Program Wa Yikumangan Ya Mudimu

CHIYUL: Mudimu Wetu wa Want ukwikal nich program wa Chikumangan cha Mudimu rubing ni rubing mu Kafumpul-Mashind ni Mwinses. Yikumangen yikutwish kukarumun mud chiswiridikina mulong wa kutwish kukumangan ku Chikumangan cha Distrik “Panany Uyaj kud Nzamb.” Pichifanyidina, sadilany aminit 15 a Chikumangan cha Mudimu cha nsudiel kurutu kwa kuya ku chikumangan cha distrik chakwel kuchirikin yiyul yifanyidina kusadil pol pen yidia mwi wenjil wa ngond winou. Mwi ngond wa Mwinkind, akurijek Chikumangan cha Mudimu chakwel kuchirikin milong yijim piur pa program wa chikumangan cha distrik. Chakwel kwirijek mulong wa minsamb yiney, muntu ni muntu pakach petu ukutwish kufund milong yijim ap manans ma usey ku chikumangan, pamwing ni kufund dilondurish dia manans mijikena tukutwisha kusadil mu mwom wetu ayinetu ni mu mudimu wa chingand. Kupwa kand tukutwish kuyikasikesh antu akwau ku kurumburil mutapu twasadidila yom yiney kupwa kwa kudiokal ku chikumangan cha distrik.

Rubing ra Ndol 14

Muminy 20

Min 15:Yijikish. Yijikish yifanyidina ya Mudimu Wetu wa Want. Salany yakumenaku yaad kushalijan yilejena mutapu wa kupan Tour de Garde wa Ndol 15 ni Réveillez-vous! wa Ndol 22, kwambatan nich yiyul yidia pa paj wa 8. Mu chakumenaku chimwing ni chimwing, ufanyidinany kupan magazet mawonsu maad, ap anch umwing ndiy ulejenau.

Min 10:Yakul ku Yipul Yen. Diskur dikupanay mukurump.

Min 20:“Munyikany Mud Yimunyik.”* Pwish nich diskur dia aminit atan diengamidina pa Tour de Garde wa Kalol 1, 1997, paj wa 14-15, paragraf wa 8-13. Lejan mulong wak tukatap kulam uruu wa Want mud ujindj pantaliken nau antu akwau.

Muminy 134 ni malembil ma nsudiel.

Rubing ra Ndol 21

Muminy 25

Min 10:Yijikish. Rapor wa chipau.

Min 15:“Akumangena Pamwing Mulong wa Kumushiman Yehova.”* Sadilany yipul yirijekinau. Yikasikesha antu awonsu kwikalaku ku yikunku yawonsu, kudiosh kamu Diakatan pamanch djat Diarubing urel. Kasikeshin kuswir kwa kusadil yitwilejina kupandakanamu kwau kuyitesh chamwamu. Shinshikin chiyul chidia kwiur oku pantaliken nich yitenchikinau mulong wa Chikumangan cha Mudimu pa Mwinkind, pakeza kwikal dichirikin dia manans majim ma chikumangan cha distrik. Yikasikesha antu awonsu kufund.

Min 20:“Amitiya Kwend.”* Sal interview umwing ap maad nau antu asadidila nawamp ujich wau mulong wa kutwal kurutu yisakin ya Want. Yita kupan yirumburil piur pa chom chayikwasha kutan musangar mu mudimu wau.

Muminy 35 ni malembil ma nsudiel.

Rubing ra Ndol 28

Muminy 51

Min 10:Yijikish. Yivurisha in kulejan awonsu kulet rapor wau wa mudimu wa chingand wa Ndol. Salany yakumenaku yaad yilejena mutapu wa kupan Tour de Garde wa Ndol-Mem 1 ni Réveillez-vous! wa Ndol-Men 8, kwambatan nich yiyul yidia pa paj wa 8.

Min 15:“Ikal Chilikej mu Midimu Yiwamp.”* Sadilany yipul yirijekinau. Rumburil mulong wak ngikadil yiwamp yidi ya usey ku mutambu wa muntu ni muntu pakach petu.

Min 20:“Kuchirikinamu Kusu Kukat Kushikij ku Malejan ma Baibel.”* Akuchipan kud mukurump, sadil yipul yirijekinau. Yita in kutesh apana umana mu wiswimp wa yamenau mu mudimu yikasikeshina manans masadidilau. Chisu cha kwisambin paragraf wa 5, chirikin uman umwing wa mu teritwar wa pol pen washikedina ku kusambish dilejan dia Baibel.

Muminy 89 ni malembil ma nsudiel.

Rubing ra Ndol-Mem 5

Muminy 120

Min 10:Yijikish. Salany dichirikin diswimp dia yiyul yapanau mu Mudimu Wetu wa Want wa Ndol 2002, yidia pa paj wa 2, mu chikunku chikweta mutu wa mulong “Twitenchikany Kurutu kwa Chirung cha Konje.”

Min 20:“Kudjal Maswin Mawanyidina Nawamp Pakad Kwishimek Kumekeshin Kalimish kud Nzamb.”* Akuchipan kud mukurump. Sadilany yipul yarijekinau kal. Akutwish kutang paragraf umwing ni umwing kud mukadivar wija kutang nawamp.

Min 15:Rapor Muwamp​—⁠Musul wa Musangar. (Jinsw. 15:30) Minsamb pamwing nau in kutesh yimekeshina yom yasadina chikumangen mud chibudikin cha usu wa pakampwil wasadinau pa Rish ni Ndol. It chikumangen kushimunin uman uwamp wamenau mu mitambu kushalijan yilondwila ey: (1) kumukwash muntu usangaredina kukumangan ku Chivurikish, (2) kusal mudimu wa uchibol nkwash, (3) kumukasikesh mwin kulejan walikina kal kuletang rapor chakwel kuchirikin kand mujikit wend pamwing ni chikumangen, (4) kumukwash muntu musu kusambish kulejan, ni (5) kukudish kusanger kwa antu akumangena ku Chivurikish. Rijekany yimwing ya yirumburil yiney kurutu kwa chisu. Yijikitisha, ni kuyikasikesh antu awonsu kujijaman mu usu winou kand mu machuku ma kurutu.

Muminy 126 ni malembil ma nsudiel.

* Mazu mey ma kusambish kangal masut minit umwing, ni kupwa shinshikin minsamb nich yipul ni yakul.