Kupan buku Ilejina Kudiay Mulej Mujim

◼ “Ov utonginap anch mangand makutwish kwikal ndond yiwamp nakash ya kushakam anch antu alondul mazu manam? [Tang Mateu 7:12a. Kupwa chingel kwakul.] Buku winou ukwet malejan mavud madiokila kudiay mulej mujim nakash wikalaku.” Kasikeshin yipich ni mazu marumburila yipich madia mu mwimbu wa 17.

◼ “Anvaj avud apakishin kuyifumbin anau mu mikadil yiwamp. Ov utongin anch chidi cha usey? [Chingel kwakul. Kupwa tang Jinswir 22:⁠6.] Tal anvaj ayikasikeshin kusambish kuyifumb anau kudiosh kamu ku wanikanch nakash. Buku winou amusadil mulong wa kuyikwash kusal mwamu.” Kasikeshin yipich ni mazu marumburila yipich yidia mu mwimbu wa 15, wa 18, ap wa 32.

◼ “Chisu chivud anvaj akat kushimok mulong wa yipul yikatau kwipul anau. Yimwing ya yipul yiney yiding yikash kwakul, ov kimwawiyap? [Chingel kwakul. Kupwa tang 2 Timote 3:​14, 15.] Makwend a Timote ni ngakend amufundisha Bibil kudiosh ku wanikanch. Buku winou ukutwish kand kuyikwash anvaj nlel unou kuyifundish anau.” Kasikeshin yipich yikemp ni mazu makemp mayirumburila madia mu mwimbu wa 11 ni 12 ap wa 34 djat ku wa 36.