Yitukutwisha Kulond Piur pa Magazet

LA TOUR DE GARDE wa wa Kalol 15

“Ov witiyijin anch chikasiken kuyifumb an mu mangand ma katat? [Mulika muntu akula.] Tal uyakin ou umekeshina anch anvaj akutwish kuyifumb. [Tang Jinswir 22:⁠6.] Tour de Garde ou uyinkishin anvaj chiyul chiwamp chikuyikwasha kuwanyish chisend chinech.”

Réveillez-vous! wa Kalol 22

“Antu amwing atongining anch kumwitiyij Nzamb kwambatijadinap nich siyans. Ov wij anch kudi in siyans alondina katat anch siyans ukasikeshin kumwitiyij Sakatang? [Mulika muntu akula.] Réveillez-vous ! ou ushinshikidin uman umwing washikijina ku kulond mwamu.” Tang Rom 1:⁠20.

LA TOUR DE GARDE wa Kafunfut 1

“Mu yisu ya mar, antu avud akat kwiyipul anch Nzamb ukat kuyitongin antu ni kuman mar mau. Ov niyey wiyipulap kal mwamu? [Mulika muntu akula.] Gazet ou wisambidin mutapu ukat kututonginay Nzamb nlel unou ni yitenchik yasadilay kal chakwel kudiosh mar mawonsu.” Tang Yohan 3:⁠16.

Réveillez-vous! wa Kafunfut 8

“Kud antu avud, mivu ya winsand (kudiosh ku 13 kushik ku 19) yiding ya kwisangaresh ni ya milong, ov mwawiy? [Mulika muntu akula.] Gazet ou wisambidin kuswimp kukata kuyishiken ansand. Wisambidin kand yiyul yimwing ya manangu yikutwisha kuyikwash kuwapish nakash mivu ya winsand wau.” Tang Mulej 12:1.