Yijikish

◼ Mikand ya kupan mu Mwinses: Ronganyin Ritwadila ku Mwom wa Chikupu. Mwinkind: Tour de Garde ni Réveillez-vous! Anch kumeken kusanger, pan broshir Nzamb Witin, ni kusal usu wa pakampwil chakwel kusambish malejan ma Baibel. Kalang: Nzamb Witin Etu Tusal Ik? ap Ronganyin Ritwadila ku Mwom wa Chikupu. Anch antu akwet kal mikand yiney, ukutwish kupan mukand umwing ukur. Kachirikin: Le plus grand homme de tous les temps. Ap ukutwishany kusadil mukand Recueil d’histoires bibliques, La Bible: Parole de Dieu ou des hommes?, ap Vous pouvez vivre éternellement sur une terre qui deviendra un paradis.

◼ Mudimu Wetu wa Want wa Mwinkind 2002 afanyidin kuwangan ching kupwa kwa chikumangen kukumangan ku chikunguril chau cha distrik.

◼ Tuyivurishin amakurump kulondul yany yipaninau mu Tour de Garde wa Ndol 15, 1991, paj 21-23 piur pa antu opatau kal ap in kwiyauril ayinau ku chikumangen akutwisha kusot kuchirik kand.

◼ Mud mwachijikishinau mu nimero wa Mudimu Wetu wa Want wa Kasan 2002, mabonema akez kumaswinkan kud mulad wa jinjil ja kwangen magazet jitekinau in kulejan. Biro wa mutiy ukushinshikin kapamp kamwing mabonema minam ma mu jindim ja wingendj mud komand wa chisu chawonsu wa chikumangen. Ditenchik dined asambishin kal kudisadil. Chawiy lel, tukwetap kand diyingish dia kwikal nich abonema wa muntu ku magazet metu. Abonema mwin mwawonsu kakezap kumwijikish ku Biro wa Mutiy chakwel kumufund mu mutapu win wawonsu bwat. Chawiy lel, chikwikalap chiswiridikina kand kusadil mulong ‘Mabonema’ pa Fish wa Mudimu wa Mwin Kulejan (S-21). Chikwau kand, fomu wa katat wa S-1 ukusadilau kud kalam’a ujindj wa chikumangen mu angond ezina kurutu oku kakezap kwikal nich mulong winou.

◼ Tour de Garde wa Mwinkind 15, 2002 ukez kwikal nich mutu wa mulong ulondila anch “Nany Udia Kwinyim kwa Uyimp Wawonsu?” Mulong wa usey wa chipul chinech, chikumangen ni chikumangen chikez kutambul magazet 20 pa chitot ma kuwejinaku ma nimero winou.

◼ Biro wa mutiy kitiyidinap makomand ma mikand ma muntu ipend. Kalam ntakel ufanyidin kukwat yitenchik chakwel kwijikish chikumangen kurutu kwa kutum komand wach wa mikand ku Mutiy chakwel awonsu asotina kutambul mikand kanang akutwish kumwijikish mukadivar mwin kutal milong ya mikand. Vurikany amboku anch mikand yikwau yidi ya kwitin ku komand wa pakampwil.