Program Wa Yikumangan Ya Mudimu

Rubing ra Mwinses 13

Muminy 43

Min 12: Yijikish. Yijikish yifanyidina ya Mudimu Wetu wa Want. Salany yakumenaku yilejena mutapu wa kupan La Tour de Garde wa Mwinses 15 ni Réveillez-vous ! wa Mwinses 22 kulondulijan nich yiyul yidia pa paj wa 4 anch yifanyidin mu teritwar wa chikumangen chen. Ukutwishany kusadil minsamb yikwau. Kupwa kwa chakumenaku ni chakumenaku kasikeshin mu wiswimp mulad wa kupan nich wa ukwash.

Min 15 : “Ikal Nich Dis Didia Zwang.”* Sadilany yipul yarijekinau kal. Anch kudi chisu, kasikeshin maverse majimbwilau.

Min 18: Atuman a Yisalijok Yetu Yiwamp. (1 Pi. 2:​12, MM) Diskur ni minsamb nau in kutesh yengamidina pa La Tour de Garde wa Kalang 1, 2002, paj wa 12-14, paragraf wa 14-20. It in kukumangan alejana mutapu ukwachikinau antu nich usu pamenau yisalijok yetu yiwamp.

Muminy 162 ni malembil ma nsudiel.

Rubing ra Mwinses  20

Muminy 88

Min 10: Yijikish. Chirikinany manans majim ma mukand wa mutiy, udia pa paj wa kusambish wa nimero winou wa Mudimu Wetu wa Want. Yikasikeshany awonsu kutang Kuchind 16:​1-35 kupwa talany band video Respect Jehovah’s Authority mu kwirijek mulong wa Chikumangan cha Mudimu cha rubing ra Mwinkind 4.

Min 15: Yom Ik Twasadila Muvu Wadiap Ou? Diskur dikusalay mukurump diengamidina pa rapor wa mudimu wa muvu wa mudimu wa 2004. Asin pa yom yikasikeshina ya rapor, ni jikitish chikumangen mulong wa mudimu uwamp wasadikina. Kasikeshin mudimu wa ukash wa mushiku wasadilau ayibol. Jimbul chom chimwing ap yaad yifanyidina chikumangen kushinshikin nakash muvu wezina ou.

Min 20: Tudandamenany mu Midimu Yiwamp. (Gal. 6:10) Ipul antu aad ap asatu adia ayibol a rawonsu ap akata kusalang uchibol nkwash chisu ni chisu. Yikangesh ik yataninau mu mudimu wau umusadidilau Yehova, ni mutapu ik wayipandikenau? Yom ik yayikwashina kudandamen kuyisadil antu awonsu yom yiwamp? Mutapu ik wisakidinau ayinau ni antu akwau usu wau wa kusal mudimu wa Ukristu? Anch chitwishikin, rumburil yom yasadikina pol pen chakwel kuyishiken antu alondila jindim jindjing nich rusangu ruwamp. Yijikitisha awonsu mulong wa ‘mudimu wau wa ritiy ni kusadil kwa rukat ni mulong wa kujijaman kwau.’​—⁠1 Tes. 1:​2, 3.

Muminy 103 ni malembil ma nsudiel.

Rubing ra Mwinses 27

Muminy 221

Min 15: Yijikish. Rapor wa Chipau. Yivurishany in kulejan kulet rapor wa mudimu wa chingand wa Mwinses. Salany yakumenaku yilejena mutapu wa kupan La Tour de Garde wa Mwinkind 1 ni Réveillez-vous ! wa Mwinkind 8.

Min 10: Dizu Dia Yehova Didi Diom. Diskur. Chakwel kutukwash tutaninamu sens ku program wa kutang kwa Bibil kwa pa rubing kulejenau mulong wa Shikol ya Mudimu wa Uteokras, dilondurish dia mitu ya milong yilondila anch “Dizu Dia Yehova Didi Diom” diasambishin kal kubudikin mu manimero mamwing ma La Tour de Garde. Sadil La Tour de Garde wa Mwinses 15, 2004, paj wa 24-27, ni jimbul yom yijim ya mitu ya milong yiney. Kupwish kwa kuchirikin yawonsu, chikunku chilondil anch “Yakul ku Yipul Piur pa Bibil” chirumburil mikand yimwing ya Bibil yikasikena. Yirumburil yidia mu “Malejan kud Etu” yipwitidin manangu ku usey wa ukwash wa rusangu tutangina. Shinshikany yilikej yimwing ya pakampwil yilejan mutapu yikutukwasha yikunku yiney kwov kurumburik kwa Dizu dia Nzamb. Yikasikeshany awonsu asadil sens chitenchik chinech patukusambisha kutang buku wa Kuvurik Yijil rubing rambakedinap.

Min 20: “Sadil Bibil Nawamp.”* Sadilany yipul yarijekinau kal. Asin yirumburil ya kusambish nich pa buku École du ministère, paj wa 145, paragraf wa 2-3. Salany yakumenaku yaad yiswimp, chimwing cha kwez kwa kusambish ni chikwau cha kuchirikinamu kusu, yimekeshina mutapu wa kusadil yiyul yipaninau.

Muminy 38 ni malembil ma nsudiel.

Rubing ra Mwinkind 4

Muminy 5

Min 5: Yijikish.

Min 15: Maswir ma chikumangen.

Min 25: “Tufanyidin Kuziyil Wintakel wa Yehova.” Tangany Jud 11, yirumburil ya kusambish nich kangal yasut aminit aad. Kupwa sambishany minsamb nau in kutesh nich kusadil yipul yawonsu yidia mu mutu wa mulong. Kasikeshin dinans dimekeshina anch chakwel kwitiyik kud Yehova, tufanyidin kwipuk mwikadil wa wimbwambol wa Kora ni kwimburij chilikej cha anend, alika kushil chom ap chimwing chikal nich usu upandikena kusutamu kushishaman kwau kud Yehova. Anch band video kwikil, chirikinany manans majim ma mutu wa mulong “Tuziyilany Nich Kushinshaman ku Wintakel Utenchikinay Nzamb,” udia mu La Tour de Garde wa Kafumpul-Mashind 1, 2002.

Muminy 99 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.