Video Ukweta Uruu wa Chikupu

Uruu ik udia mu video David: il mettait sa confiance en Dieu ? Niyetu, mud David, tufanyidin kumuchingejin Yehova. (Kus. 91 :⁠2) Kutal yinship yijim ya mwom wa David yilejenau kukuyikwash an ni amakurump kwilejin ku chilakej chashay. (Kus. 31 :14) Mulong wa ukwash wetu ukwau, DVD winou ukwet “Yipul Piur pa Video” ni “Mitapu ya Kwilej” yivud.

Tal video, ni kupwa iyipula amwiney anch: (1) Mulong wak Yehova watonda mwant muwamp nakash? (1 Sam. 15:​10, 11; 16:⁠1) (2) Mulong wak katondap ap umwing wa anamakwend a David? (1 Sam. 16:​6, 7) (3) Mulong wak Saul wakata anch David abula kadiad? (1 Sam. 16:​14-23) (4) Goliat wadinga nany? (1 Sam. 17:​4-10) (5) Mulong wak David wasota kumurishish Goliat? (1 Sam. 17:​23, 24, 36, 37) (6) Jonatan wadinga nany? (1 Sam. 14:⁠1) (7) Mu chilik ik chashikenay Saul kwikal mukankuny muyimp nakash wa David? (1 Sam. 18:​25-29) (8) Mulong wak David kamujipap Saul? (1 Sam. 26:​7-11) (9) Mutapu ik wafay Saul? (1 Sam. 31:​1-6) (10) Yom ik yasalay David ku rufu ra Jonatan? (2 Sam. 1:​11, 12) (11) Kushilamu ik kwashilayimu Yehova kud David? (2 Sam. 7:​12, 13, 16) (12) Kurumbuk ik kupandikena kwarumbukay David? (13) Mutapu ik wamekeshay David anch wanenganana nakash mulong wa yom yasalay? (Kus. 51) (14) Malejan ik David mamufundishay nsangarum Salomon? (1 Ant. 2:​1-4; 1 Jins. 22:​6-13; 28:​9, 10) (15) Chiyukish ik chikezay kutaninamu David, Jonatan ni yey, ku winyikel wa Yesu?​—⁠Isa. 11:​6-9; Yohan 11:​25, 26.

Katat tong bil: Ov mutapu ik ukutwisha pakampwil kwimburij ruchingej ramekeshay David mud Nzamb?

Anvaj, yifundishany anen usey wa chikupu wa kumuchingej Nzamb, mud mwasalay David.​—⁠Kus. 56:⁠11.