Program Wa Yikumangan Ya Mudimu

Rubing ra Rish 13

Muminy 41

Min 10: Yijikish. Yijikish yifanyidina ya Mudimu Wetu wa Want. Sadilany yiyul yidia pa paj wa 6 ap minsamb yikwau yifanyidina mulong wa teritwar wen, chakwel kusal yakumenaku yilejena mutapu wa kupan Chinong cha Kalam cha Rish 15 ni Réveillez-vous ! wa Rish. Kwinsudiel kwa chakumenaku ni chakumenaku, mwin kulejan ufanyidin kumuladikij mwin chikumbu ku Chivurikish mu kusadil chibur cha nsudiel cha gazet upaninay.

Min 15: “Tuyikwashany Akwetu Ataninamu ku Difut.”* Chikunku chilondwila chinech chikushinshikin nakash mutapu tukutwisha kusadil paj wa 206-208 wa buku Chifundishinay Bibil chisu tuyitazukina antu ku Chivurikish.

Min 20: Yakudia ya Urel ya Mwant​—⁠Chivurikish Chimutumbishina Nzamb. (Yakudia ya Urel ya Mwant​—⁠Musambu Umutumbishina Nzamb) Minsamb ya yipul ni yakul yimedina pa paj wa 206-208 wa buku Chifundishinay Bibil. Mu disambishil dia minit umwing, lejan mutapu ukutwisha kulejan mutu wa mulong kud mwin chikumbu mu kutang paragraf wa kusambish. Kupwa yita in kukumangan kurumburil yipul yilondwila pakad kutangish maparagraf: (par. 2) Chisu ik chasambishay Yesu chivurikish cha rufu rend? (par. 3) Tupamp twinch tufanyidina kusal chivurikish cha Yakudia ya Urel ya Mwant? (par. 4) Mutapu ik Bibil urumburilay Chivurikish? (par. 5) Mutapu ik twija anch Yesu kakarumunap dibot kwikal mujimbu wend wa mbij ni nviny kwikal mash mend? (par. 6) Dibot diakad chivish difanakeshin chom ik? (par. 7) Nviny musuz ufanakeshin chom ik? (par. 8) Anany kusu afanyidina kudia dibot ni kuna nviny? (par. 9) Chisu ik chikata kusadik Chivurikish muvu ni muvu, ni mulong wak tufanyidina kukumangan? Anch kudi chisu isambinany mifund yijim. Yikasikesha antu awonsu kushinshikin rusangu riner nau in kwilej Bibil ni antu akwau tutazukina ku Chivurikish mu kutang maparagraf, kwisambin manans majim, ni kusadil yipul yiswapela mud yirijekinau mu chikunku chinech.

Muminy 134 ni malembil ma nsudiel.

Rubing ra Rish 20

Muminy 18

Min 10: Yijikish. Chirikinany manans majim ma mushet “Yivurish ya Chivurikish.”

Min 23: Chisend cha Kristu mu Ditenchik dia Nzamb. Diskur dimedina pa buku Atenchikinau Chakwel Kusal Rusot ra Yehova, paj wa 10-13. Chisu wisambidinany ma paragraf mwishin mwa mutu wa mulong “Wisu mudimu wa Kristu” sadil minit yisatu ap yinying chakwel kumekesh mitapu ya kusadil dipaper dia diladikij dia Chivurikish. Chirikinany yiyul yidia mu Mudimu Wetu wa Want wa Kasan 2006, paj wa 3, paragraf wa 3. 

Min 12: Akasikeshinau ku Kushinshikin Mufund wa Dichuku ni Dichuku. Diskur ni chakumenaku yimedina pa mazu ma kusambish ma Examinons les Écritures chaque jour 2006. Rijekany chakumenaku cha dijuku dikat kushinshikin mufund wa dichuku ni yirumburil pamwing.

Muminy 103 ni malembil ma nsudiel.

Rubing ra Rish 27

Muminy 44

Min 15: Yijikish. Yivurisha atutwambil kupan marapor ma mudimu wa Rish. Tang rapor wa chipau ni chijikish cha kushik kwa milambu ku biro. Sadilany yiyul yidia pa paj wa 6 ap minsamb yikwau yifanyidina mulong wa teritwar wen, chakwel kusal yakumenaku yilejena mutapu wa kupan Chinong cha Kalam cha Ndol 1 ni Réveillez-vous ! wa Ndol. Lejan kand mutapu wa kusadil mapaper ma diladikij chakwel kuyitazuk antu asangaredina kwez ku Chivurikish.

Min 10: Ov, Nzamb Udandamedin Kuyikel? Diskur ni chakumenaku yimedina pa chibur cha panyim cha Chinong cha Kalam cha Ndol 1, 2006. Sadilany yisu yawonsu yimekena chakwel kuyiladikij antu ku diskur dia pa kampwil. Shinshikinany chakwel kutazuk in kwilej Bibil awonsu ni yid ya majuku mau yakad kwilejang Bibil. Antu awonsu twija akata kusanger ni antu akwau tusankena mu mudimu wa chingand tufanyidin kuyiladikij cha pakampwil. Salany chakumenaku chilejena mutapu wa kusadil Chinong cha Kalam cha Ndol 1 pitumuladikijina muntu walikina kal kusal mudimu wa kulejan ap walikina kal kukumangan.

Min 20: Yamenau mu chikumangen. Yita in kukumangan ashimunin yamenau mu kupan buku Chifundishinay Bibil mwi ngond wa Rish. Kasikeshin malejan ma Bibil masambishinau. Akutwish kusutirik chamenau cha pakampwil chimwing ap yaad.

Muminy 170 ni malembil ma nsudiel.

Rubing ra Ndol 3

Muminy 199

Min 15: Yijikish. Chirikin mu wiswimp mutu wa mulong “Tusangerany Dilejan Dietu dia buku Chom ik Chakin Kamu Chifundishinay Bibil?” udia pa paj wa 6 wa Mudimu Wetu wa Want wa Kasan 2006. Pwitin manangu ku program wa dilejan dia buku Chifundishinay Bibil. Lejan kand mutapu wa kusadil mapaper ma diladikij chakwel kuyitazuk antu asangaredina kwez ku Chivurikish.

Min 10: “Mukand wa Chisak Chitakedila.” Tang ni kushinshikin mukand udiokila mu Annuaire 2006. Kupwa kwa kutang paragraf ni paragraf, mukurump ukutwish kwipul yipul ya kurijek nawamp mulong wa kuchirikin manans majim.

Min 20: “Tuyilejany Antu Itudishila Kwendil Mwi Njil ya Nzamb.”* Wejinaku yirumburil yidiokila mu Chinong cha Kalam cha Kafunfut 1, 2004, paj wa 16, paragraf wa 9, (Français).

Muminy 93 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.