Pakish Mazu Mafanyidina Kusambish Nich Minsamb
Kuyisanger antu kwa kashinsh kukutubachik kupakish kujingunin maswir mau ni kuyilej mutapu Want ukupwisha milong yirishinau nich. (Filp. 2:4) Mazu maswapela kusambish nich mamenau in kulejan avud anch madi ma ukwash kudi kumwit mwin chikumbu kurumburil yilikej ya yifwatul ya Paradis mu mikand yetu, mud yipanginau mu mulong wa ku chikas cha katatuku wa paj winou. Ukutwish kusal mwamu mu kusadil mazu ma kusambish nich malondwila am:
◼ “Ov utongin anch tukez kaman dijuku dia antu akweta mulad wa mikadil yifatwilau pinap?”
◼ “Etu awonsu tusotil anch anetu ikala mu mulad wa ngand ufatwilau pinap. Ov utongin chinech chikutwish kwit chom ik chakwel kuchiwanyish?”
◼ “Chinech chidi chilikej cha mutapu ukeza kikal divu anch rusot ra Nzamb rasadik pansh mud mwiur. Ov umenap chom chishalijadina nich mwom wa nlel unou?”
◼ “Ov usotil kushakam mu mikadil yifatwilau ap? [Mulika muntu akula.] Ov utongin anch chinech chikusadik mu mwom wetu wa katat?”
Tesh nawamp chakul cha muntu, ni jingunin chitongijok chend ni kwipul chipul chimwing ap yaad. Anch amwing akul anch kasotilap kwau kushakam mu mikadil yifatwilau ap kitiyinap kwau anch chom mud chinech chiswapel, kangal wakatwil pa kulond anch kamekeshinap kwau kusanger. Yipula nich kudimuk mulong wak utonginau mwamu. Yirumburil yau yikutwish kumekesh kwakam nakash mulong wa milong yimekena yakad kupwang yirishinau nich antu.—Ezek. 9:4.
Anch wajingunin yakamish ya mwin chikumbu, yambatanisha nich minsamb yey. Kasikeshin mulad wa uruu wa Want utalikedina nakash ku maswir mend. Muleja mufund umwing ap yaad yikwatijadina nich mulong umwakamishina. (Tal yiyul mu mulong wa ku chikas cha katatuku.) Mulika imenap amwinend yilondila Dizu dia Nzamb. Anch wamekesh kusanger, pan mukand ni kwirijek chakwel kuchirik kand. Dandamen kukasikeshin pa mambamb mey ma kusambish.
[Caption on page 6]
[Picture on page 6]
Yilikej ya Yifwatul ya Paradis
Buku Création: paj wa 237, 243, 251
Buku Mulej: paj wa 251-254
Buku Ronganyin: paj wa 4-5, 188-189
Broshir Nzamb Witin: paj wa 11, 13
Buku Paix véritable: paj wa 98
Buku Mwifukwila Nzamb: paj wa 92-93
[Caption on page 6]
[Picture on page 6]
Milong Yiyikwatina Antu
Kamungun, kabuy
Kuseng 72:16;
Isay 25:6
Kasolikany, katond
Isay 11:3-5;
Midimu 10:34, 35
Kusheshik kwa ngand
Kujingunik 11:18
Kuyimesh annam mar
Jinswir 12:10
Kuyip kwa mashakamin, kuburen kutentam
Isay 9:6, 7;
2 Pita 3:13
Kuwa kwa yaku yiwamp
2 Timote 3:1-5
Mayej, ubid
Isay 33:24; 35:5, 6
Njit, yisal yiletishina mwong
Kuseng 46:8, 9;
Mike 4:3, 4
Rineng
Kuseng 34:8;
Isay 65:17-19
Rufu, madil
Isay 25:8;
Kujingunik 21:3, 4
Ubaj, chisum
Kuseng 37: 10, 11;
Jinswir 2:21, 22
Uzweny, mar
Kuseng 72:12-14;
Mulej 8:9
Yikumbu, milong ya nfalang
Isay 65:21, 22
Winyikel wakad kashinsh
Kuseng 146:3, 4;
Daniel 2:44