Yijikish

◼ Mukand wa kupan pa Rish: Chishany ku Mes! Ndol ni Ndol-Mem: Ronganyin Ritwadila ku Mwom wa Chikupu. Kalol: Ilejina Kudiay Mulej Mujim. Anch antu alond anch kakwetap kwau an, panany buku Bonheur familial ap Ronganyin. Salany usu wa kusambish malejan ma Bibil.

◼ Yikumangen yifanyidin kwangan manimero masu ma La Tour de Garde ni Réveillez-vous ! kapamp kamwing kamu anch amatambul. Chinech chikuyikwash in kulejan kwijik nawamp yidiamu kurutu kwa kupan magazet mu mudimu wa chingand. Chifanyidin kand kwangan Mudimu Wetu wa Want kud in kulejan kapamp kamwing kamu anch washik. Akutwish kuwangen ku Dilejan dia Buku dia Chikumangen.

◼ Atulam a ujindj a yikumangen afanyidin kwikal nich uvud uwanyidina wa mafomu Demande d’admission au service de pionnier permanent (S-205) ni Demande d’admission au service de pionnier auxiliaire (S-205b). Mafomu minam akutwish kumitin pa Fomu Demande de publications (S-14). Ikalany nich mafomu mawanyidina mu muvu wa kabuj.

◼ Chivurikish chikusadik Diakanying, Rish 24, 2005. Anch chikumangen chen chikweting yikumangan Diakanying, chifanyidin kuyiswimp dichuku dikwau dia rubing anch Chot cha Want chishadidin. Anch chitwishikinap ni Chikumangan cha Mudimu chen chidi cha usey, yikunku yitadila nakash chikumangen chen ukutwishany kuyandjik mu Chikumangan cha Mudimu chikwau.

◼ In kulejan avud atazukin nich telefon ku biro wa mutiy mulong wa miminy ya Want yiwanginau, yakwatinau kal pa maband mu mulad wijikena usadidilau katat pakach pa Atuman a Yehova. Awiy akat kwiyipul anch maband minam makwatinau kal mitiyikin ku dirijek. Twij nawamp maband minam makwatinau kal ni tusotil kukwijikishany anch tumitiyinap. Kangal amboku wamasutishany ap kumatek pa Internet. Tuchingejin anch rusangu riner rukwovakesh yom nawamp.

◼ La Tour de Garde wa Ndol 1, 2005 ukwikal nich mutu wa mulong anch: “ La science et la Bible se contredisent-elles ? “ (Siyans ni Bibil​—⁠Ov Yitadikijadin?) Mulong wa usey wa chipul chinech, chikumangen ni chikumangen akuchiwejin 15% wa nimero winou.