Program Wa Yikumangan Ya Mudimu

Rubing ra Kafumpul-Mashind 12

Muminy 76

Min 7:Yijikish. Yijikish yifanyidina ya Mudimu Wetu wa Want. Mulong wa yikumangan yen ya mudimu ya chingand yilondwilaku, tuyikasikeshin yikumangen kurijek ni kusal yakumenaku, nich kusadil yiyul yidia pa paj 10: salany yakumenaku yaad yishalijadina piur pa mutapu wa kupan Tour de Garde wa Kafumpul-Mashind 15 ni Réveillez-vous! wa Kafumpul-Mashind 22. Mu chimwing ni chimwing, lejanany mutapu kushalijan wa kupandakan chikangesh misamb “Mulong wak Ukatanya Kuyendin Antu Chisu ni Chisu?”​—⁠Tal buku Comment raisonner, paj 20.

Min 20:“Itekina Jintong ja Muspiritu.”* Piwisambidina paragraf wa 5, wejinaku yirumburil yikasikeshina piur pa mudimu wa uchibol wa rawonsu, Shikol ya Mafundish ma Mudimu, ni mudimu wa Betel yidia mu buku Notre ministère, paj 113-116.

Min 18:“Tukwet Chom cha Mudimu Chisu cha Kusambish Nich Malejan ma Baibel!” Misamb nau in kutesh yikupanau kud kalam’a midimu. Yita in kwakan kumwangen muntu ni muntu pakach pa in kukumangan kopi umwing wa trakt musu Aimeriez-vous en savoir plus sur la Bible? anch udiaku. Salany yakumenaku yaad ya misamb yirijekinau nawamp, nich kusadil yiyul yidia mu mushet “Yitukutwisha Kulond Piur pa Magazet.” Mwin kulejan umwing ukupan Tour de Garde, ni mukwau ukupan Réveillez-vous! Mu chimwing ni chimwing, mwin kulejan ukupwishin nich kupan trakt Aimeriez-vous en savoir plus sur la Bible? kud mwin chikumbu​—⁠kud muntu witiyina kutambul magazet ap bwat. Yikasikesha awonsu kupan trakt musu kud muntu mwin mwawonsu ukusankanau mu mudimu. Yikumangen yakad kusadilang Français mu yikumangan yau, tuyikasikeshin kutambul ukwash wa yidia mu mutu wa mulong winou ni yidia mu trakt wa Français, ap anch trakt winou kwikil mu rudim rikata kusadil chikumangen.​—⁠Tal mukand ku yikumangen yawonsu wa Kafumpul-Mashind 10, 2001.

Muminy 191 ni malembil ma nsudiel.

Rubing ra Kafumpul-Mashind 19

Muminy 182

Min 12:Yijikish. Rapor wa chipau. Isambina “Program Musu wa Chikumangan cha Pakampwil cha Dichuku Dimwing.” Lejan dichuku dia ngond dikusadika Chikumangan cha Pakampwil cha Dichuku Dimwing, ni yikasikesha awonsu kwez kurutu kwa chisu ni kuta matu pasutishinau program mwawonsu wa kabuj. Yikasikesha in kulejan kuyitazuk in kusanger asu ni in kwilej a Baibel.

Min 15:Chom ik Chikata Kuyikangesh Kwisambin Yitiyij yau Pamwing Netu? Misamb nau in kutesh ni chakumenaku. Chisu ni chisu mu mudimu wetu tukat kusankan antu akata kwidjidjek kwisamb netu piur pa yitiyij yau. Chinech chikat kutek mupak ukutwisha kutukangesh kwambamb nau rusangu ra Want. Anch twij mulong wak widjidjekinay muntu, chinech chikutwish kutukwash kurijek mambamb makutwisha kumukasikesh chakwel abudisha yidia mu muchim wend. Isambina mutapu tukutwisha kwambatanish misamb yetu chisu tusankena antu a milad yilondwila ey: (1) Antu akad kusanger milong ya relijon, ap relijon wau. (2) Antu alamatina ku yishankur ya relijon wadinga ni kwifukwil dijuku diau ni angakau. (3) Antu akweta wom wa kwisambin yitiyij yau anch mulong kijap kwau Mifund yivud chakwel kuchidij yitiyij yau. (4) Antu akweta yitongijok yiyimp piur petu mulong wa yirumburil ya makasu yipalangeshinau kud akankuny. Rijek list ufanyidina kwambatan ni teritwar wa pol pen, ni kushinshik kamu nakash mikadil yitukata kusankan chisu ni chisu. Wejinaku chakumenaku chiswimp chilejena mutapu wa kumupwitin muntu mu misamb ya Mifund.

