Program Wa Yikumangan Ya Mudimu

Rubing ra Kalol 12

Muminy 218

Min 10: Yijikish. Sadilany yiyul yidia pa paj wa 4 ap minsamb yikwau yifanyidina mu teritwar wen, salany yakumenaku yilejena mutapu wa kupan Chinong cha Kalam cha Kalol 15 ni Réveillez-vous ! (Français) wa Kalol. Mu chakumenaku chimwing, lejan mutapu wa kupan magazet chisu upanina uman kanang pakad kutongin.

Min 20: “Mujikit Wetu​—⁠Udi Mudimu wa Riy.”* Anch kudi chisu, yita in kukumangan arumburila maverse majimbwilau.

Min 15: Kumuchingejin “Kashalapol Ushinshamena ni Kubabal.” Diskur ni minsamb nau in kutesh dimedina pa shapitre wa 3 wa buku Atenchikinau Chakwel Kusal Rusot ra Nzamb.

Muminy 47 ni malembil ma nsudiel.

Rubing ra Kalol 19

Muminy 21

Min 10: Yijikish. Yijikish yifanyidina ya Mudimu Wetu wa Want.

Min 20: Dizu dia mu Chisu Chau, Didi Diwamp! Diskur ni minsamb nau in kutesh dimedina pa Chinong cha Kalam cha Chiwong 1, 2006, paj wa 16-19. Mu mazu ma kusambish nich, kasikeshin pa mitapu yinying ya kwisakin mu kuyijikitish antu akwau yisambidinau mu kamutu ka mulong kalondila anch “Yibudikin Yiwamp.” Kupwa yita in kukumangan akula ku yipul yilondwila ey: Ov, nany wa kusambish utufanyidina kushiman? Ov, mulong wak tufanyidina kuyijikitish ambay netu akaritiy? Yisu ik tukweta yitukutwisha kupan kujikitish mu chikumangen? Ov, mulong wak chidia cha usey kuyijikitish yid ya dijuku, ni mutapu ik tukutwisha kuyijikitish? Ov, mutapu ik wakukasikeshau ap kukwinkish usu kusutil ku kujikitish kwakujikitishau?

Min 15: “Mekesh Kusanger kwa Pakampwil​—⁠Ku Kuyijikitish.”* Salany chakumenaku chilejena mutapu mwin kulejan mutilay matu kud mwin chikumbu, chakwel kumujikitish kwakin pa yom kanang, ni kupwa wakasikeshin pa yilondinay mwin chikumbu kusutil ku kumutangin verse ufanyidina.

Muminy 96 ni malembil ma nsudiel.

Rubing ra Kalol 26

Muminy 63

Min 15: Yijikish. Tang rapor wa chipau ni chijikish cha kushik kwa milambu ku biro. Sadilany yiyul yidia pa paj wa 4 ap minsamb yikwau yifanyidina mulong wa teritwar wen, chakwel kusal yakumenaku yilejena mutapu wa kupan Chinong cha Kalam cha Kafunfut 1 ni Réveillez-vous ! (Français) wa Kafunfut. Kwisudiel kwa yakumenaku yawonsu yaad, mwin kulejan ipula chipul chilangwishina yitongijok chikutwishau kwakul kusutil ku buku Chifundishinay Bibil chisu chikwezay kumwendil kand.

Min 15: Kusadil Pamwing ni Chikumangen Chisadidila Rudim ra Wingendj. Diskur dimedina pa Chinong cha Kalam cha Rish 15, 2006, paj wa 17-20, (Français). Wejinaku yirumburil yidia mu buku Atenchikinau, pa paj wa 112, paragraf wa 2. Sadilany malejan mafanyidina mu teritwar wen. Salany interview umwing ap maad nau antu asotila kutanduril mudimu wau kusutil ku kwilej rudim rukwau.

Min 15: Kulejan Rusangu Ruwamp mu Kafunfut. Mitu ya milong ik yiyisangareshina antu adia mu teritwar wen? Yipula in kulejan umwing ap aad asadidila mutapu uwamp wa kupan buku Chifundishinay Bibil ni pamwing ap asambisha dilejan dia Bibil. Salany chakumenaku chifanyidina mulong wa teritwar wen chakwel kulejan mutapu wa kupan buku mu kulejan ku chikumbu ni chikumbu. Tal Mudimu Wetu wa Want wa Chiwong 2005, p. 8, par. 5.

Muminy 208 ni malembil ma nsudiel.

Rubing ra Kafunfut 3

Muminy 111

Min 10: Yijikish. Yivurisha atutwambil kupan rapor wa mudimu wa Kalol, anch kand kal amupana.

Min 15: Maswir ma Chikumangen.

Min 20: “Mutapu wa Kuwanyish Ntong Jey ja Muspiritu.”* Yita ansand kurumburil piur pa ntong jau ja muspiritu ni yisadilau mulong wa kujiwanyish. Tenchikany kurutu chirumburil chimwing ap yaad.

Muminy 30 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.