Yiyul Mulong wa Kupan Dieu se soucie-t-il vraiment de nous ?
Kupwish kwa kujimbul jinsangu ja chinship cha ushon, ukutwish kulond anch:
“Ov, kand kal kwey wiyipulangap mulong wak Nzamb ulikin antu aman lel mar anch ndiy chakin kamu ukat kututongin? [Mulika muntu akula.] Broshir winou ukwet chakul chisangareshina ku chipul chinech ni ulejen yom yikusalay kamu Nzamb kurutu oku. [Lejan yifwatul pa paj wa 27, ni tang Kuseng 145:16 mu paragraf wa 22.] Mutapu ik ukupwishay Nzamb mar mawonsu mamenau kal antu? Nisotil twez tushinshikin chipul chinech pa nikuchirika kand.” Pan broshir, ni ovijanany chakwel kuchirik kand.
Pa kuchirikinamu kusu, ukutwish kulond anch:
“Kapamp ka nsudiel nezina ni kukutal, twatangin mufund ou. [Tang ap jimbul Kuseng 145:6.] Kupwa nipula chipul anch: Mutapu ik ukupwishay Nzamb mar mawonsu mamenau kal antu?” Muleja asenda broshir wend. Kupwa buril paj wa 27-28, ni kushinshikin paragraf wa 23-25. Mwita kusambish nend dilejan dia Bibil, ap ovijanany kushinshikin paragraf wa 26-27 pa kuchirikin kulondwila.
Katwambil nsand ukutwish kulond anch:
“Antu avud a pa rad ram iyakamishin piur pa mutapu yikeza kwikal ngand mu mivu 10 ap 15. Ov, utongin anch mwom ukwikal nchik? [Mulika muntu akula.] Milong tumena nlel unou yilejen anch tushich mu machuku ma kwisudiel. [Tang 2 Timote 3:1-3.] Broshir winou ukwet yakul ku yipul yilondwila ey. [Tang yipul pa chibur, ni pan broshir.] Chisu nikuchirika, anch ukwet aminit atan, nikutwish kukulej chitongijok chikasikeshina piur pa nsudiel ya mayej ni upal.” Ovijanany chakwel kuchirikin.
Chisu ukuchirika, ukutwish kulond anch:
“Pitwambambina kapamp ka nsudiel, nalonda anch nisotil kukulej piur pa nsudiel ya mayej ni upal. Dinans dined didi panap.” Muleja asenda kopi wend, ni kutang ni kwisambin paragraf wa 6-7 pa paj wa 23-24 wa broshir. Ovijanany kushinshikin paragraf wa 8-9 pa kuchirikin kulondwila.
Chisu chisadilay ni mwan, mukurump ukutwish kusambish ni kulond anch:
“Anch witiyij, ――― tusotil kukutangin mufund umwing. [Mwan watang Kuseng 37:29 ni warumburil mu wiswimp.] Broshir winou wisambidin mutapu ukuwanyishay Nzamb rusot rend mulong wa antu ni divu. [Lejan yipich pa paj wa 24-27.] Chisu tukuchirika, nikutwish kukulej kushilamu kusangarishina kwa Bibil piur pa divumbuk.” Pan broshir, ni ovijanany chakwel kuchirikin.
Pa kuchirikinamu kusu, ukutwish kulond anch:
“Pinezina kapamp ka kusambish, twatangin Kuseng 37:29, ni nalonda anch nisotil kukulej yilondilay Bibil piur pa divumbuk. Tal yilondilau panap.” Muleja asenda kopi wend, ni kushinshikin paragraf wa 12-14 pa paj wa 24-25 wa broshir. Mwita kusambish nend dilejan dia Bibil, ap ovijanany kushinshikin paragraf wa 15-16 pa kuchirikin kulondwila.