Yiyul ya Mazu ma Kusambish Nich Minsamb mu Mudimu wa Chingand
LAM
Approchez-vous de Jéhovah
“Antu avud amwitiyina Nzamb asotil kwiyov kwikal nend piswimp. Ov wij anch Nzamb ututazukin chakwel twikala nend piswimp? [Tang Jakobu 4:8.] Mukand winou ausadil mulong wa kuyikwash antu kusadil Bibil wau ayinau chakwel kwikal piswimp ni Nzamb.” Tang paragraf wa 1 pa paj wa 16.
“Mafef nlel mapandikan kal. Chidi kamu mud muchirumburilau pinap. [Tang Mulej 8:9b.] Antu avud akat kwiyipul anch Nzamb ukat kututongin pa mulong winou. [Tang milong yaad ya kusambish ya paragraf wa 4 pa paj wa 119.] Mwimbu winou urumburil mulong wak ulikidilay Nzamb kasolikany mivu yivud mwamu.”
Y a-t-il un Créateur qui se soucie de vous ?
“Kwisu tukutwisha kutan chiyul chiwamp nakash chilejena mutapu wa kupwish milong yetu yivud yirumbangena mwamu? [Mulika muntu akula. Kupwa tang Mateu 7:28, 29.] Mufund ulejena mutapu washimokau antu ku Malejan ma pa Mukandu ma Yesu. Tal yalondau akwau. [Shinshikin yirumburil pa paj wa 152.] Mwimbu winou wisambidin mwom ni malejan ma Yesu.”
“Ov kand kal wiyipulangap: ‘Anch Nzamb udiaku, ov kakutwishap kudiosh mar ni kuburen kutentam kudia mu mangand?’ [Mulika muntu akula. Kupwa tang Kujingunik 21:3, 4.] Buku winou urumburil yikusalay Nzamb mulong wa kudiosh mar ni kujiyish musul wau.” Lejan mwimbu wa 10.
Chishany ku Mes!
“Antu avud akamin mulong wa yom yikash ni yinship yiyimp yipalangena nlel unou. [Jimbul chilikej chijikena pol pen.] Ov wij anch yom mud yiney yidi chikunku cha yijingidij yawonsu yilejena anch winyikel wa Nzamb piswimp ap ukutakel milong ya pa divu? [Mulika muntu akula. Kupwa tang verse ufanyidina mud Mateu 24:3, 7, 8; Luka 21:7, 10, 11; ap 2 Timote 3:1-5.] Broshir winou wisambidin mulong wak chidi cha kuswapej pakampwil kwijik katat dirumburik dia yinship yiney.”
“Nlel unou antu avud anenganen mulong wa yinship ya mangand ap yinship yikash yimushikedina muntu ni muntu. Amwing akat kwiyipul mulong wak Nzamb ulikin kwimik yom mud yiney. Bibil utwinkishin kashinsh anch Nzamb ukez piswimp ap kamu kuyikol antu ku mar mamenau. [Tang Kujingunik 14:6, 7.] Tal yikurumburika dirumburish dia Nzamb mulong wa antu. [Tang 2 Pita 3:10, 13.] Broshir winou ukwet jinsangu jivud pa mutu wa mulong winou wa usey.”
Ronganyin Ritwadila ku Mwom wa Chikupu
“Anch akutazuka kushakam mu jindond jiwamp mud jinej, ov welang kwitiyij? [Lejan chipich pa paj wa 4-5, ni mulika muntu akula.] Tal nfungul yilondila Dizu dia Nzamb chakwel kwikal ni mulad wa mwom winou chikupu. [Tang Yohan 17:3.] Buku winou ukukukwash kwak ronganyin ritwadila ku mwom wa chikupu.” Irijeka kwisambin maparagraf matan ma kusambish ma mwimbu wa 1 pa kuchirikin kulondwila.
Buril chipich pa paj wa 188-189, ni sadil mazu madia mu kamutu ka mulong, mwipula mwin chikumbu anch: “Ov uchingejin kushakam mu Paradis, chisu chikwizula ronganyin ra Nzamb pa divu? [Mulika muntu akula. Tang Isay 11:9.] Buku winou ukukukwash kwilej yilondila Bibil piur pa Paradis ni mutapu tukutwisha kwikalamu.” Irijeka kwisambin paragraf wa 11-16 wa mwimbu wa 1 pa kuchirikin kulondwila.
Ilejina Kudiay Mulej Mujim
“Ov utonginap anch mangand makutwish kwikal ndond ya ufun ya kushakam anch antu alondul mazu manam? [Tang Mateu 7:12a. Kupwa chingel chakul.] Buku winou ukwet malejan mavud madiokila kudiay mulej mujim nakash wikalaku.” Kasikeshin yipich ni mazu marumburila yifwatul madia mu mwimbu 17.
