Sadilany Buku Mwifukwila Nzamb Mulong wa Kutakel Malejan ma Baibel

Buku Mwifukwila Nzamb Umwing Kusu Wakin amusadin mulong wa kuyikwash antu achidia asu kuya kurutu mu uyakin ni kukasikesh kusanger kwau mulong wa Yehova ni dirijek diend. Akutwish kumusadil mud buku wa kaad wa kwilej nau in kwilej a Baibel. Mudimu Wetu wa Want wa Kalol 2000, pa paj wa 4, warumburila anch: “Anch chimeken kamu patok anch muntu ukat kuya kurutu, ap anch pakemp pakemp, ni anch ukat kukudish kusanger kwa yom yilejinay, chawiy lel dandamenany kwilej Baibel mu buku wa kaad kupwa kwa broshir Nzamb Witin ni buku Ronganyin. . . . Pakwez, mu yilikej yawonsu, chifanyidin bil kwilej broshir Nzamb Witin ni buku Ronganyin. Chifanyidin kufund rapor wa dilejan dia Baibel, kuchirikinamu kusu, ni chisu chikusalau chakwel kudandamen nich dilejan ap anch muntu wilejinany nend watambwil kal dibatish kurutu kwa kupwish buku wa kaad.”

Ov nany kand mukwau ukutwisha kutaninamu ukwash wa dilejan dia Baibel mu buku Mwifukwila Nzamb? Mutu wa mulong wawiy umwing udandamedin kulond anch: “Anch wij muntu kanang wileja [broshir Nzamb Witin ni] buku Ronganyin pasak pakwez kayap kurutu kushiken ku kwipan ni dibatish, ukutwish kukwat chiyul cha kutal anch ukusot kuchirikin dilejan diau dia Baibel.” Tusalany usu wa pakampwil wa kusambish malejan mu buku Mwifukwila Nzamb nau antu mud inay mu Rish ni mwi Ndol.