Yiyul ya Kupan Nich Broshir​—⁠Chikunku 2

LAM

Quel est le but de la vie ? Comment le découvrir ?

Kupwa kwa kumulangwish mwin chikumbu, ukutwish kulond anch:

“Nlel unou mwom wizwil milong ni kuburen kushiken kwa yom tuchingejina. Ey utongin anch wawiy mutapu wading ufanyidina kwikal mwom? [Mulika muntu akula.] Broshir winou ulejen anch rutong ra kusambish ra Nzamb mulong wa antu ni divu rikuwanyin chakin kamu. [Isambina chipich chidia pa paj wa 20-21. Kupwa tang paragraf wa 9, kasikeshin Isay 14:24 ni 46:11.] Chisu nikweza kand, nikusangar kukulej ndond yilondilay Bibil ya kuchirish kwa Paradis pa divu kud Nzamb.” Pan broshir, ni irijeka chakwel kuchirikin.

Chisu ukuchirika, ukutwish kulond anch:

“Kapamp ka kusambish nalondil anch rutong ra Nzamb ridi mulong wa antu kushakam chikupu pa divu mu paradis. [Lejan kand chipich pa paj wa 20-21.] Tal yalonday Yesu, Pita, ni David piur pa Paradis.” Muleja asenda broshir wend. Kupwa buril paj wa 21-22, ni kushinshikin paragraf wa 10-13. Mwita kwilej nend Bibil, ap irijeka chakwel kushinshikin umwing wa tumitu twa milong tudia pa paj wa 29-30 pa kuchirikinamu kulondwila.

Mwin kulejan nsand ukutwish kulond anch:

“Antu avud a pa rad ram akat kwidjidjek piur pa machuku ma kurutu. Ey utongin anch mwom ukwikal uwamp nakash mulong wa chizaz chilondwila? [Mulika muntu akula.] Bibil ulondil ya machuku ma kurutu ma musangar mulong wa antu awonsu. [Buril chifwatul chidia pa paj wa 31 wa broshir, ni tang chirumburil. Kupwa tang 2 Pita 3:13.] Broshir winou ukwet rusangu ra yiyukish yilaminay Nzamb mulong wa antu. [Kasikeshin tumitu twa milong tudia mu ulombu ujal pa paj wa 29-30, ni pan broshir.] Nisotil kwez kand kukutal ni kukulej kushilamu kwa Nzamb kwa kupwish jinjit jawonsu.” Irijeka chakwel kuchirikin.

Chisu ukuchirika, ukutwish kulond anch:

“Kapamp ka kusambish nezina ni kukutal, nalonda mu wiswimp piur pa rutong ra Nzamb ra kuchirish paradis pa divu. [Chirikin kand ku chipich pa paj wa 31.] Nisotil kutesh yitongijok yey pa kushilamu kwa Nzamb kwa kupwish jinjit jawonsu.” Muleja asenda broshir wend. Kupwa tang ni kwisambin paragraf wa 3-6 pa paj wa 29. Irijeka chakwel kushinshikin paragraf wa 7-8 pa kuchirikinamu kulondwila.

Chisu chisadilay ni mwan, mukurump ukutwish kusambish ni kulond anch:

“Anch witiyij, ________ tusotil kukulej chipich ni kutang mufund umwing mu Bibil. [Mwan walejan chipich ni watang chirumburil chidia pa paj wa 31 ni kupwa watang Kujingunik 21:⁠4.] Broshir winou urumburil yikusalay Nzamb piur pa milong turishina nich nlel unou. [Kasikeshin mu wiswimp tumitu twa milong tudia mu ulombu ujal pa paj wa 29-30, ni kupan broshir.] Chisu tukuchirika, nikutwish kukulej kushilamu kusangarishina kwa Bibil piur pa disudiel dia milong yawonsu ya ukash wa mujimbu.”

Pa kuchirikinamu kusu, mukurump ukutwish kulond anch:

“Mu mambamb metu ma kusambish, nalonda anch nisotil kukulej yilondilay Bibil piur pa disudiel dia milong yawonsu ya ukash wa mujimbu. Tal yilondilau panap.” Muleja asenda broshir wend. Kupwa shinshikin paragraf wa 9-14 pa paj wa 29. Mwita kwilej Bibil, ap irijeka chakwel kushinshikin paragraf wa 15-16 pa kuchirikinamu kulondwila.

[Caption on page 1]

Yiyul kushalijan yidi mu wenjil winou chakwel kukukwashany kurijek minsamb ya kupan nich mabroshir. Akutwish kuyiswimp kukwatijan nich mikadil ya pol pen.​—⁠Tal Mudimu Wetu wa Want wa Chiwong 2005, p. 8 ni wa Kalol 2005, p 3, 4.