Yitukutwisha Kulond Piur pa Magazet

LA TOUR DE GARDE wa Rish 15

“Antu kunyingumuk mu mangand akat kubaz mafundish ma Yesu. [Tang yifundilau pa paj wa 3, mu paragraf wa 1.] Ov utongin anch mafundish minam, mud chilakej chinech chidia mu mufund, madi ma ukwash nlel unou? [Tang Mateu 5:​21, 22a. Kupwa mulika muntu akula.] Gazet winou ushinshikidin yafundishay Yesu ni utulejin mutapu tukutwisha kutaninamu.”

Réveillez-vous! wa Rish 22

“Antu avud akatin mikandu mulong wa kuwap kway, ov wij anch yidi ya usey nakash mulong wa mwom pa divu? [Mulika muntu akula.] Gazet winou wisambidin mulong tuswiridina mikandu ni yom yiyishikedina nlel unou. Ulejen kand mutapu ukuchidijay Sakatang mapit minam ma usey.” Tang Kuseng 95:⁠4.

LA TOUR DE GARDE wa Ndol 1

“Ov wateshin kal akat kulond anch siyans ni Bibil yitadikijadin? [Mulika muntu akula.] Gazet winou ushinshikidin rusangu ra kupwitijan pakach pa siyans ni relijon. Chad uletin kand uman umekeshina anch siyans wakin wovijadin ni Bibil.” Lejan paj wa 6-7. Kupwa tang Mulej 1:⁠7.

Réveillez-vous! wa Ndol 8

“Ov utongin anch mutapu ik ukutwishau anvaj kuyikwash anau kwipuk milong mu chirung chikash cha mivu ya usand? [Mulika muntu akula. Kupwa tang Isay 48:​17, 18.] Gazet winou ulejen mutapu kusadil kwa yiyul ya Bibil kukutwisha kuyikwash anvaj chakwel kukasikeshin mambamb mawamp nau anau ni kuyitekin mipak ya manangu.”