa antu adingau ni kufundish.

Muminy 215 ni malembil ma nsudiel.

Rubing ra Kafunfut 22

Muminy 47

Min 10:Yijikish. Nvaj ni mwan akata kusadilang pamwing mu mudimu asadil chakumenaku chilejena mutapu wa kusadil yiyul yidia pa paj 4 chakwel kupan gazet wa Kafumpul-Mashind 1 ni gazet wa Kafumpul-Mashind 8. Chimwing chisadidilau nich mutapu wa kupan Tour de Garde, ni chikwau mutapu wa kupan Réveillez-vous! Yikasikesha anvaj chakwel ayifundisha anau kuya kurutu mu mudimu.

Min 17:Yom ik Ukutwisha Kulond kud Muntu Wipwila Piur pa Difukwil dia Amizilima? Diskur ni chakumenaku. Nich kusadil buku L’humanité à la recherche de Dieu, shapitre 12, rumburil mu wiswimp kufanikan kudia pakach pa Baibel ni Koran. (Tal mushet udia pa paj 285.) Lejan kushalijan kudia pakach pa mafundish ma Amizilima piur pa mupim (paj 297-300) ni yirumburil ya Baibel. (Tal note pa paj 299.) Nich kusadil buku Comment raisonner, paj 27-31, salany chakumenaku chirumburila mutapu wa kumulej muntu wamekeshina katat kusanger mulong wa yilondila Baibel piur pa mupim.

Min 18:Mutapu ik Nikwiyepa Chak cha Internet? Diskur ni misamb pamwing nau in kutesh yengamidina pa Réveillez-vous! wa Chiwong 22, 2000, paj 19-21. Lejan patok mipit yijingamina ya kusadil Internet kwakad mimbu, ni rumburil mutapu wa kwiyep kuwil mu mupit. Yita in kutesh kupan yirumburil piur pa mutapu watambulau ukwash mu kusadil chiyul chinech. Anch kwikil Internet mu teritwar wen, sadilany amboku yany yidia mu rusangu riner kwambatan nich mikadil ya pol pen.

Muminy 61 ni malembil ma nsudiel.

Rubing ra Kafunfut 29

Muminy 54

Min 10:Yijikish. Yivurisha in kulejan kutul rapor wau wa mudimu wa Kafunfut.

Min 10:“Program Musu wa Chikumangan cha Munyimuku.” Diskur. Ijikish dichuku dia ngond dikusadika chikumangan cha munyimuku chikulondula. Yikasikesha antu awonsu chakwel kwikalaku ni kuta matu ku program. Yikasikesha in kulejan akad kubatishiu kutongin nakash pa kuwanyish yitinau chakwel kushiken ku dibabatish. Salany usu wa pakampwil chakwel kuyitazuk in kwilej awonsu a Baibel.

Min 25:“Twikalany Inungina Pamwing.”* Piwisambidina paragraf wa 3, wejinaku yirumburil yidia mu Réveillez-vous! wa Ndol 22, 2000, paj 9-10. Ni piwisambidina paragraf wa 4, wejinaku yirumburil yidia mu Tour de Garde wa Ndol 1, 1995, paj 16-17, paragraf 4-6.

Muminy 81 ni malembil ma nsudiel.

Rubing ra Kafumpul-Mashind 5

Muminy 38

Min 10:Yijikish.

Min 20:“Kuyikumangej Pamwing Antu a Jindim Jawonsu.”* Wejinaku yirumburil yidia mu Tour de Garde, wa Ndol 1, 2002, paj 24. Anch chitwishikin, rumburil mu wiswimp chisadinau chakwel kuyikwash antu adia mu teritwar wen akata kwisamb rudim ra wingendj, ni salany chakumenaku cha misamb yidia mu paragraf 4.

Min 15:Uman wa pol pen. Yita in kutesh kushimunin uman umwing utungina wambatena nich kukumangan ku chikunguril cha distrik, mudimu wa uchibol nkwash, ap kusadilang mu mijikit yikwau ya muspiritu mu chirung chinech cha konje.

Muminy 184 ni malembil ma nsudiel.

* Mazu mey ma kusambish kangal masut minit umwing ni kupwa shinshikin misamb nich yipul ni yakul.