Program Wa Yikumangan Ya Mudimu
Rubing ra Chiwong 13
Muminy 69
Min 10:Yijikish. Yijikish yifanyidina ya Mudimu Wetu wa Want. Salany yakumenaku yaad yilejena mutapu wa kupan Tour de Garde wa Chiwong 15 ni Réveillez-vous! wa Chiwong 22, kwambatan nich yiyul yidia pa paj wa 4. Mu chimwing ni chimwing, ufanyidinany kupan magazet mawonsu maad, ap anch umwing ndiy ulejenau.
Min 15:Ayipandikana Wakad Dizu. Diskur ni misamb nau in kutesh. Ngikadil yiwamp ya Ukristu yidi uman umwing ukweta usu ukash. Yayibachika kal arund amwing akad ritiy kwikal in kumwifukwil Yehova. (1 Pita 3:1, 2) Shimunin uman udia mu Tour de Garde wa Chiwong 1, 1999, paj wa 4; Tour de Garde wa Mwinkind 1, 1995, paj 10-11; ni Annuaire wa 1995, paj wa 46. Tenchikany kurutu kwa chisu mulong wa kupan yirumburil yaad ap yisatu piur pa yibudikin yiwamp yamanau ku kulondul chiyul cha Baibel pa mulong winou.
Min 20:“Tushakamany Kwambatan Nich Kwipan Kwetu.”* Kupwa kwa kwisambin paragraf wa 3, sal interview mwiswimp ni nsand umwing mukurump ap ni nsand ukweta dikum dia mivu wabatishau kal. Kupakiu ik ni yoziu ik yarishinay nich kudiosh kamu patambulay dibatish diend? Chom ik chamukwashina kupandikan yoziu yiney? Ukwash ik wataninay kudiokal ku kupan mwom wend kud Yehova?
Muminy 22 ni malembil ma nsudiel.
Rubing ra Chiwong 20
Muminy 44
Min 8:Yijikish. Rapor wa chipau.
Min 15:Ov Ukat Kushinshikinany Mifund Pichuku-Pichuku? Diskur ni misamb pamwing nau in kukumangan. Yikasikesha awonsu kusadil nawamp Examinons les Écritures chaque jour—2003. Isambina mazu ma kusambish nich, madia pa paj 3-4. Pan yiyul piur pa mutapu ukutwisha majuku kwisambin pamwing piur pa mufund. Chakwel kulejan usey wa kushinshikin mufund dichuku ni dichuku, isambina yilikej yaad ap yisatu ya mifund ni rumburil piur pa mifund yirijekinau mulong wa kushinshikin mwi ngond ulondwilaku. Salany chakumenaku chiswimp cha ikundj ni mband ashinshikidina pamwing mufund wa dichuku dia nlel ni yirumburil.
Min 22:“Yilejany Antu Akwau Rudim Rishitwila.”* Kupwa kwa kushinshikin paragraf wa 6, mwin kulejan umwing uwanyishinau nawamp ukusal chakumenaku chilejena mutapu wa kusambish dilejan dia Baibel dia ku chikumbu chisu chisadilay kuchirikinamu kusu, ukusadil mazu ma kusambish nich misamb mamwing madia mwi wenjil wa Mudimu Wetu wa Want wa Chiwong 2002, paj wa 4. Wejinaku kushinshikin kwa paragraf umwing mu broshir Nzamb Witin. Mwin kulejan ukupwish nich kulangwish chipul cha paragraf ulondwilaku kupwa akukwat yitenchik chakwel kwez kwakul mu kuchirikinamu kulondwilaku. Yikasikesha awonsu kushinshikin anch kudi muntu ap umwing mu antu akatau kwendil ukusota kwilej Baibel mu mutapu winou.
Muminy 68 ni malembil ma nsudiel.
Rubing ra Chiwong 27
Muminy 92
Min 10:Yijikish. Yivurisha in kulejan kutul rapor wau wa mudimu wa chingand. Salany yakumenaku yaad yilejena mutapu wa kupan Tour de Garde wa Kasan 1 ni Réveillez-vous! wa Kasan 8, kwambatan nich yiyul yidia pa paj wa 4. Rumburil mu wiswimp mutapu tukutwisha kuchirik kuyendil antu twashidila magazet.—Tal Mudimu Wetu wa Want wa Kafumpul-Mashind 2002, paj wa 8, paragraf wa 10.
Min 15:“Ov Ulimishining Ndond Yey ya Kwifukwil?”* (w93 15/6 p. 28-31) Diskur ni misamb nau in kutesh dikupanay mukurump. Wejinaku yirumburil yidia mu buku Notre ministère pa paj 60-62 ni yidia mu Mudimu Wetu wa Want wa Kalang 1999, pa paj wa 7.
Min 20:Tuyikwashany Antu Akwau Kushejin Piswimp nend Yehova (Approchez-vous de Jéhovah). Diskur ni misamb nau in kukumangan. Mu Kasan tukupan buku musu. Isambina chiyul kud in kutang pa paj wa 3, ni kukasikeshin pa mitu ya milong kanang yidia mu buku. Chikunku chimwing ni chimwing cha yikunku yinying chisambidin ngikadil yimwing yijim ya Yehova. Mudi shapitre umwing ulejena mutapu wasadilay Yesu ngikadil yiney ni shapitre mukwau ulejena mutapu tukutwisha niyetu kusal mwamu. Mudi mapaj 17 makweta yipich ya jinsangu ja Baibel. “Yipul ya Kutongijokin” yitukwashin kushinshikin mitambu yikwau ya usey ya rusangu. Chirikin mushet “Yiyul Piur pa Misamb ya Kupan Nich Buku Approchez-vous de Jéhovah,” ni mwin kulejan umwing uwanyishinau nawamp ukusal chakumenaku chimwing cha mazu ma kupan nich minam.
Muminy 124 ni malembil ma nsudiel.
Rubing ra Kasan 3
Muminy 9
Min 15:Yijikish. Chirikinany Yakul ku Yipul Yen.
Min 12:Imburijany Ritiy Rau. Salany interview ni mukurump umwing wamusadidina kal Yehova nich kwitudish ni kushinshaman mivu yivud. (Heb. 13:7) Mutapu ik washikenay kwilej uyakin? Yikangesh ik yadingay ufanyidina kupandikan mu kwak kwend uyakin? Ov yitenchik ya muspiritu ap dikasikesh ik yamukwasha kuya kurutu? Chom ik chasalay chakwel ashikena kwikal mukurump mu chikumangen? (1 Tim. 3:1) Chom ik chamukwashina chakwel awanyisha nawamp yisend ya chikumangen ni mudimu wa ku mujimbu ni yisend ya dijuku? (1 Tim. 5:8) Mutapu ik ukatay kwiyov mulong wa chisend chikwetay cha kuyikwash antu akwau adia mu chikumangen?
Min 18:“Mudimu Umwing Witina Kwikepish.”* Piwisambidina paragraf wa 3, yita in kutesh kupan yiyul piur pa mutapu wa kwakul ang muntu kanang mu teritwar usotin kutupipesh ap kutuswingish, kututendish, ap anch wajiman. Piwisambidina paragraf wa 4, wejinaku yirumburil yidia mu Étude perspicace, Volim wa 1, paj wa 1158, paragraf wa 1. Kasikeshin anch mudimu wa kulejan witining kwikepish ap anch antu adia mu teritwar wetu atwakin nawamp.—w02 15/8 p. 19.
Muminy 133 ni malembil ma nsudiel.
* Mazu mey ma kusambish kangal masut minit umwing, ni kupwa shinshikin misamb nich yipul ni yakul.