Program Wa Yikumangan Ya Mudimu

Rubing ra Rish 10

Muminy 5

Min 10:Yijikish. Yijikish yifanyidina ya Mudimu Wetu wa Want. Salany chakumenaku chilejena mutapu wa kupan Tour de Garde wa Rish 15 ni Réveillez-vous! wa Rish 22, kwambatan nich yiyul yidia pa paj wa 8. Mu chakumenaku chimwing ni chimwing, ufanyidinany kupan magazet mawonsu maad, ap anch umwing ndiy ulejenau.

Min 15:“Uyakin Piur pa Yip, Ulaj, ni Utuk.” (Chikunku cha 1)* Sadil broshir Njil Yitwadila ku Mwom wa Chikupu​—⁠Ov Wayimen Kal? pa paj wa 15 ni wa 16 (Paragraf wa 1-9). Akuchipan kud mukurump umwing chifuvu. Ijikishany rubing rimwing kurutu, ku Chikumangan cha Mudimu ni kuyit in kukumangan kurijek chikunku chinech ni kusend broshir winou mulong wa rubing riner ni mulong wa rubing ra Rish 24. Tangany paragraf wa 6-9. Kasikeshin usey wa kulik kulikidil makasu mapalangeshinay Satan matukwata mu ubindj. Mukurump ufanyidin kushinshikin anch manans mawonsu amateshin nawamp ni kwikil kumakarumun nich yirumburil yakad kwikal yakin. Mazu ma mpwishil makez kuyikasikesh in kukumangan kurijek Chikunku cha 2, chikezau kwisambin pa rubing ra Rish 24.

Min 20:“Ikal Nich Mushiku wa Kusal Yom Yiwamp!”* (Paragraf wa 1-12) Kupwa kwa kwisambin paragraf wa 6, sal chakumenaku chiswimp chilejena mwin kulejan umwing umutazukina mwanamakwend, mutej nend, murund nend wa shikol, ap murund nend wa mudimu kwez ku Chivurikish, nich kusadil dipaper dia diladikij. Ang kand kal angana mapaper ma diladikij, afanyidin kumangan kupwa kamu kwa chikumangan.

Muminy 19 ni malembil ma nsudiel.

Rubing ra Rish 17

Muminy 34

Min 10:Yijikish. Rapor wa Chipau.

Min 15:Ikal Mwin Manangu mu Kutond kwa Arund Ney. Diskur dikupanay mukurump diengamidina pa Réveillez-vous! wa Kasan 22, 1997, paj wa 13, ni yom yisambidinau mu mutu wa mulong “Arund Ayimp” yidia pa paj wa 192 mu buku Comment raisonner. Lejan mutapu usadila yijidik yiney kud ansand ni amakurump. Kasikeshin yiyukish ya kutond arund ching antu amukatina Yehova ni amekeshina anch akat kwikasikesh kushal alamatina ku yany yend.

Min 20:“Ikal Nich Mushiku wa Kusal Yom Yiwamp!”* (Paragraf wa 13-26) Akuchipan kud kalam ntakel. Chisu ushinshikidina paragraf wa 14, sal chakumenaku chiswimp, mukurump umwing umwendidila mukadivar udia chibid mulong wa kumukasikesh, ukat kumurumburil nawamp mutapu ukutwishay niyend kusadil pamwing mu kukudish mijikit ya chikumangen pa chirung cha Chivurikish.

Muminy 53 ni malembil ma nsudiel.

Rubing ra Rish 24

Muminy 72

Min 10:Yijikish. Salany yakumenaku yaad yilejena mutapu wa kupan Tour de Garde wa Ndol 1 ni Réveillez-vous! wa Ndol 8, kwambatan nich yiyul yidia pa paj wa 8.

Min 15:“Uyakin Piur pa Yip, Ulaj, ni Utuk.” (Chikunku cha 2)* Sadil broshir Njil Yitwadila ku Mwom wa Chikupu​—⁠Ov Wayimen Kal? pa paj wa 16-18 (Paragraf wa 10-17 ni mushet ‘Ov Alaj Akutwish Kuyikel Nzaj?’ pa paj wa 18). Akuchipan kud mukurump umwing chifuvu. Tangany paragraf wa 10-14. Mu mazu ma kusambish nich, vurish makasu maad mashinshikidinau mu Chikunku cha 1 masotinay Satan anch antu amitiyija. Mukurump ufanyidin kushinshikin anch manans mawonsu amateshin nawamp ni kwikil kumakarumun nich yirumburil yakad kwikal yakin. Kasikeshin ukwash wa kumusadil Nzamb wakin ukata kutuchidij mulong tukat kumuziyilang.

