Dichirikin dia Shikol ya Mudimu wa Uteokras
Yipul yilondwila ey akez kuyakul pakad kufund ku Shikol ya Mudimu wa Uteokras pa rubing ra Ndol 24, 2006. Kalam wa shikol ukez kutakel dichirikin diengamidina pa malejan ma rubing ra Rish 6 djat pa rubing ra Ndol 24, 2006, mu minit 30. [Chijikish: Ndond jakad kwikal nich mareferans kwinsudiel kwa chipul, ukutwish kukimbijol amwiney chakwel kutan chakul.—Tal École du Ministère, p. 36-37.]
UKALIWENY WA KULOND
1. Chisu tulejena, mulong wak tufanyidina kupim pa kuswimp kwa chitongijok chin chawonsu, chad chom ik chikutwisha kutukangesh kusal mwamu? [be-F p. 98 par. 2-3]
2. Mulong wak chidi cha usey kupim chisu tuyilejina antu akwau uman? [be-F p. 99 par. 5–p. 100 par. 4]
3. Mulong wak kukasikeshin kudi kwa usey chisu tusadila diskur, ni mutapu ik tukutwisha kushiken kwijik kukasikeshin nawamp? [be-F p. 101 par. 1-5, mushet]
4. Chisu tutangina kurutu kwa antu, mutapu ik tukutwisha kushinshik anch tukasikeshidin yitongijok yijim ya malejan metu? [be-F p. 105 par. 1-6]
5. Mulong wak kujimb kwa dizu kufanyidina kudi kwa usey chisu tulejena, ni mutapu ik tukutwisha kutond kujimb kwa dizu kuwanyidina kusadil? [be-F p. 107-108]
MINSAMB NO. 1
6. Mwikadil wa in Kristu nlel unou ufanaken mutapu ik ni wa Ester ni Moridekay, ni mutapu ik tukutwisha kwimburij chilakej chau? [si-F p. 94 par. 17]
7. Chisu chalonday Salomon anch “yawonsu yidi kwau yamwamu, yidi mudi kumulondul rinkind,” wading ulondil yom ik? (Mul. 2:11) [w04-F 15/10 p. 4 par. 3-4]
8. Mutapu ik tukutwisha kumukat Nzamb nakash? (Marko 12:30) [w04-F 1/3 p. 19-21]
9. Kushalijan ik kukutwisha kwikal pakach pa usey wa yom ya muspiritu ni yom ya mapit? [w04-F 15/10 p. 5-7]
10. Yom ik yikutwisha kutukwash kutesh pakad kampuw ku yitentam ya munyimuku ni ya distrik? [be-F p. 15-16]
KUTANG BIBIL KWA RUBING
11. Mulong wak Haman amubwika diswin pa mes? (Ester 7:8)
12. Chitang cha muspiritu cha mutapu ik chamubachika Elifaz? (Yob 4:15, 16) [w05-F 15/9 p. 26 par. 2]
13. Mazu ma Yob mafundilau ku Yob 7:9, 10 ni Yob 10:21 mamekeshin anch ndiy kadingap ni kwitiyij divumbuk?
14. Yom ik yasotay kulond Yob palonday anch ‘nipandidin kusu ku chikand cha mazeu mam’? (Yob 19:20)
15. Yom ik yarumburilay Yob palonday anch, ‘kinikulikap kushinshaman kwam,’ ni chom ik tukutwisha kwilejinaku? (Yob 27:5)