Program Wa Yikumangan Ya Mudimu

Rubing ra Kachirikin 11

Muminy 174

Min 10: Yijikish. Sadilany yiyul yidia pa paj wa 8 ap minsamb yikwau yifanyidina mu teritwar wen, chakwel kusal yakumenaku yilejena mutapu wa kupan Chinong cha Kalam cha Kachirikin 15 ni Réveillez-vous! Mu chakumenaku chimwing, lejanany mutapu wa kupandikan chikangesh minsamb “Yinsangareshinap.”​—⁠Tal buku Comment raisonner, p. wa 16.

Min 15: Shikol ya Mudimu wa Uteokras wa 2007. Diskur ni mainterview yikutakelay kalam wa shikol. Isambina manans maswiridinau kusadil mu chikumangen malejenau mwi wenjil wa Mudimu Wetu wa Want wa Mwinkind 2006. Rumburil anch kalam wa shikol kafanyidinap kwijikish kurutu ukaliweny wa kulond umwinkishinau mwin kwilej kushinshikin ku shikol. Mulong tukez kupwish kutang Mifund ya Uhebreu kudiosh ku Isay 24 djat kwisudiel kwa Malakiy mu muvu wa 2007, muvu winou ukez kwikal chisu chifanyidina kudi akadivar atondinau chakwel kurijek manans majim ma Bibil ni kudi antu akwau akata kurumburil kusadil mikand yetu yikata kurumburil patok mabuku minam ma uprofet. Ipul in kulejan aad ap asatu pakach pa alondwilaku ay: mwin kwilej musu, nsand mwin kwilej uyila nawamp kurutu, ni mwin kwilej umwing chifuvu. Yita arumburila yibudikin ya shikol mu mudimu wau ni mu ngikadil yau ya mu spiritu. Yikasikesha awonsu kwikal nich mushiku wa kuwanyish midimu yau, mu kupan yakul ku manans majim, ni kusadil yiyul yipaninau rubing ni rubing kukwatijan nich buku Tirez profit de l’École du ministère théocratique.

Min 20: “Kangal Washa Rukat Rey Riwadinga Nich pa Kusambish.”* Anch kudi chisu, yita in kukumangan arumburila maverse majimbwilau.

Muminy 193 ni malembil ma nsudiel.

Rubing ra Kachirikin 18

Muminy 150

Min 10: Yijikish. Yijikish yifanyidina ya Mudimu Wetu wa Want. Chirikinany Yakul ku Yipul Yen. Rumburil mu wiswimp yitenchik ya pakampwil ya mudimu wa chingand wa Kachirikin 25 ni Chiwong 1.

Min 15: “Yichirikina Awonsu Amekeshina Chilik Kanang cha Kusanger.”* Yita in kutesh kurumburil mutapu watwishinau kutan jinsangu piur pa antu asangaredina asankanau padingau ni kupan uman wa kukashimun ap padiau ni kusal mudimu mu balibal ni kurumburil yom yiwamp yikatau kuman pakatau kuyichirikin antu inay. Akutwish kurijek kurutu kwa saa chirumburil chimwing ap yaad.

Min 20: “Muchim wa Kwipan Uletining Yiyukish.”* Ipul mwin kulejan umwing ap aad ijikena mulong wa muchim wau wa kwipan. Mutapu ik wamekeshau muchim wa kwipan? Yitenchik ik yadinga ya usey, ni mutapu ik watwishau kutenchik mwamu? Ov, yiyukish ik yamanau mudi chibudikin?

Muminy 108 ni malembil ma nsudiel.

Rubing ra Kachirikin 25

Muminy 210

Min 10: Yijikish. Tang rapor wa chipau ni chijikish cha kushik kwa milambu ku biro. Sadilany yiyul yidia pa paj wa 8 ap minsamb yikwau yifanyidina mulong wa teritwar wen, chakwel kusal yakumenaku yilejena mutapu wa kupan Chinong cha Kalam cha Chiwong 1 ni Réveillez-vous! Kwisudiel kwa chakumenaku chimwing ni chimwing, ipul chipul chilangwishina maku chikutwishau kwakul mu kuchirikinamu kusu kusutil kukusadil buku Chifundishinay Bibil.

Min 15: Maswir ma Chikumangen.

Min 20: “Ov, Ukwet Teritwar Wey?”* Wejinaku mu wiswimp yirumburil ya Kalam wa mudimu piur pa kujimb kwa teritwar wa chikumangen, mutapu ukatau kusal mudimu mu teritwar, ni uvud wa antu adia mu teritwar wen.

Muminy 219 ni malembil ma nsudiel.

Rubing ra Chiwong 1

Muminy 158

Chiyul: Yikumangen yikushemuninap Chikumangan cha Mudimu cha rubing ra Chiwong 1 kuchitek kurutu anch mulong kalam wa munyimuku uyendidil. Yikumangen yawonsu yifanyidin kushinshikin wenjil wa chitentam cha distrik mudi mudiay ku program. Anch kudi chikumangan cha munyimuku rubing riner, atulam a dilejan dia buku afanyidin kwijikish ndond ya chikumangan cha distrik ni machuku ma ngond ku program wau wa chisu chawonsu wa malejan ma buku.

Min 5: Yijikish. Yivurishany in kulejan kulet rapor wa mudimu wa chingand wa Kachirikin.

Min 15: Kupan Rapor Piur pa Kuya Kurutu kwa Mudimu. Diskur ni minsamb nau in kutesh dimedina pa buku Atenchikinau Chakwel Kusal Rusot ra Nzamb, tal kamutu ka mulong kadia pa paj wa 83 kushik kwisudiel kwa shapitre.

Min 25: “ ‘Mulondulany Kristu!’ Chitentam cha Distrik cha 2007 cha Atuman a Yehova.”* Chikutakelay kalam wa ujindj wa chikumangen. Kurutu kwa kushinshikin wenjil, tang mukand wa Kachirikin 15, 2006, ulejena ndond ya chitentam. Yikasikesha awonsu kwitenchik kusambish kamu katat mulong wa kukumangan ku chitentam cha Distrik.

Muminy 65 ni malembil ma nsudiel.

* Mazu mey ma kusambish nich kangal masut minit umwing, ni kupwa shinshikin minsamb nich yipul ni yakul.