Program Wa Yikumangan Ya Mudimu
Rubing ra Kasan 14
Muminy 174
Min 10:Yijikish. Yijikish yifanyidina ya Mudimu Wetu wa Want. Salany yakumenaku yilejena mutapu wa kupan La Tour de Garde wa Kasan 15, ni Réveillez-vous ! wa Kasan 22, kwambatan nich yiyul yidia pa paj wa 8 (anch yifanyidin mu teritwar wen). Chirikin mu wiswimp mutapu ukutwishau kwambatanish yiyul ya minsamb nich maswir ma teritwar wa pol pen.—Tal Mudimu Wetu wa Want wa Chiwong 2005, p. 8.
Min 35:“Chirung cha Chivurikish—Chisu cha Kwipan Nakash mu Mudimu.”* Akuchitakel kud kalam wa mudimu. Piwisambidina paragraf wa 6, wejinaku mazu madia mu Réveillez-vous ! wa Mwinses 8, 2004, paj wa 12-13. Jimbul majin ma antu akwatina mudimu wa uchibol nkwash. Isambina piur pa yikumangan yikwau ya mudimu wa chingand yarijekinau. Yikasikesha antu awonsu kuwejinaku mujikit wau wa muspiritu mu mutapu kanang pa chirung chinech cha Chivurikish.
Muminy 14 ni malembil ma nsudiel.
Rubing ra Kasan 21
Muminy 31
Min 10:Yijikish. Chirikin manans majim madia mu mushet udia pa paj wa 6, “Yikwasha Kutambul Uman Ukwau.” Yikasikesha awonsu kwizwish fomu Intérêt à suivre dans une langue étrangère (S-70a) kapamp kamwing kamu chisu kumekena kusanger.
Min 20:“Mujikitisha Yehova Mulong wa Rukat Rend Rudimukina.”* Ijikish chisu ni ndond yikusadinau Chivurikish, ni dijin dia mukadivar ukusala diskur ni yom yikwau yikemp-yikemp piur pa dichuku dinidia. Piwisambidinany paragraf wa 4, salany chakumenaku chiswimp cha mwin kulejan upanina diladikij dia kwez ku Chivurikish kud muntu ukatay kushil magazet. Chifanyidin kwangan mapaper ma diladikij dia Chivurikish kupwa kwa chikumangan, anch kand kal amangana.
Min 15:“Tutakelany Malejan ma Bibil Mayila Kurutu—Chikunku 6.”* Wejinaku chakumenaku cha aminit 4 cha mwin kwilej wipwila mulong wak antu akemp kusu mu antu akumangena awiy akata kudia ni kuna mukat ni nviny. Mwin kutakel dilejan umujikitishin mulong wa chipul chend, wachifund, ni kumulej anch akwisambin chipul chend anch apwish kushinshikin malejan ma rubing rinira. Kupwa kwa dilejan, mwin kutakel dilejan upwitidin yitongijok ya mwin kwilej ku malejan madia mwishin mwa chipul “Nany ukata kudia mukat ni kuna nviny?” pa paj wa 243 wa buku Comment raisonner. Atangin awonsu pamwing, mwin kwilej upanin kujikitish mulong wa chakul chovikena kamu nawamp ku chipul chipulangay.
Muminy 21 ni malembil ma nsudiel.
Rubing ra Kasan 28
Muminy 42
Min 15:Yijikish. Rapor wa chipau. Yivurisha in kulejan kulet rapor wa mudimu wa chingand wa Kasan. Salany yakumenaku yilejena mutapu wa kupan La Tour de Garde wa Rish 1, ni Réveillez-vous ! wa Rish 8, kwambatan nich yiyul yidia pa paj wa 8 (anch yifanyidin mu teritwar wen). Ukutwishany kusadil minsamb yikwau yifanyidina. Kwisudiel kwa chakumenaku chimwing, salany chakumenaku cha mwin kulejan upanina diladikij dia Chivurikish kud mwin chikumbu nich kusadil chibur cha nsudiel cha Réveillez-vous ! wa Rish 8.
Min 20:Tuyisangerany Antu Aziyila. (Midimu 20:35) Kupwa kwa mazu makemp ma kusambish nich, takel minsamb yidia mu La Tour de Garde wa Kafunfut 1, 2004, paj wa 17-18, paragraf wa 12-16, nich yipul ni yakul, mud kamu Dilejan dia La Tour de Garde. Mwita mukadivar udia chifuvu mu kutang atanga maparagraf. Shinshikin mutapu tukutwisha kusadil malejan minam ku Chivurikish ni diskur dia pakampwil dikusadika mu machuku ma kurutu.
Min 10:Pan broshir Chishany ku Mes! Isambinany ni kusal chakumenaku cha minsamb yikutwishau kusadil mulong wa kupan broshir winou mu chirung cha ngond wa Rish. Ukutwishany kusadil yiyul ya mazu ma kusambish nich minsamb yidia mwi wenjil wa Mudimu Wetu wa Want wa Chiwong 2005 ap yikwau yikweta mabuj mu teritwar.
Muminy 72 ni malembil ma nsudiel.
Rubing ra Rish 7
Muminy 12
Min 10:Yijikish. Chirikin manans majim madia mu mushet “Yivurish ya Chivurikish.”
Min 15:Maswir ma chikumangen.
Min 20:“Sadil Magazet mu Mudimu Wey.”* Piwisambidina paragraf wa 3 ni wa 4, ambatanish malejan nich mwikadil wa pol pen. Mwipula mu wiswimp mwin kulejan umwing ap aad adia ayifuvu mu kupan magazet mu jindond ja winsak, mu kulejan mu balibal, mu jindond ja antu awonsu, ap papaninay uman wa kukashimun. Yita arumburil mutapu ukatau kupan magazet mu mikadil yiney kushalijan. Salany chakumenaku chimwing chiswimp cha mutapu wa kupan magazet ap chichirikidina yalejanangau.
Muminy 192 ni malembil ma nsudiel.
* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.