Yijikish

◼ Mukand wa kupan pa Kachirikin: Le plus grand homme de tous le temps. Ap ukutwishany kusadil mikand ey: La Bible: Parole de Dieu ou des hommes?, Recueil d’ histoires bibliques, ni Vous pouvez vivre éternellement sur une terre qui deviendra un paradis, anch mabuku minam madiaku mwi nkil ya chikumangen. Chiwong: Ukutwishany kupan buku mwin mwawonsu wa mapaj 192 wapalangeshau kurutu kwa 1991. Anch chikumangen chiburedin mwi nkil mabuku ma pakuru ma mutapu winou, ukutwish kusadilany buku Ronganyin ap broshir Chishany ku Mes!

◼ Mapaper ma diladikij dia Chivurikish cha muvu wa 2007 akez kumatum mu rudim ra chikumangen ni chikumangen. Anch kudi jindim jikwau jilondinau mu teritwar wen ni anch usotilany mapaper ma diladikij mu jindim jinej, ufanyidinany kumitin pa Fomu Demande des publications (S-14) kurutu kwa chisu. Dipang dia jindim mukwikala mapaper ma diladikij dia Chivurikish dikubudikin mu “Chijikish ku Yikumangen Yawonsu,” chikatau kutum ngond ni ngond. Itany amboku ching kusu mu jindim jilondinau mu teritwar wen.

◼ Chivurikish cha muvu wa 2007 chikez kwikal Diampos, Rish 22, kupwa kwa muten kuzwek. Ijikishin dichuku dia ngond dined kurutu kwa muten chakwel akadivar atwisha kukwatin ndond ap kufutin jindond anch kudi yikumangen yivud yisadidina Chot cha Want chimwing ni chifanyidin kuman ndond yikwau. Pa chinech, amakurump afanyidin kwovijan piur pa ndond ni kutal nawamp anch kukwikalap mijikit yikwau ndond yiney yikutwisha kulet kanvundangesh mulong wa kusutish Chivurikish. Mulong wa usey wa Chivurikish, chisak cha amakurump chifanyidin kutond mukurump umwing chifuvu ukusala diskur pa ndond pa kuswimpol muvu ni muvu ap kusadil ching mukadivar umwing muvu ni muvu. Anch kudi mukurump uzizidilau many ukutwisha kusal diskur, chifanyidin kumutond.