Twilejany Broshir Chishany ku Mes!

Yikumangen ya pa divu diawonsu yikwilej broshir Chishany ku Mes! mu chirung cha rubing ra Ndol-Mem 23 djat ku Kalol 20, 2005, ku Dilejan dia Buku dia Chikumangan. Sadilany amboku yipul yilondwila ey chisu wirijekinany ni kutakel chikumangan chinech. Pa chisu cha dilejan, tangany malejan machapinau, ni kutang mifund yijimbwilau anch kudi chisu.

Rubing ra Ndol-Mem 23

◼ Paj wa 3-4: Ov, mikadil ik yijimbwilau pinap yitadila kamu mwom wey pakampwil? Yom ik yimekeshina anch mikadil yiney yidiap kusu ya ndond ushicha?

◼ Paj wa 5: Yom ik yikwitiyishina anch Nzamb ukat kutubangin chakin? Yom ik yikutwisha kumekesh chilik tukata kubangin piur pa Nzamb ni yisadinay?

◼ Paj wa 6-8: Mateu 24:​1-8, 14 ulondil yom ik piur pa kurumburik kwa mikadil ya katat ya mangand? Mud muchilejenau mu 2 Timote 3:​1-5, tuchish mu chirung ik cha muten? Machuku ma nsudiel minam madi ma chom ik? Yom ik yikwitiyishina anch Bibil udi kamu chakin Dizu dia Nzamb? Want wa Nzamb tukata kulejan chom ik?

◼ Paj wa 9-10: Mulong wak tufanyidina kushinshikin kamu nakash mipak yetu ya dichuku ni dichuku ni yom yipandikena usey mu mwom wetu? (Rom 2:6; Gal. 6:⁠7) Piuchirikidina yipul yidia pa paj wa 10, mifund ik uvurikina yifanyidina kwikal ni usu pa yom usadina?

Rubing ra Ndol-Mem 30

◼ Paj wa 11: Mulong wak tufanyidina kushinshikin muntu ni muntu yipul yipwilau pa paj winou? (1 Kor. 10:12; Ef. 6:​10-18) Yakul yetu ku yipul yiney yimekeshin chom ik piur pa usey tumena nich chiyul cha Yesu chidia mu Mateu 24:⁠44?

◼ Paj wa 12-14: ‘Chisu cha dirumburish’ chisambidinau mu Kujingunik 14:​6, 7 chom ik? ‘Kumwov Nzamb wom ni kupan uyaj kud ndiy’ kurumburikin ik? Babilon Mujim chom ik, ni chom ik chikumushikena? Chom ik tufanyidina kusal katat piur pa Babilon Mujim? Chom ik chikwau chiwejidina ku chisu cha dirumburish chatakelau kulejan? Kuburen kwetu kwijik “dichuku ap chisu” chikushika dirumburish dia Nzamb diatakelau kulejan kufanyidin kwikal ni usu ik padi etu? (Mat. 25:⁠13)

◼ Paj wa 15: Wisu mulong wa ukaleng, ni ututadin nchik muntu ni muntu?

◼ Paj wa 16-19: “Maur masu” ni “Mangand masu” yom ik? (2 Pi. 3:13) Nany ukanina yom yiney? Maur masu ni mangand masu makez kulet kukarumuk kwa mutapu ik? Ov, tukez ayinetu kuyisakin?

Rubing ra Kalol 6

◼ Paj wa 20-21: Kubabesh ik kwapanay Yesu piur pa kuchin kud in kwilej end a mu mivu chitot ya kusambish? (Luka 21:​20, 21) Ov, kuchin mud kwinoku kwatwishika chisu ik? Mulong wak chadinga cha kuswapej kuchin pakad kulab? (Mat. 24:​16-18, 21) Mulong wak udiwilau antu avud kubabesh? Tunan twa antu mu Chine ni mu Philippine isakina nchik ku kutesh kubabesh kwa kashinsh? Mulong wak chidi kamu cha kuswapej nakash kutesh kubabesh kwa Bibil piur pa nsudiel ya ditenchik dia yom dia katat? Pa kuman kuswapej kwinoku kujim kudiaku, chisend ik tukweta? (Jinsw. 24:​11, 12)

◼ Paj wa 22-23: Mu Australie mu muvu wa 1974 ni mu Colombie mu muvu wa 1985, mulong wak antu avud apipeja kubabesh kwa ubaj, ni yom ik yabudikinaku? Ov, mutapu ik wela kusal ku kubabesh kwinoku, ni mulong wak? Yom ik yikutwisha kumekesh anch twela kutesh ap bwat kubabesh kwa pa chirung cha Nowa? Mulong wak antu asota kushakam mu Sodom mukur ni piswimp ni musumb winou? Mutapu ik tukutwisha kwisakin kusutil kutongin kamu nakash yashikena mu Sodom?

Rubing ra Kalol 13

◼ Paj wa 24-27: Sadilany “Yipul ya Dilejan” yidia pa paj wa 27.

Rubing ra Kalol 20

◼ Paj wa 28-31: Sadilany “Yipul ya Dilejan” yidia pa paj wa 31.

Kushinshikin kwetu broshir winou kukez kutukwash “kuchish ku mes” ni kwikal tayad. El mudimu wetu wa patok umekesh chisu chawonsu kuswapej kwa rubil ra mwangel rilondila anch: “Mwovany Nzamb wom, panany uyaj kudi ndiy! Mulong chisu chend cha kuyirumburish antu chashik kal.”​—⁠Mat. 24:​42, 44; Kuj. 14:​7, MM.