Program Wa Yikumangan Ya Mudimu

Rubing ra Kafunfut 14

Muminy 56

Min 10:Yijikish. Yijikish yifanyidina ya Mudimu Wetu wa Want. Salany yakumenaku yaad kushalijan, kwambatan nich yiyul yidia pa paj wa nsudiel, yilejena mutapu ukutwishau kupan Tour de Garde wa Kafunfut 15 ni Réveillez-vous! wa Kafunfut 22 (anch madiaku, anch kwikil panany manimero ma kwinyim) mu teritwar wa chikumangen cha pol pen.

Min 15:Ov Mutapu ik Ukata Difukwil dia Nzamb Kupitish Mwom Wetu? Minsamb nau in kutesh. Difukwil dia kin didi dia usey nakash chakwel kwikal nich musangar, ni mwom urumburikina. (1) Dikat kutukwash kurish nich milong ni yakamish ya mwom. (Fil. 4:​6, 7) (2) Dikat kutukasikesh kukudish ngikadil yimusangareshina Nzamb. (2Pi. 1:​5-8) (3) Dikat kutukwash kusadil chisu chetu ni yom yetu mu mutapu ujim ufanyidina. (1Tim. 6:​17-19) (4) Dikat kutwinkish ruchingej rakin ra machuku ma kurutu. (2Pi. 3:13) (5) Dikat kututwishish kukudish urund wa piswimp nakash nend Yehova. (Jak. 4:⁠8) Kwisikesh mutapu uburedina yom yiney pakach pa antu akad kumwijik ni kumusadil Yehova.

Min 20:“Kujikitish Mulong wa Ranaken ra Nzamb.”* Chisu wisambidinany paragraf wa 3, pan yiyul ya mutapu wa kusambish njil ya kupanin magazet, yidia mu Mudimu Wetu wa Want wa ngond wa Kalol 1998 pa paj wa 8. Mwipula mwin kulejan chifuvu umwing ap aad piur pa mulad wamenau kwikal ufanyidina mu kusambish malejan ma Baibel. Yikasikesha awonsu kuchisal chikala rutong rau ra kusambish ni kutakel dilejan dia Baibel.​—⁠om p. 91.

Muminy 176 ni malembil ma nsudiel.

Rubing ra Kafunfut 21

Muminy 184

Min 10:Yijikish. Rapor wa chipau.

Min 10“Program Musu wa Chikumangan cha Munyimuku.” Diskur ni minsamb nau in kutesh. Ijikish dichuku dia ngond dikusadika chikumangan cha munyimuku. Anch chikumangen chen chikez kukumangan ku chikumangan mu angond adia piswimp ap kurutu, lejan anch antu asotina kutambul dibatish afanyidin kumwijikish kalam ntakel. Yikasikesha awonsu kusal usu wa pakampwil chakwel kuyitazuk in kwilej a Baibel ni kwikalaku ku yikunku yawonsu ya chikumangan.

Min 25:Imburijany Mushiku Wau mu Kulejan. Minsamb nau in kutesh yimanyidina pa buku Mwifukwila Nzamb, pa paj wa 170-171. Yita in kutesh kwakul ku yipul yipwilau mu paragraf wa 7 ni kuwejinaku mifund yilejenau mu yirumburil. Tond mifund yikemp ya kutang. Shinshikin dilejan twilejina kusutil rusangu riner ni mutapu ukutwishau kutukwash kwikal nich chitongijok chiwamp cha mudimu wetu wa kulejan.

Muminy 201 ni malembil ma nsudiel.

Rubing ra Kafunfut 28

Muminy 45

Min 10:Yijikish. Yivurisha in kulejan kupan rapor wau wa mudimu wa Kafunfut. Salany yakumenaku yaad kwambatan nich yiyul yidia pa paj wa nsudiel, yilejena mutapu wa kupan Tour de Garde wa Kafumpul Mashind 1 ni Réveillez-vous! wa Kafumpul Mashind 8, anch madiaku, anch kwikil panany manimero ma kwinyim. Mu chakumenaku chimwing lejan mwin kulejan upanina uman wa kukashimwish.

Min 15:Yakul ku Yipul Yen. Ov yom ik tufanyidina kulam mu manangu anch yikumangan yaad ap yivud ya jindim kushalijan yisadidil mu teritwar umwing? Yikumangen yetu yimwing ayitekin chakwel kuyilej antu kwambatan nich rudim. Chawiy lel, yikumangen yaad ap yivud yilondila jindim kushalijan yisadidil mu teritwar umwing. Yikez kulondul yany yiney.

Min 20:“Kubudik Pamwing mu Kupan Uman Kuletining Musangar.”* Chisu wisambidinany paragraf wa 3, wejinaku yirumburil yidia mu Yakul ku Yipul Yen mu Mudimu Wetu wa Want wa Mwinses 2001. Sal interview mwiswimp nend kalam wa Dilejan dia Buku dia Chikumangen. Mwipula piur pa yitenchik ya mudimu wa chingand yisadilay mulong wa chisak chend cha dilejan dia buku ni piur pa mutapu chikata kumenamu ukwash udiokila ku kupan uman pamwing.

Muminy 36 ni malembil ma nsudiel.

Rubing ra Kafumpul Mashind 4

Muminy 178

Min 10:Yijikish. Jimbul mukand wa kupan ngond unou. Sal chakumenaku chiswimp chimwing ap yaad ya mazu ma kupan nich mukand makutwishau kusadil.

Min 20:“Kupan Mikand mu Teritwar Mulondilau Jindim Kushalijan.”* Sadil yipul yirijekinau. Chisu ushinshikidinany paragraf wa 3, sal chakumenaku chiswapela mu rudim ra wingendj rilondinau mu teritwar wen ni rakad nich chikumangen chikata kurisadil.​—⁠km 7/02 p. 1 par. 4.

Min 15:Ansand Akat Kumushiman Yehova! Diskur nich minsamb nau in kutesh ni ma interview. Tukat kusangar kuteshang ansand akat kupan yakul yirijekinau nawamp ku yikumangan. Mushiku wau ni kuya kurutu kwau ku Shikol ya Mudimu wa Uteokras yiletin musangar. Akat kumekesh ritiy ra kashinsh chisu chipaninau uman uwamp mu mudimu wa kulejan. Mwom wau wa winzamb umwinkishin Yehova katumb. (yb88 pp. 53-54) Kuya kurutu kwau muspiritu kutekin mufulandal mulong wa yisend ya kurutu. Sal interview mwiswimp wa ansand in Kristu aad ap asatu asangera kusal pakad kujing mijikit ya mu chikumangen. Yijikitisha nich muchim utok ansand adia mu chikumangen mulong wa usu wau uwamp usadilau mulong wa kumushiman Yehova.

Muminy 49 ni malembil ma nsudiel.

* Mazu mey ma kusambish kangal masut minit umwing, ni kupwa shinshikin minsamb nich yipul ni yakul.