Program Wa Yikumangan Ya Mudimu

Rubing ra Kachirikin 12

Muminy 32

Min 10: Yijikish. Yijikish yifanyidina ya Mudimu Wetu wa Want. Sadilany yiyul yidia pa paj wa 8 (anch yifanyidin mu teritwar wen) chakwel kusal yakumenaku yilejena mutapu wa kupan Chinong cha Kalam cha Kachirikin 15, ni Réveillez-vous ! wa Kachirikin 22. Ukutwishany kusadil minsamb yikwau yifanyidina. Kupwa kwa chakumenaku chimwing ni chimwing, rumburil mutapu uswapela wa kusadil mufund mu minsamb.

Min 15: “Shikol Yitukwashina Kusadil Mutapu Uwamp.” Diskur dikusalay kalam wa shikol. Wejinamu yirumburil yidiokila mu wenjil wa Mudimu Wetu wa Want wa Mwinkind 2005.

Min 20: “Malejan Matwadila ku Mwom.”* Irijeka kurutu kwa chisu chakwel muntu umwing ap aad arumburil mutapu watanidinaumu ku malejan ma Nzamb kusutil ku dirijek diend.

Muminy 101 ni malembil ma nsudiel.

Rubing ra Kachirikin 19

Muminy 160

Min 5: Yijikish. Lejan yitenchik ya mudimu wa chingand ya pakampwil mulong wa Kachirikin 25 ni Chiwong 1. Yivurisha awonsu kusend nimero wa Réveillez-vous ! wa Chiwong 2006 ku Chikumangan cha Mudimu cha rubing rambakedinap.

Min 15: “Mekesh Kusanger kwa Pakampwil​—⁠Mu Kwikal Mwin Kulondwish.”* Wejaku chakumenaku chiswimp chilejena mutapu ukutwishay mwin kulejan kulondwish minsamb yend yimedina pa mazu ma mwin chikumbu.

Min 25: “Ov, Mwaney Ukutwish Kukwat Mupak wa Manangu?”*Akuchitakel kud mukurump. Tangish paragraf umwing ni umwing kudiay mukadivar wija kutang nawamp. Isambinany mifund yawonsu yijimbwilau. Kupwa kwa kushinshikin paragraf wa 2, lejan kushalijan kwa mikadil ya ansand aad yijimbwilau mu paragraf wa 16-17 ni mu mushet udia pa paj wa 16-17 ma Chinong cha Kalam cha Kalol 15, 1991 cha français. Mu kupwish, yikasikesha anvaj kuchirikin mutu wa mulong winou wawonsu mu Chinong cha Kalam ni kwisambin pakad kulab ni kuchirikin yikunku nau an au piur pa mbil yengamidina pa Bibil mulong wa mash, kuyiwanyish chakwel kumesh yitiyij yau nich kashinsh. Mitu ya majuku yifanyidin kwijik anch mwan ni mwan wabatishau kal ukwet kart DPA (Instructions médicales prévisionnelles) ni anch mwan ni mwan wakad kubatishiu ukwet Carte d’Identité [Kart wa Chijiken]. Chisu chin chawonsu chikumutwalau muntu ku rupital ni anch kwikal mulong wa kutek kwa mash, amakurump afanyidin kwijikish Komite wa Ukwash ku Milong ya Mayej wa ndond yiniya mulong wa kukwash.

Muminy 56 ni malembil ma nsudiel.

Rubing ra Kachirikin 26

Muminy 85

Min 10: Yijikish. Tang rapor wa chipau ni chijikish cha kushik kwa milambu ku biro. Yivurisha atutwambil kupan marapor ma mudimu wa Kachirikin. Anch chikumangen chen chikuswimp yisu ya kukumangan ya muvu usu, ijikish yisu ya katat. Jimbul mukand wa kupan pa Chiwong, ni lejan kukutwishau kutan minsamb yiyudilau.

Min 15: Maswir ma chikumangen.

Min 20: Milad Yisu ya Réveillez-vous ! Diskur ni minsamb nau in kukumangan. Lejan kuswimp ku Réveillez-vous ! kwijikishau mu Mudimu Wetu wa Want wa Rish 2005, paj wa 1, paragraf wa 5-6. Wejinaku yirumburil “Kud in Kututang” mu Réveillez-vous ! wa Chiwong 2006, paj wa 3-4. Lejan yilakej ya mutapu upwitidinay swa gazet winou yitongijok ya in kutang ku Bibil. Yita in kukumangan kurumburil mulad usu udia pa paj wa 31. Tukudandamen kupan pamwing Chinong cha Kalam ni Réveillez-vous ! kapamp ka kusambish. Mwawiy, tukupan kopi umwing kusu wa nimero ni nimero wa Réveillez-vous ! kud antu adia mwi njil yetu ya magazet ni akwau akata kwitiyij magazet chisu chawonsu. Sadilany yiyul yidia pa paj wa 8 (anch yifanyidin mu teritwar wen) chakwel kusal yakumenaku yilejena mutapu wa kupan Chinong cha Kalam cha Chiwong 1 ni Réveillez-vous ! wa Chiwong. Ukutwishany kusadil minsamb yikwau yifanyidina. Nimero wa Mudimu Wetu wa Want wa Chiwong ukwikal nich minsamb ya kaad ya Réveillez-vous ! wa Chiwong yisambidina umwing wa mitu ya milong yikemp yikemp. Minsamb yawonsu yaad akutwish kuyisadil mwi ngond wa kabuj.

Muminy 222 ni malembil ma nsudiel.

Rubing ra Chiwong 2

Muminy 5

Chiyul: Yikumangen yifanyidinap kuswimp Chikumangan cha Mudimu cha rubing ra Chiwong 2 ni kuchitek kurutu anch mulong kalam wa munyimuku uyendidil. Mu chikumangen ni chikumangen, afanyidin kushinshikin wenjil wisambidina chitentam ku Chikumangan cha Mudimu mud mudiay ku program. Anch kudi chitentam cha munyimuku rubing riner, atulam a dilejan dia buku afanyidin kwijikish ndond yikusadinau chitentam ni machuku ma ngond ku program wau wa chisu chawonsu wa malejan ma buku.

Min 5: Yijikish.

Min 15: “Tusadilany Nich Manangu Mikand Yetu Yengamidina pa Bibil.”* Wejanyaku yirumburil yidia mu Mudimu Wetu wa Want wa Mwinses 2002, paj wa 1.

Min 25: “ ‘Dipandish Didi Piswimp’ Chitentam cha Distrik cha 2006 cha Atuman a Yehova.”* Akuchitakel kudiay kalam wa ujindj wa chikumangen. Kupwa kwa kushinshikin paragraf wa 1, tang mukand wa Kachirikin 15, 2005, ulejena ndond ya chitentam. Yikasikesha awonsu kwitenchik kamu katat mulong wa chitentam.

Muminy 48 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.