Program Wa Yikumangan Ya Mudimu
Rubing ra Mwinkind 13
Muminy 215
Min 10:Yijikish ni yijikish yifanyidina ya Mudimu Wetu wa Want. Yikasikesha antu awonsu kusadil yipul yidia pa paj wa 1 chakwel achirikina yafundau pa kwirijek mulong wa minsamb nau in kukumangan piur pa Program wa Chikumangan cha Distrik “Panany Uyaj Kud Nzamb” ku Chikumangan cha Mudimu cha rubing rilondwilaku. Salany yakumenaku yaad yilejena mutapu wa kupan Tour de Garde wa Mwinkind 15 ni Réveillez-vous ! wa Mwinkind 22, kwambatan nich yiyul yidia pa paj wa 8#. Mu chimwing ni chimwing, panany magazet mawonsu maad, ap anch umwing ndiy upaninanya. Mu chimwing cha yakumenaku, mekesh kuchirikinamu kusu mwi njil ya magazet. Tek mufulandal wa kuchirikinamu kulondwila kusutil ku kupwitin manangu ku mushet “Mu Rusangu Rilondwila.”—Tal Mudimu Wetu wa Want wa Kalol 1998, p. 8, par. 1-2, 7.
Min 20:“Musadilany [Yehova, NW] Nich Musangar.”* (Antu awonsu afanyidin kwikal nich wenjil wa Mudimu Wetu wa Want wa Chiwong 2002 mulong wa minsamb yiney.) Kupwa kwa kwisambin paragraf wa 4, lejan anch pa Kalang tukupan broshir Nzamb Witin ni buku Ronganyin. Chirikin mu wiswimp chimwing cha yiyul ya minsamb yidia mwi wenjil wa Mudimu Wetu wa Want wa Chiwong 2002. Chad salany chakumenaku chilejena mutapu uwamp wa kusadin minsamb yiney. Yikasikesha awonsu kwirijek nawamp mulong wa mudimu.
Min 15:Kutakel Malejan ma Baibel Kuletining Yiyukish. Diskur ni minsamb nau in kukumangan. Shimunin yimaniman yimwing yidia mu mikand yetu yisambidina malejan ma Baibel mayila kurutu. (w00 1/3 p. 6; yb98 p. 55-60) Yita in kukumangan kurumburil piur pa yitwilejina kudiokal ku yimaniman ni ukwash tutanidinamu mu kutakel malejan ma Baibel.
Muminy 172 ni malembil ma nsudiel.
Rubing ra Mwinkind 20
Muminy 86
Min 5:Yijikish.
Min 40:“Yikumangan ya Distrik ni ya Michid Yitubachikin Kupan Uyaj Kud Nzamb!” Akuchitakel kud mukurump. Mazu mey ma kusambish nich kangal masut minit umwing, takel minsamb nau in kukumangan ya program wa chikumangan cha distrik nich kusadil yipul yidia pa rusangu riner. Sadin chisu chakwel kwakul ku yipul yawonsu, pamwing itiyij chakul chimwing kusu ku yipul yimwing. Chiwapidilap kwau kutang mifund yawonsu yijimbwilau mulong wa chisu chiletinau, yidi mulong wa kutan swa yakul. Yirumburil yifanyidin kwasin pa yiyukish ya kusadil yom twilejina.
Muminy 112 ni malembil ma nsudiel.
Rubing ra Mwinkind 27
Muminy 64
Min 12:Yijikish. Rapor wa chipau. Yivurisha in kulejan kulet rapor wa mudimu wa Mwinkind. Yikasikesha awonsu kuchirikin yafundau ku program wa chikumangan cha pakampwil cha dichuku dimwing cha muvu wa mudimu wasutina ou mu kwirijek mulong wa Chikumangan cha Mudimu cha rubing rilondwilaku. Salany yakumenaku yaad yishalijadina yilejena mutapu wa kupan Tour de Garde wa Kalang 1 ni Réveillez-vous ! wa Kalang 8, kwambatan nich yiyul yidia pa paj wa 8.# Mu chimwing ni chimwing, panany magazet mawonsu maad, ap anch umwing ndiy upaninanya. Mu chimwing cha yakumenaku, lejanany mutapu wa kupandikan chikangesh minsamb “Niyisangaredinap.”—Tal buku Comment raisonner, p. 16.