“Anvaj avud apakishin kuyifumbin anau mu mikadil yiwamp. Ov utongin anch chidi cha usey? [Chingel chakul. Kupwa tang Jinswir 22:6.] Tal anch anvaj ayikasikeshin kusambish kuyifumb anau kudiosh kamu ku wanikanch nakash. Buku winou amusadil mulong wa kuyikwash kusal mwamu.” Kasikeshin yipich ni mazu marumburila yifwatul yidia mu mwimbu wa 15, wa 18.
“Chisu chivud anvaj akat kushimok mulong wa yipul yikatau kwipul anau. Yimwing ya yipul yiney yiding yikash kwakul, ov kimwawiyap? [Chingel chakul. Kupwa tang Efes 6:4.] Buku winou ukutwish kuyikwash anvaj kwakul ku yipul ya anau nlel unou.” Kasikeshin yipich yikemp ni mazu makemp mayirumburila madia mu mwimbu wa 11 ni wa12 ap wa 34 djat ku wa 36.
La vie : comment est-elle apparue ? Évolution ou création ?
“Etu awonsu tukat kwinan mulong wa chisum ni ubaj mwi ndond yetu. Utongin anch kudi muntu kanang ukupwisha chakin mulong winou? [Chingel chakul.] Nzamb ndiy ukupwisha.” Buril paj wa 196; tang ni rumburil Jinswir 2:21, 22 mu paragraf wa 19. Lejan mutu wa mulong wa mwimbu wa 16, ni pan buku.
Buril paj wa 6, ni lond anch: “Antu avud akat kutong anch divu dietu dia ufun ni mwom udiap yiyezina kwau mwamu mud dikashimwish. Mutapu ik wa manangu umena kwikal uwanyidina kurumburil kwikalaku kwa yom yiney yawonsu? [Chingel chakul.] Uman uvud witiyijin kurumburil kwa Bibil kwa Sakatang ukweta usu nakash ni utukatina nakash. Udi Nzamb wakin, ni dijin diend Yehova.” Tang Kuseng 83:18, ni rumburil mu wiswimp rusot rend ra kukarumun divu diakabuj kwikal Paradis.
L’humanité à la recherche de Dieu
“Nlel kudi marelijon mavud kushalijan, ov wiyipulap kal mutapu ik tukutwisha kujingunin relijon witiyinay Nzamb?” Kupwa kwa chakul, buril pa paj wa 377. Kasikeshin dinans dia 7, ni mwipula mwin chikumbu anch witiyijin anch relijon wakin ufanyidin kubomb antu a michid yawonsu. Pa maverse majimbwilau, tondap umwing, ni anch kudi chisu, isambina mamwing ma manans makwau madia pa dipang. Anch muntu usanger chakin, mwinkisha buku. Pa kutumbuk, ukutwish kwipul anch: “Relijon wakin ufanyidin kwikal ni usu pa mwikadil wa muntu?” Irijeka mulong wa kwez kand kwakul chipul chinech.
Anch muntu wimekesh anch udi chid cha chisak cha relijon mujim, ukutwish kulond anch: “Chidi cha musangar kutan antu a marelijon kushalijan. Antu akat kumusurab Nzamb mu jinjil kushalijan. [Anch chifanyidin, tang Midimu 17:26, 27.] Chisu ni chisu, antu akat kulondul relijon wa anvajau. [Tang paragraf wa 12 pa paj wa 8.] Kwilej yivud piur pa marelijon makwau kukat kukwashang ni kufundish. Buku winou urumburil musul, yisalijok, ni malejan ma marelijon mavud ma mangand.” Lejan chilikej cha yom yidia mu buku piur pa relijon wend, mud yilikej yidia pa mapaj malondwila am: Sikhisme (win Sikh) (100-101); Hindouisme (Uhindu) (116-117); Bouddhisme (win Buddha) (141); Taoïsme (win Tao) (164-166); Confucianisme (win Confucius) (177); Shintoïsme (win Shinto) (190-195); Judaïsme (Uyuda) (220-221); ni Islam (Uislam) (289).
La Révélation : le grand dénouement est proche !