Min 18:“Kumekesh Kushinshaman kwa Ukristu pa Chisu Chimwopatinau Mwanamakwetu mu Chikumangen.”* (Paragraf 1-8) Akuchipan kud mukurump uwanyishinau nawamp, nich kusadil yipul yarijekinau kal. Mukadivar ukata kutang nawamp ukutang paragraf ni paragraf nich dizu dizambukina.

Muminy 136 ni malembil ma nsudiel.

Rubing ra Kafumpul-Mashind 26

Muminy 189

Min 10:Yijikish. Nich kusadil yiyul yidia pa paj 10, chibol wa rawonsu ap chibol nkwash ukusal chakumenaku piur pa mutapu wa kupan Tour de Garde wa Mwinses 1 ni mwin kulejan wa chikumangen ukusal chakumenaku piur pa mutapu wa kupan Réveillez-vous! wa Mwinses 8. Yikasikesha in kulejan awonsu kusadil mufund ap umwing mu misamb yau.

Min 17:“Ikalany Ija Kwisamb!”* Mu dipwishil, yikasikesha in kulejan kuchirikin mwimbu “Mutapu wa Kuwapish Ukaliweny wa Kulond” mu buku Tirez profit de l’école du ministère théocratique, paj 62-65, anch udiaku.

Min 18:“Kumekesh Kushinshaman kwa Ukristu pa Chisu Chimwopatinau Mwanamakwetu mu Chikumangen.”* (Paragraf 9-14) Akuchipan kud mukurump uwanyishinau nawamp, nich kusadil yipul yarijekinau kal. Mukadivar ukata kutang nawamp ukutang paragraf ni paragraf nich dizu dizambukina.

Muminy 125 ni malembil ma nsudiel.

Rubing ra Mwinses 2

Muminy 84

Min 10:Yijikish. Yivurisha in kulejan kutul rapor wau wa mudimu wa chingand wa Kafumpul-Mashind. Pan manans majim madia mu mutu wa mulong “Tang Pamwing ni Aney” udia mu Tour de Garde wa Ndol-Mem 1, 1999, paj 25.

Min 20:Irijeka Kurutu kwa Kuya. Misamb ni chakumenaku. Kutenchik kuwamp kukat kukwash kwikal mwin kusong mabuj mu mudimu. Chawiy lel, chakusambish: (1) Tambul mukand ukwikala nich kuswir. (2) Shinshikin anch ukwet mapapel ma kufundin jinsangu ja chikumbu ni chikumbu nich kazal ka ink ap pensil. (3) Anch uswiridin mwa kwendil kuya mu weny (motak ap nking), sal yitenchik yifanyidina mulong wa weny. (4) Tongin piur pa kuchirikinamu kusu usotina kusal. (5) Rijek yiukutwisha kulond. Anch ukez kutakel chikumangan cha mudimu wa chingand, ufanyidin kwikal nich teritwar uwanyidina. Isamba nau in kutesh mitapu yaad ap yisatu ya kupan nich buku Ronganyin mu mudimu wa kulejan mu Mwinses. Salany chakumenaku chimwing cha misamb, ni kuwejin mu misamb mufund umwing.​—⁠Tal yiyul yidia mu Mudimu Wetu wa Want, Kalol 1997, paj 4, ni Kachirikin 1995, paj 8.

Min 15:Maswir ma chikumangen. Ap kand yita antu adia mu chikumangen kushimunin uman wamenau mu kulejan kwa kukashimun, pamwing ap mu kushimunin rusangu ruwamp kud antu adia mu yiwandj ya kwimikin miotak, mu miotak yikata kusend antu awonsu, mu jindond jiwapishinau mulong wa kwez ni kwiswedishinamu, mu materitwar ma angend-a-mushing, mu jindond jikatau kukandamin miotak, ni mu jindond jikwau ja antu avud. Chirikin uman nich kusal chakumenaku chimwing ap yaad.

Muminy 99 ni malembil ma nsudiel.

* Mazu mey ma kusambish kangal masut minit umwing ni kupwa shinshikin misamb nich yipul ni yakul.