Yijikish

◼ Mukand wa kupan pa Ndol ni Ndol-Mem: Panany makopi mawonsu ma Chinong cha Kalam ni Réveillez-vous ! Chisu cha kuchirik ni kuyital antu amekeshina kusanger, kuwejinaku antu akumangena ku Chivurikish ap ku yinship yikwau ya uteokras pakwez akad kwinung nakash ku chikumangen, kasikeshany kupan buku musu Chom ik Chakin Kamu Chifundishinay Bibil? Rutong rifanyidin kwikal ra kusambish dilejan dia Bibil mu buku winou. Kalol: Kupan buku Ilejina Kudiay Mulej Mujim. Anch antu alond anch kakwetap an, panany buku Bonheur familial.

◼ Kusambish pa Ndol, mabadj ma chitentam cha distrik cha 2006 akumatum pamwing ni mabuku makutumau. Chikwikalap cha usey kumit ching anch ukwetany chirund cha rudim ra wingendj chinungina ku chikumangen chen. Anch chikumangen chikwet kuswir kwa mabadj makwau, chifanyidin kumitin pa Fomu Demande des publications (S-14). Chikumangen chin chawonsu chikweta kuswir kwa nsapu ja mabadj chifanyidin kujit.

◼ Biro wa mutiy ukwet kuswir kwa kwijik maadres ni manimero ma telefon ma katat ma atulam antakel awonsu ni ma atulam a ujindj. Chisu chikwau anch kudi kuswimp, Komite wa Mudimu wa Chikumangen ufanyidinany kwizwish, kusiny ni kutum pakad kulab fomu Changement d’adresse du surveillant-président/secrétaire (S-29) ku biro wa mutiy.

◼ Chinong cha Kalam cha Ndol 15, 2006 chikwisambin mutu wa mulong “Kwambamb Kuwamp.” Mulong wa rusangu riner ridiamu, chikumangen ni chikumangen chikutambul uvud wa kuwejinaku 10% wa nimero winou.