Yijikish

◼ Mukand wa kupan pa Rish: Buku musu Chom ik Chakin Kamu Chifundishinay Bibil? Salany usu wa pakampwil wa kusambish malejan ma Bibil. Ndol ni Ndol-Mem: Panany makopi mawonsu ma Chinong cha Kalam ni Réveillez-vous ! Chisu cha kuchirikinamu kuyital antu amekeshina kusanger, kuwejinaku antu akumangena ku Chivurikish ap ku yinship yikwau ya uteokras pakwez akad kwinung nakash ni chikumangen, kasikeshin pa kupan buku musu Chom ik Chakin Kamu Chifundishinay Bibil? Rutong rifanyidin kwikal ra kusambish dilejan dia Bibil mu buku winou. Kalol: Kupan buku Ilejina Kudiay Mulej Mujim. Anch antu alond anch kakwetap an, panany buku Bonheur familial.

◼ Mulong Ndol ukwet nsudiel ja mbing jitan, ukutwish kwikal ngond muwamp nakash wa kusal uchibol nkwash.

◼ Chivurikish chikusadik Diakasatu, Ndol 12, 2006. Anch chikumangen chen chikweting yikumangan Diakasatu, chifanyidin kuyiswimp dichuku dikwau dia rubing anch kudiap chikumangen chisadidila Chot cha Want. Anch chinech chitwishikinap ni Chikumangan chen cha Mudimu chikwachikin, yikunku yitadila nakash chikumangen chen akutwish kuyandjik mu Chikumangan cha Mudimu chikwau.

◼ Yikumangen yifanyidin kwangan manimero ma nsudiel ma Chinong cha Kalam ni Réveillez-vous ! chisu chikumatambulau pakad kulab. Chinech chikuyikwash in kulejan kwijik yidiamu kurutu kwa kupan magazet minam mu mudimu wa chingand. Mudimu Wetu wa Want chifanyidin kand kuwangan pakad kulab anch washik. Akutwish kuwangen ku Dilejan dia Buku dia Chikumangen.

◼ Program wa video Noé : il marchait avec Dieu akumushinshikin ku Chikumangan cha Mudimu mwi Ndol-Mem. Anch kudi kuswir kwa maband, chifanyidin kumitin ku chikumangen pakad kulab.

◼ Biro wa mutiy kitiyinap makomand ma mikand ma muntu ipend. Kalam ntakel ufanyidin kutenchik mulong wa kwijikish chikumangen ngond ni ngond kurutu kwa kutum komand wa mikand ku mutiy chakwel awonsu asangeridina kutambul mikand yau akutwish kumwijikish mukadivar mwin kutal mikand. Vurikany amboku anch mikand yikwau yidi ya kwitin ku komand wa pakampwil.

◼ Kalas kambakedinap ka ayibol kakusadik mu machuku 10 malondulijadina mu rubing ra kupwa kwa chitentam cha distrik cha Diakatan kushik Diarubing, mu musumb mu sadikidina chitentam. Tukusadil buku musu mu Français, Lingala, Swahili ni Tshiluba. Akutazukau akwikal ayibol a rawonsu akad kal kuya ku shikol ni atondau kwikal ayibol a rawonsu pa Kafumpul 1, 2005, ap kurutu kwa dichuku dined, ni akwau ap anch aya kal ku shikol yiney machuku ma kwinyim, adia ayibol a rawonsu mu mivu 15 ap ni kusut. Chibol ni chibol akumwijikish amwinend.