Min 20:Sadilany Mpak ya Musamun ya Muspiritu. (Ef. 6:17) Minsamb nau in kukumangan yengamidina pa buku École du ministère, paj wa 143-144. Yita apan yirumburil ku yipul yiney: (1) Mulong wak tufanyidin kusadil Baibel pitwakwila ku yipul? (2) Dijin dia Atuman’a Yehova dilejen chom ik pad etu? (3) Chilikej ik chashay Yesu, ni mutapu ik tukutwisha kumwimburij? (4) Mu teritwar wa pol pen, yisu mitapu yiwamp ya kusambish minsamb nich yitongijok ya Baibel? (5) Ov mulong wak chidi cha manangu kutang kapamp kamwing mu Baibel pichitwishikina? (6) Ov mutapu ik ukatau amakurump kuyikasikesh antu akwau kusadil Baibel nawamp? Salany chakumenaku chirijekinau nawamp pa kwiyijidish kudia pa paj wa 144 mukutwishay mwin kulejan umwing chifuvu kusadil ap verse umwing pa kwakul ku chipul. Yikasikesha antu awonsu itekina rutong ra kusadil Baibel chisu chawonsu chipaninau uman.
Min 13:Yimaniman ya pol pen. It in kukumangan ashimunin yimaniman yamanau pakumangenau ku chikumangan cha distrik ap papanau uman wa kukashimuk ku mudimu, ku shikol, ap kwi ndond yindjing.
Muminy 52 ni malembil ma nsudiel.
Rubing ra Kalang 3
Muminy 147
Min 5:Yijikish.
Min 15:Maswir ma chikumangen.
Min 25:Ikalany Ampich mu Midimu Yiwamp. (1 Tim. 6:18) Nich kusadil yipul yilondwila ey, mukurump ukutakel minsamb nau in kukumangan piur pa program wa chikumangan cha pakampwil cha dichuku dimwing chasadikina mu muvu wa mudimu wasutina ou. It chikumangen chishimunina mutapu chatwishina kusadil yom yilejau. (Chiwapidil kupan yikunku kurutu kwa chisu.) Kasikeshin yikunku yiney ya program: (1) “Midimu Yiwamp Yiletin Chiyukish Chijim.” (Mul. 2:11) Ov mulong wak atushalapol a Nzamb akat kusal midimu yiwamp yisambidinau mu Dizu dia Nzamb pa ndond pa kusal midimu yakad usey ya mangand minam? (2) “Ikalany Ampich ku Mes kwa Nzamb.” (Mat. 6:20) Mutapu ik ‘wikumangejidinau antu amwing dipit mwiur,’ ni yiyukish ik yidiaku? (3) “Pitish Mudimu Wey Nich Dilejan dia Baibel.” (om p. 91) Chom ik chikutwisha kutukwash chakwel kusambish ni kutakel dilejan dia Baibel? (4) “Midimu Yiwamp mu Chisu Chinech cha Kwangul.” (Mat. 13:37-39) Chilikej ik cha midimu yiwamp chashau in Kristu a kusambish, ni mutapu ik upalangena mudimu wa Want mu machuku metu? (5) “El Midimu Yen Yiwamp Yimushiman Yehova.” (Mat. 5:14-16) Ov mutapu ik wasalau antu amwing chad ‘kutok kwau kumunyika’? (6) “Yijikitishany Ansand Mulong wa Midimu Yiwamp ya Kumushiman Yehova.” (Kus. 148:12, 13) Mutapu ik ukatau ansand adia mu munyimuku wetu kumushiman Yehova? (7) “Dandamen mu Midimu Yiwamp ni Angul Yiyukish ya Yehova.” (Jinsw. 10:22) Pitusadila yivud mu midimu yiwamp, yiyukish ik tukutwisha kwangul muntu ni muntu panrend, mu dijuku, mu chikumangen, ni mu dirijek dia mangand mawonsu?
Muminy 180 ni malembil ma nsudiel.
* Mazu mey ma kusambish kangal masut minit umwing, ni kupwa shinshikin minsamb nich yipul ni yakul.
# Sadilany amboku yiyul mulong wa magazet ma nsudiel.