“Pamwing ap wateshang ya [jimbul rusangu]. Pasheshikina mwom wa antu mwamu, antu avud akat kwiyipul rongoj ik rikutwishau kupan ku majuku mayindamina. Ov ey utongin nchik?” Chingel chakul. Kupwa buril paj wa 299, ni lejan kumekan kwa divumbuk difanikeshinau. Dandamen kulond anch: “Antu avud akat kushimok pa kutesh anch antu atentamina ni akad kutentam akez kuyichirish ku mwom mu Paradis pa divu. [Tang Midimu 24:15 mud muuchirikidinau mu paragraf wa 9 pa paj wa 297, ni kupwa rumburil yifundinau mu paragraf wa 10.] Buku winou wisambidin yom yikwau yivud yisangarishina ya rutong ra Nzamb ra kurutu.”
La Bible : Parole de Dieu ou des hommes ?
“Tushich mu chirung chimushikedina muntu ni muntu milong kushalijan. Avud akat kuya kudiau in yiyul kushalijan mulong wa umutakel. Amwing kud in kwilej manangu mulong wa ukwash. Utongin anch kwisu tukutwisha kutan chiyul chiwamp chitukutwisha kusadil chakin? [Chingel chakul.] Bibil ulejen uyakin wa usey tuswiridina etu awonsu kwijik. [Tang 2 Timote 3:16. Kupwa buril paj wa 187, ni tang paragraf wa 9.] Buku winou ukukukwash kwijik yibudikin yiwamp nakash yidiokila ku kusadil kwa mafundish ma Bibil.”
Le plus grand homme de tous les temps
“Mu chirung chinech antu avud akat kutongin piur pa Yesu. Pakwez, mulong wa yom yiyimp yivud yiyishikedina awonsu mu mangand, amwing akutwish kwiyipul anch Yesu ukat kututongin kamu chakin. Ov utonginap nchik?” Mulika muntu akula. Buril ku mwimbu wa 24, ni kwisambin mu wiswimp mulong wezinay Yesu pa divu. Kupwa tang Yohan 15:13, kasikeshin rukat rakinakin ra Yesu mulong wa akwau.
“Anch muntu kanang wamujimbul Yesu Kristu, antu avud akat kumutongin kand ndiy mud kabas ap mud muntu udia pifil. Chitongijok chau piur pa Yesu chidi kwau kuvadik kwend ni rufu rend. Yom yiwamp nakash yalonday ni yasalay mu chirung cha mwom wend chisu chivud akat kuyivuramen. Yom yasalay yiyikwatin antu awonsu ashicha kal pa divu. Chawiy lel chidi cha usey twileja yom yivud yishimokishina yatusadilay.” Tang Yohan 17:3. Buril paj wa kusambish wa mazu ma kusambish, ni tang paragraf wa kanying.
Nzamb Witin Etu Tusal ik?
“Ov utongin anch Nzamb wasota etu tushakama mu twinrumbangesh mud tumena nlel unou? [Chingel chakul. Kupwa tang Mateu 6:10.] Ov watonginap kal kwijik anch Want wa Nzamb chom ik?” Buril ku dilejan dia 6, ni tang yipul yipwilau kwinsambishil kwa dilejan. Sambish minsamb ya dilejan ap irijeka kusal mwamu pa kuchirikin kukulondula.
“Kwikalap nchik kuya kurutu kwa chisak cha katat, mayej ni rufu yidandamedin kulet mar ni runeng kud antu. Ov wij yikusalay Yesu mulong wa mayej, upal, ni rufu?” Chingel chakul. Anch muntu usotil kwijik chakul, buril ku dilejan dia 5, ni tang yipul ya paragraf wa 5-6. Isambina maparagraf, ap irijeka kusal mwamu pa kuchirikin kukulondula.
Mwifukwila Nzamb Umwing Kusu Wakin
“Ov kwisu tukutwisha kukimbin ukwash wa kurish nich yibachik ya mwom? [Chingel chakul. Kupwa tang Rom 15:4.] Tal anch Mifund yipepidilau nich spiritu wa Nzamb yitwinkishin malejan, rongoj, ni ruchingej, yikutwisha kutukasikesh kujijaman mu mar. Buku winou upanin yiyul ya ukwash pa mutapu tukutwisha kutaninamu nakash ku kutang Bibil.” Kasikeshin manans manying malejenau pa paj wa 30.
“Kudiosh ku machuku madingay Yesu pa divu, antu avud asambisha kulembil chakwel Want wa Nzamb weza. Ov wiyipulap kal kwez kwinoku kwa Want kukurumburik yom ik mulong wa antu? [Mulika muntu akula. Kupwa tang Daniel 2:44.] Buku winou urumburil Want wa Nzamb chom ik ni yom ik ukusala, mutapu tukutwisha kumen ukwash ku winyikel wau utentamina.” Lejan chifwatul pa paj wa 92-93.
[Caption on page 1]
Sadil yiyul yilondwila ey mulong wa kukukwash kurijek minsamb yilejena mikand ya kupan pa ngond.