Yitukutwisha Kulond Piur pa Magazet

LA TOUR DE GARDE wa Kas. 15

“Antu avud ovil kuyip mulong wa yom yiyimp yasadika mu dijin dia relijon. Amwing akat kutong anch relijon udi musul wa milong yikwetau antu. Ov, watonginap kal pa mulong winou? [Mulika muntu akula. Kupwa tang Kujingunik 18:24.] Gazet winou ushinshikidin yilondila Baibel pa mulong winou.”

Réveillez-vous! wa Kas. 22

“Antu avud asanger kwilej piur pa annam, ni amwing asanger kwikal nau mud arund nau. [Mulika muntu akula.] Gazet winou wisambidin milong kanang ya kwikal ni annam mud arund. Urumburil kand kushilamu kwa Nzamb kwa chisu chikezau kwikal annam mu chisambu umwing ni mukwau ni pamwing kand nau antu.” Tang Isay 11:6-9.

LA TOUR DE GARDE wa Rish 1

“Yesu amwipula dichuku dimwing anch: ‘Chijil ik cha kusambish chipandakena yawonsu?’ Tesh chakul chend. [Tang Marko 12:29, 30, TMK.] Ov, watonginap kal kwijik chasotay Yesu kulond? [Mulika muntu akula.] Mutu wa mulong ‘Mutapu Tumekeshina Rukat Retu Kud Nzamb’ ushinshikidin kurumburik kwa mazu minam mijikena nakash.”

Réveillez-vous! wa Rish 8

“Chisu chimwing, antu avud akamin njit ja nikileyer. Ov, utongin anch njit ja nikileyer jitwishikin nlel? [Mulika muntu akula.] Gazet winou wisambidin yom yisadikina ya kuya kurutu yitukwatina etu awonsu. Urumburil kand kushilamu kwa Baibel kwa ngand yakad wom.” Tang Sofoniy 3:⁠13.