Dichirikin dia Shikol ya Mudimu wa Uteokras

Yipul yilondwila ey ya dichirikin akez kuyakul ku Shikol ya Mudimu wa Uteokras pa rubing ra Kachirikin 25, 2006. Kalam wa shikol ukez kutakel dichirikin diengamidina pa malejan ma rubing ra Kalang 6 djat pa rubing ra Kachirikin 27, 2006, mu minit 30. [Chijikish: Ndond jakad kwikal nich mareferans kwisudiel kwa chipul, ukutwish kukimbijol amwiney chakwel kutan chakul.​—Tal École du Ministère, p. 36-37.]

UKALIWENY WA KULOND

1. Yom ik yifanyidina kutakel mupak wetu mu kutond kwa mazu mafanyidina chakwel kujimbul mufund wa kusadil? [be-F p. 148 par. 4–p. 149 par. 1]

2. Ov, mitapu ik yimwing tukutwisha kusadil chakwel kukasikeshin nawamp mazu ni yitulondila? [be-F p. 151 par. 4–p. 152 par. 3]

3. Mulong kuyifundish antu akwau Dizu dia Nzamb chidi chom cha usey, yom ik tufanyidina kusal anch tusotin ‘kulejan mazu ma uyakin mu kutentam’? (2 Tim. 2:15) [be-F p. 153 par. 1-3, mushet; p. 154 par. 1-2]

4. Ov, mutapu ik tukutwisha kurumburil patok mifund tukata kutang? [be-F p. 154 par. 4–p. 155 par. 3]

5. Mulong wak chidi cha usey kumekesh patok usey wa malejan metu, ni mitapu ik yimwing tukutwisha kusadil chakwel kuwanyish chinech? [be-F p. 157 par. 1-4, mushet; p. 158 par. 1]

MINSAMB NO. 1

6. Salomon wadinga mwin kukumangej mu mutapu ik? [si-F p. 112 par. 1-3]

7. Mukand wa Mulej ukwatijadin nchik nich malejan ma Yesu? [si-F p. 114 par. 16]

8. Yom ik yimekeshina anch Muminy wa Salomon udiokil kudi Nzamb? [si-F p. 115 par. 3-4]

9. Mutapu ik Muvungur wa mukand wa Isay watanau ku Karung ka Mungu umekeshina patok anch Bibil tudia nich nlel unou udi kamu mifund yafundau ku ukwash wa spiritu wa Nzamb? [si-F p. 118 par. 6]

10. Yom ik yikutwisha kumukwash mwin kulond kulik kusadil dipaper difundinay kachom ni kachom kin kawonsu kakulonday? [be-F p. 42 par. 1]

KUTANG BIBIL KWA RUBING

11. Mutapu ik antu ‘akata kumukimb Yehova akutwish kutesh yom yawonsu’? (Jinsw. 28:5)

12. ‘Mudimu ukash wa ayisup ukat kuyiziyishan’ mutapu ik? (Mul. 10:⁠15)

13. Changadim Shulamit wamekesha mutapu ik anch udi mudi “chir chijindjikinau,” ni mutapu ik udiay chilakej chiwamp kudi amband in Kristu akad kal kwachik? (Mum. 4:12)

14. Kusutil ku kuyikasikesh in Isarel ‘kurijek yom,’ ov, Yehova wading umekeshin anch wasota kwisamb nau chakwel kuyit antu end akarumuka? (Is. 1:18a)

15. Isay 11:​6-9 wawanyina mutapu ik pasak, ni mutapu ukezay kuwanyin mu chilik chijim?