Program Wa Yikumangan Ya Mudimu

Chijikish: Mudimu Wetu wa Want ukwikal nich program wa Chikumangan cha Mudimu cha rubing ni rubing mu Kafunfut, Kafumpul-Mashind ni Mwinses. Yikumangen yikutwish kusal yitenchik yiswiridikina mulong wa kukumangan ku Chikumangan cha Distrik “Kumuziyil Nzamb”. Anch chifanyidin, sadilany aminit 15 pa Chikumangan cha Mudimu cha nsudiel cha kurutu kwa kuya ku chikumangan mulong wa kuchirikin yiyul ni yivurish yidia mu wenjil wa ngond winou yitadila yitenchik ya pol pen. Ngond umwing ap aad kupwa kwa chikumangan chen cha distrik, itekinany aminit 15 kushik ku 20 ku Chikumangan cha Mudimu chimwing (pamwing ap kusadil chikunku chitadila maswir ma chikumangen) mulong wa kuchirikin manans majim ma program wa chikumangan cha distrik mamenau in kulejan anch madi ma ukwash mu mudimu wa chingand. Chikunku cha Chikumangan cha Mudimu wa pakampwil chikez kutwinkish chisu cha kurumburil mutapu tusadidila yom twilejina ku chikumangan cha distrik ni mutapu yakwashina mudimu wetu kwikal ukweta mabuj.

Rubing ra Ndol 11

Muminy 4

Min 15:Yijikish. Yijikish yifanyidina ya Mudimu Wetu wa Want. Salany yakumenaku yilejena mutapu wa kupan La Tour de Garde wa Ndol 15 ni Réveillez-vous ! wa Ndol 22 kulondulijan nich yiyul yidia pa paj 8 (anch yifanyidin mu teritwar wen). Ukutwishany kusadil minsamb yikwau yifanyidina. Mu chakumenaku chimwing, mekeshany mutapu upaninay mwin kulejan uman wa mu mukombil.

Min15:“Tudandamenany mu Kulejan.”* Anch kudi chisu, yita in kutesh kurumburil mifund yijimbwilau.

Min 15:“Sal Yiwamp ni Angan nau Akwen.”* Ambatanish malejan ni mwikadil wa pol pen, lejan mitapu yifanyidina yikutwisha kuyikwash antu akwau.

Muminy 47 ni malembil ma nsudiel.

Rubing ra Ndol 18

Muminy 76

Min 10:Yijikish.

Min 20:“Tutakelany Malejan ma Bibil Mayila Kurutu​—⁠Chikunku 8.”* Salany chakumenaku cha katwambil upanina broshir Les Témoins de Jéhovah : Qui sont-ils ? Quelles sont leurs croyances ? kud muntu wasambishay kal kwilej nend Bibil katat. Katwambil upwitidin yitongijok ku chipich chidia pa paj wa 20 wa broshir ni kurumburil mu wiswimp Chikumangan cha Antu Awonsu. Umulejin mutu wa mulong wa diskur dikulondula ni kumwit mwin kwilej kwez ni kukumangan.

Min 15:Kushakam ni Manangu mu Chirung cha Elekitronik. Diskur dimedina pa Mudimu Wetu wa Want wa Mwinses 2002, paj wa 8, paragraf wa 1-7, ni Mudimu Wetu wa Want wa Kalang 1999, paj wa 5, paragraf wa 24-26, ni paj wa 6, paragraf wa 35-36. Anch kudi chisu, manans makwau madia mu wenjil wa Mudimu Wetu wa Want wa Kalang makutwish kwiwejinaku anch mafanyidin ndond ushichanya.

Muminy 169 ni malembil ma nsudiel.

Rubing ra Ndol 25

Muminy 111

Min 15:Yijikish. Tang rapor wa chipau ni yijikish ya kushik kwa milambu yatuminau ku mutiy. Yivurisha atutwambil kupan rapor wa chingand wa Ndol. Salany yakumenaku yilejena mutapu wa kupan La Tour de Garde wa Ndol-Mem 1 ni Réveillez-vous ! wa Ndol-Mem 8 kulondulijan nich yiyul yidia pa paj 8 (anch yifanyidin mu teritwar wen). Ukutwishany kusadil minsamb yikwau yifanyidina. Mu chakumenaku chimwing, mekeshany mutapu wa kupandakan chikangesh minsamb “Yinsangareshinap bwat.” (Tal buku Comment raisonner, p. 16.) Lejan mitu ya milong yikutwisha kamu kuyisangarish antu a mu teritwar.

Min 30:“Tumutumbishany Yehova mu Kukumangan Kujim.”* Akuchitakel kud kalam a ujindj wa chikumangen. Lejan chikumangan cha distrik kufanyidina kuya chikumangen chen. Shinshikin uvud wa maparagraf mu mutapu wa dilejan dia La Tour de Garde. Tangany maparagraf ni mwin kutang watondinau kal. Chirikinany mushet “Yivurish ya Chikumangan cha Distrik.”

Muminy 8 ni malembil ma nsudiel.

Rubing ra Ndol-Mem 2

Muminy 148

Min 10:Yijikish. Chirikin mu wiswimp mutu wa mulong “Twilejany Broshir Chishany ku Mes!,” udia pa paj wa 6. Lejan anch malejan minam misambidin program wa kushinshikin broshir winou. Yikasikesha awonsu kwirijek nawamp chakwel kupan yakul rubing ni rubing pa chisu cha dilejan, kudiosh pa rubing ra Ndol-Mem 23.

Min 15:Maswir ma Chikumangen.

Min 20:“Antu a Mitapu Yawonsu Akez Kupand.”* Ambatanish malejan nich mwikadil wa teritwar wen.

Muminy 112 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.