Min 20:Atuman’a Yehova​—⁠Ukwash Uwamp mu Chisak. Diskur ni misamb nau in kukumangan. Yisu yimwing tukat kwikalang ni ndond ya kulejan patok mutapu mudimu wetu ni chilikej chetu yidi ya ukwash mu chisak. Yita in kukumangan kupan yirumburil ku manans malondwila am: (1) Tukat kuyilej antu chakwel ashakama kwambatan nich yany ya Baibel piur pa mwikadil. (2) Tukat kulejan win-yakin ni kalimish pantaliken nich wintakel. (3) Tukat kulejan uumwing pakach pa antu a ulombu wa chikit kushalijan, a michid kushalijan, ni a yisak ya mikadil kushalijan. (4) Tukat kuyikwash antu akwau kuwapish mwom wau wa dijuku kusutil ku kuyikasikesh kusadil yijidik ya Baibel. (5) Twayilejin kal tunan ni tunan twa antu mutapu wa kutang ni kufund. (6) Tukat kwipan ayinetu mulong wa kuyikwash antu akwau mu yisu ya mar. (7) Tukwet ndond ya usey mu kwikadish kwa want ipau wa relijon ukwetau nlel antu awonsu.​—⁠Tal buku Prédicateurs, paj wa 699.

Muminy 121 ni malembil ma nsudiel.

Rubing ra Rish 31

Muminy 130

Min 12:Yijikish. Yivurisha in kulejan awonsu kutul rapor wau wa mudimu wa chingand wa Rish. Lejan mukand wa kupan pa Ndol. Chirikinany “Sadilany Buku Mwifukwila Nzamb Chakwel Kutakel Malejan ma Baibel.” Isambina manans majim mu “Yivurish ya Chivurikish.”

Min 13:Yamenau pol pen. It chikumangen kushimunin uman wamenau usangareshina pasadilau midimu yivud pa Rish. Yijikitisha mulong wa usu wasadilau, ni yikasikesha antu awonsu kusadil kand pamwing nakash mud kamu chiyitwishishina mikadil yau pa Ndol.

Min 20:“Yehova Udi Chakin Ufanyidina Kushiman.”* Kasikeshin usey wa Chivurikish. Lejan mutapu chikutwisha kwikal cha ukwash kud antu awonsu mu kuyikwash antu akwau chakwel kwikalaku. Rumburil chikutwishau kusal chakwel kuyilej antu akad kusalang kand mudimu chakwel kuvuvurish kusanger kwau. Yita in kukumangan kushimunin uman win wawonsu ukasikeshina wamenau ku chivurikish cha muvu wasutina ou.

Muminy 173 ni malembil ma nsudiel.

Rubing ra Ndol 7

Muminy 191

Min 10:Yijikish.

Min 15:Mutapu wa Kutong Kwambatan Nich Mifund. Minsamb nau in kukumangan. Mutapu ik tukutwisha kukudish ukaliweny wa kutong nawamp pamwing ni antu tukata kutan mu mudimu? (1) Ak ronganyin ra Mifund rifanyidina kusutil ku dilejan dia muntu ipend ni ku kukumangan ku yikumangan pakad kujing. (2) Tongijokin pa yom yiwilejina, kimbijol uyakin kusutil ku yitongijok kushalijan. (3) Kangal kukimb kusu ching yirumburil ya mifund pakwez kimb kand yiyingish ya Mifund yiletidinau yirumburil yiney. (4) Shinshikin mutapu ukutwisha kurumburil mifund ku milad ya antu kushalijan. (5) Shinshikin mutapu ukutwisha kumekesh patok kusutin chilikej manans mamwing.

Min 20:“Mutapu Ukata Kutukwol Uyakin.”* Wejinaku yirumburil yidia mu mushet udia pa paj wa 6 wa Tour de Garde wa Mwinkind 1, 1998. Yita in kukumangan kurumburil mutapu wayikwola uyakin udiokila mu Dizu dia Nzamb.

Muminy 217 ni malembil ma nsudiel.

* Mazu mey ma kusambish kangal masut minit umwing, ni kupwa shinshikin misamb nich yipul ni yakul.