Yijikish

◼ Mikand ya kupan pa Chiwong: Njil ya Mwom wa Chikupu​—⁠Ov Wayimen Kal? Kasan: Approchez-vous de Jéhovah. Rish: Chishany ku Mes! Ndol: Ronganyin Ritwadila ku Mwom wa Chikupu.

◼ Kusambish pa Kasan, ap piswimp ni Rish 6, diskur dia patok dia atulam a minyimuku dikwikal ni mutu wa mulong “Tusadilany Manangu mu Mangand ma Usup.”

◼ Yikumangen yifanyidin kwirijek kufanyidina mulong wa kusal Chivurikish muvu unou Diakanying, Rish 24, kupwa kwa muten kwandam. Ap anch diskur dikutwish kusambish kurutu kwa muten, chifanyidinap kusutish yijingidij kurutu kwa muten kwandam. Shinshikinany nawamp chisu chikata kwandam muten ndond ushichanya. Chiwapidil anch chikumangen ni chikumangen chisadila musambu wach wa Chivurikish. Pakwez, chidingap chitwishikina chisu chawonsu. Ndond yidia yikumangen yivud yikata kusadil Chot cha Want chimwing, chitwishikin chikumangen chimwing ap yivud yikimba ndond yikwau ya kusadil urel winiwa. Anch chitwishikin, tukutwish kusutishaku piswimp aminit 40 kurutu kwa kusambish program wa chikumangen chikwau chakwel awonsu ataninamu ukwash ku chisu chinech. Chiwapidil kand kutongin milong ya mutapu wa kwend (transport) ndond ya kwimikin motak ni jinking ni mulong wa kuyitul antu ni kuyisend. Chisak cha amakurump chikukwat mipak ya yitenchik yikutwisha kwikal yiwamp nakash pol pau.

◼ Chidi cha ukwash kutang nawamp mareferans ma Bibil mu mudimu wa kulejan ni ku yikumangan ya Ukristu. Chilikej, “Jeremiy 36:​6, 8” chifanyidin kutang anch: “Jeremiy mwimbu 36 verse 6 ni 8.” Chifanyidinap kulond anch “verse 6 kumatikin ku (virgule) 8.” Anch ukwet “Luka 4:​16-20” tang amboku anch “Luka mwimbu 4 verse 16 kushik ku 20.” Chifanyidinap kutang anch “verse 16 kuya kamu djat ku 20.” Chidiap chiwamp kutang yijingidij ya kukasikeshin ap ya kupimin.

◼ Sadilany amboku fomu S-70a pa ndond pa S-43 chisu chimekeshinay muntu kusanger ni kulond rudim rishalijadina ni rusadidilau ku chikumangen chen.