Branch Letter

In Kulejan a Want Akatish:

Ndond yijim yawejidinau ku chapu cha kuchapin mikand cha ku Wallkill ayipwishin katat ni ayisadidil. Mashiny masu maad ma kuchap nich, mashiny ni mashiny makutwish kubudish magazet 90 000 pa saa umwing, amatekin pamwing nich yom yikwau yisu chakwel kusal mabuku ma yibur yikash 120 pa minit umwing. Kushemunin kwa chapu cha kuchapin mikand ku Wallkill kwatwishishin kulandish chikumbu cha 360 Furman Street cha ku Brooklyn. Katat akadivar akwatiken nakash nich kutungiril ni kurijek chikumbu chidia pa 117 Adams Street kwa kutek madepartema mashemuninau kudiokal ku 360 Furman Street.

Kushemunin kwa chapu cha kuchapin mikand kwitin kushemunin piswimp akadivar ni anambaz 300 kudiokal ku Brooklyn kuya ku Wallkill. Chikwau kand, in kusal mudimu wa kwisotin piswimp 100 atadila mulong wa kompyut ni kutenchik maswir ma mutiy ayishemunin kudiokal ku Wallkill kwez ku Brooklyn, kudia katat ndond ya midimu yijim ya Departema wa Yitenchik ya Jinsangu.

Ku mutiy wa Congo, mwi ngond wa musamban twapwishin shikol ya kusambish ya atulam in kwendangan, yading nau in kwilej 30. Mutiy wetu watenchikin kal tulas tutan, chakwel anch atulam awonsu awanyina. Atulam etu in kwendangan akutambul diyiy dikwikala dia ukwash ku yikumangen yawonsu.

Etu awonsu pamwing, tuchingejin ‘kwikal nich yivud ya kusal mu mudimu wa Mwant’ pitwasambisha kal muvu wa mudimu wa 2005.​—⁠1 Kor. 15:⁠58.

Akadivar nen,

Biro wa Mutiy wa Congo