Program Wa Yikumangan Ya Mudimu

Rubing ra Kafumpul 14

Muminy 163

Min 15: Yijikish. Isambinany “Program Musu wa Chitentam cha Pakampwil cha Dichuku Dimwing.” Lejan dichuku dia ngond dikusadika chitentam cha pakampwil cha dichuku dimwing anch dijiken. Sadilany yiyul yidia pa paj wa 4 ap minsamb yikwau yifanyidina mu teritwar wen, salany yakumenaku yilejena mutapu wa kupan Chinong cha Kalam cha Kafumpul 15 ni Réveillez-vous ! wa Kafumpul. Mu chakumenaku chimwing, lejanany mutapu wa kupandikan chikangesh minsamb “Niyikatiningap Atuman a Yehova.”​—⁠Tal buku Comment raisonner p. 17-18.

Min 15: “Nimero wa Pakampwil wa Réveillez-vous ! wa Kupan pa Mwinses.”* Chisu wisambidinany paragraf wa 4, salany chakumenaku chiswimp chilejena nsand wa dikum dia mivu umwinkishina mulej wend nimero wa Réveillez-vous ! wa Mwinses.

Min 15: Mutapu ik Tukutwisha​—⁠Kuta Urund wa Piswimp Nakash ni Ambay a Shikol? Diskur ni minsamb nau in kukumangan dimedina pa paj wa 17-19 wa Réveillez-vous ! wa Ndol. Yita adia mukach mwa in kukumangan adia mu majuku ma in Kristu alejan mutapu wa yitenchikau kudi anvaj au mulong wa kupandikan yakamish ni kusadil yany ya Bibil ku shikol. Rijekany chirumburil chimwing ap yaad kurutu kwa chisu.

Muminy 164 ni malembil ma nsudiel.

Rubing ra Kafumpul 21

Muminy 62

Min 10: Yijikish ni Yijikish yifanyidina ya Mudimu Wetu wa Want. Isambinany “Program Musu wa Chitentam cha Munyimuku,” ni lejan machuku ma ngond makusadika chitentam cha munyimuku anch mijiken.

Min 15: Kutanyinamu mu Dilejan dia Chinong cha Kalam ni ku Chikumangan cha Antu Awonsu. Diskur ni minsamb nau in kukumangan dimedina pa buku Atenchikinau Chakwel Kusal Rusot ra Nzamb, paj wa 59 kushik ku kamutu ka mulong kadia pa paj wa 64.

Min 20: Itenchika Katat Chakwel Usala Mudimu wa Uchibol Nkwash! Diskur ni minsamb nau in kukumangan. Kasikeshin rutong ra kusal mudimu wa uchibol nkwash ap mwi ngond umwing mu muvu wa mudimu usu. (1 Kor. 9:26) Antu amwing akutwish kutond ngond wa mudimu wa pakampwil ap ngond ukweta machuku makad kusal mudimu ap nsudiel ja mbing. Yipula in kukumangan: “Mutapu ik wapandakenanya yikokujol muvu wasutila chakwel kusal mudimu wa uchibol nkwash? Yiyukish ik yiwatambwilanya piwasadilanya mudimu wa uchibol nkwash? Anch ukwetany rusot ra kusal pakwez widjidjekinany, ov, ukutwishanyap kulembil mulong wa kusal mudimu winou? (Midimu 4:29; 2 Kor. 4:7; Yak. 1:⁠5) Ov, mulong wak chidi chiwamp kwisambin mujikit winou ni dijuku diey ni antu akwau mu chikumangen, pakampwil ni antu akweta mikadil ya mutapu umwing niyey? (Jinsw. 15:22) Chisu ik utongina kusal mudimu wa uchibol nkwash?”

Muminy 216 ni malembil ma nsudiel.

Rubing ra Kafumpul 28

Muminy 17

Min 10: Yijikish. Tang rapor wa chipau ni chijikish cha kushik kwa milambu ku biro. Yivurisha in kulejan kulet marapor mau ma mudimu wa Kafumpul. Sadilany yiyul yidia pa paj wa 4 ap minsamb yikwau yifanyidina mu teritwar wen, salany chakumenaku chilejena mutapu wa kupan Chinong cha Kalam cha Mwinses 1 ni Réveillez-vous ! wa Mwinses ni kusal kuchirikinamu mwi njil ya kwangen magazet.

Min 15: Ukutwish Kwikal Musul wa Dikasikesh. (Rome 1:​11, 12) Diskur ni minsamb nau in kukumangan. Lejan uvud wa ayibol a rawonsu adia mu chikumangen. Lejan mitapu tukutwisha kuyikasikesh, mud kuyijikitish, kwisamb piur pa yiyukish ya mudimu wa uchibol, kusal nau pamwing mu mujikit, kuyitazukin yakudia, ni kuyikwash nfalang ja kufutin weny. Yita ayibol a rawonsu alejan mutapu wayikasikeshau kudi antu akwau. Anch mu chikumangen chen mwamwamu ayibol a rawonsu, isambinany mutapu ukutwishanya kuyikasikesh ayibol ankwash.

Min 20: Ov, Ukutwish Kwitekin Rutong ra Kusambish Dilejan dia Bibil pa Mwinses? Diskur ni yakumenaku. Pa Mwinses tukez kusal usu wa pakampwil wa kusambish malejan ma Bibil kapamp ka kusambish, nich buku Chifundishinay Bibil. Chinech chirumburikin anch chitupanina buku, tukez kusal usu nakash wa kwisambin maparagraf makemp pamwing ni mwin chikumbu. Sadilany mitu ya milong yifanyidina mu teritwar wen, salany yakumenaku yaad. Mu chakumenaku ni chakumenaku, lejanany yitenchik ya nsudiel usadilanya mulong wa kuchirik ni kudandamen nich minsamb.

Muminy 37 ni malembil ma nsudiel.

Rubing ra Mwinses 4

Muminy 90

Min 10: Yijikish.

Min 15: Maswir ma chikumangen.

Min 20: “Mekesh Kusanger kwa Pakampwil​—⁠Ku Kulejan Pakad Kasolikany.”* Chisu wisambidinanya Rome 1:​14, ujimbwilau kwisudiel kwa paragraf wa 2, wejinaku yirumburil yiswimp yilejenau mu Étude perspicace, Volim wa 1, paj wa 270, paragraf wa kusambish udia mwishin mwa kamutu ka mulong “Barbare.” Kupwa kwa kwisambin paragraf wa 3, chirikinany manans masatu malejenau pa paj wa 2 wa broshir Une bonne nouvelle pour des gens de toutes nations, ni salany chakumenaku chilejena mutapu wa kusadil broshir chisu wisambinanya ni antu adia mu teritwar wen alondila rudim rukwau. Sadilany malejan minam kukwatijan nich maswir ma chikumangen chen. Chikumangen chifanyidin kwikal nich mikand yiwanyidina mulong wa in kulejan mu rudim rilondinau mu teritwar wau.

Muminy 225 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.