Program Wa Yikumangan Ya Mudimu

Rubing ra Kasan 10

Muminy 4

Min 10:Yijikish. Yijikish yifanyidina ya Mudimu Wetu wa Want. Salany yakumenaku yaad yilejena mutapu wa kupan Tour de Garde wa Kasan 15 ni Réveillez-vous! wa Kasan 22, kwambatan nich yiyul yidia pa paj wa 8. Mu chimwing ni chimwing, ufanyidinany kupan magazet mawonsu maad, ap anch umwing ndiy ulejenau.

Min 35:“Lejan ni Dandamen Kupan Uman.”* Akuchipan kud kalam’a mudimu. Yikasikesha antu awonsu akutwisha chakwel kusal mudimu wa uchibol nkwash pa Rish ni Ndol. Yita antu asala mudimu wa uchibol muvu wasutina ou pa chirung cha Chivurikish apana yirumburil. Mutapu ik watenchikau program wau ni milong yau yikwau chakwel atwisha kusal mudimu wa uchibol? Ov chayita kusal usu ni yitenchik ya mutapu ik? Ov amana musangar ni yiyukish ya mutapu ik? Shinshikin yilikej ya maprogram yidia mu mushet udia pa paj wa 4. Ijikish anch mafomu mulong wa mudimu wa uchibol nkwash makwikal tayad kwisudiel kwa chikumangan.

Muminy 30 ni malembil ma nsudiel.

Rubing ra Kasan 17

Muminy 48

Min 10:Yijikish. Rapor wa chipau. Chirikin mukand wa kupan pa Rish. Jimbul chiyul chimwing ap yaad ya mazu ma kupan nich buku Ronganyin, nich kusadil manans madia mwi wenjil wa Mudimu Wetu wa Want wa Chiwong 2002. Kasikeshin rutong ra kusambish malejan ma Baibel ma ku chikumbu.

Min 15:“Ov Ukutwish Kupan Chikumbu Chey?” Diskur dikupanay kalam’a dilejan dia buku. Wejinaku yirumburil yidia mu mutu wa mulong Yakul ku Yipul Yen yidia mu Mudimu Wetu wa Want wa Ndol 2001 ni wa Mwinses 1990. Lejan uvud wa yisak ya dilejan dia buku yidia mu chikumangen ni mwayen wa antu akata kukumangan. Ntwarubil umwing ap aad akutwish kushimun mutapu watambulau awiy ni majuku mau ukwash kusutin ku kwikal nich chisak cha dilejan dia buku ku chikumbu chau. Muntu mwin mwawonsu usotina kupan chikumbu chend mulong wa kuchisadil ufanyidin kuchijikish kud kalam-ntakel.

Min 20:“Ov Yom ik Utekina pa Ndond ya Kusambish?”* Irijeka kurutu kwa chisu chakwel anch ntwarubil umwing ap aad apana yirumburil pa mutapu watwishau kutenchik mikadil yau chakwel kusadil nakash mu mudimu wa kulejan.

Muminy 57 ni malembil ma nsudiel.

Rubing ra Kasan 24

Muminy 74

Min 10:Yijikish. Yivurisha in kulejan kutul rapor wau wa mudimu wa chingand wa Kasan. Salany yakumenaku yaad yilejena mutapu wa kupan Tour de Garde wa Rish 1 ni Réveillez-vous! wa Rish 8, kwambatan nich yiyul yidia pa paj wa 8. Mu chimwing ni chimwing, ufanyidinany kupan magazet mawonsu maad, ap anch umwing ndiy ulejenau.

Min 15:“Ukwash pa Chisu Chifanyidina.” Diskur dikupanay mukurump. Kasikeshin anch usu wa pakampwil usadikina mulong wa kuyikwash antu akad kusalang kand mudimu umekeshin rukat ridimukina ra Yehova pantaliken ni antwend.

Min 20:Mutapu ik Utukwashina Annuaire? Diskur ni misamb pamwing nau in kutesh. Cha kusambish, tang ni kukasikeshin manans majim madia mu “Mukand wa Chisak Chitakedila.” Kupwa yita in kutesh kwisambin rapor ni uman udia mu Annuaire 2002 wamenau anch udi kamu wa pakampwil ni ukasikeshina ritiy. Yikasikesha awonsu kutang Annuaire mwawonsu wa 2003 chisu chikezay kwikalaku ni kumusadil chakwel in kwilej Baibel ijika nawamp dirijek dia Yehova.

Muminy 56 ni malembil ma nsudiel.

Rubing ra Rish 3

Muminy 14

Min 10:Yijikish. Isambina mu wiswimp “Ditenchik Disu Mulong wa Tupalikany twa Mabuku twa ku Chot cha Want.” Lejan muntu ukeza kusadilau mud mwin kulam kapalikany ka mabuku ku Chot cha Want.

Min 15:Maswir ma chikumangen.

Min 20:“Ikalany Ishitwila mu Manangu Nsudiel Piyashejina Kal Piswimp.”* Chisu cha kwisambin paragraf wa 3-4, yita antwarubil kushimunin jintong ja muspiritu jilondwilau katat. Wejinaku yirumburil yidia mu buku Mwifukwila Nzamb pa paj wa 176.

Muminy 127 ni malembil ma nsudiel.

* Mazu mey ma kusambish kangal masut Minit umwing, ni kupwa shinshikin misamb nich yipul ni yakul.