Program Wa Yikumangan Ya Mudimu

Rubing ra Chiwong 8

Muminy 12

Min. 10: Yijikish. Mukasikesha muntu ni muntu kutal band video Pas de sang : la médecine relève le défi mulong wa kurijek minsamb yikwikala ku Chikumangan cha Mudimu pa rubing ra Chiwong 22. Sadilany yiyul yidia pa paj wa 4 ap minsamb yikwau yifanyidina mu teritwar wen, chakwel kusal yakumenaku yilejena mutapu wa kupan Chinong cha Kalam cha Chiwong 15 ni Réveillez-vous ! wa Chiwong. Mu chakumenaku chimwing, lejanany mutapu wa kupandikan chikangesh minsamb “Nikwatiken nakash.”—Tal buku Comment raisonner, p. 19-20.

Min. 15: Isakina Examinons les Écritures chaque jour. Diskur ni minsamb nau in kutesh dimedina pa mazu ma kusambish ma Examinons les Écritures chaque jour — 2007. Isambina kuswir kwa antu awonsu kwa kwitekin minit yikemp dichuku ni dichuku mulong wa kushinshikin Mufund ni yirumburil yau. Rijekany kurutu kwa chisu chakwel katwambil umwing ap aad isambina chaku chau cha kushinshikin mufund ni mutapu wamenau yiyukish. Pwish nich minsamb yiswimp piur pa mufund wa muvu wa 2007.

Min. 20: Tumulejany Muntu Mwin Mwawonsu Rusangu Ruwamp. Diskur ni minsamb nau in kutesh yimedina pa buku Atenchikinau Chakwel Kusal Rusot ra Yehova, paj wa 92 kushik ku kamutu ka mulong kadia pa paj wa 102.

Muminy 165 ni malembil ma nsudiel.

Rubing ra Chiwong 15

Muminy 93

Min. 10: Yijikish. Yijikish yifanyidina ya Mudimu Wetu wa Want.

Min. 15: Ov, Kudi Chom Chikuchirishina Kwinyim? Diskur dikusalau kudi mukurump dimedina pa Chinong cha Kalam cha Français cha Ndol 1, 2002, paj wa 13-15.

Min. 20: “Yinsangareshinap.”a Piwisambidinany paragraf wa 4, yipula in kutesh yom ik yiyisangareshina antu mu teritwar wen. Salany yakumenaku yiswimp yaad yimekeshina mutapu wa kupandakan chikangesh minsamb “Yinsangareshinap.”—Tal buku Comment raisonner, p. 16.

Muminy 135 ni malembil ma nsudiel.

Rubing ra Chiwong 22

Muminy 224

Min. 10: Yijikish. Tang rapor wa chipau ni chijikish cha kushik kwa milambu ku biro. Sadilany yiyul yidia pa paj wa 4 ap minsamb yikwau yifanyidina mu teritwar wen, chakwel kusal chakumenaku chilejena mutapu wa kupan Chinong cha Kalam cha Kasan 1 ni Réveillez-vous ! wa Kasan. Mu chakumenaku chimwing, lejanany mutapu wa kusal kuchirikinamu kusu kwa muntu ukatau kushil magazet.

Min. 10: Maswir ma chikumangen.

Min. 25: “Ov, Wisu Mutapu Upandakena Kuwap wa Kwokan?” Akuchisal kudi mukurump. Sambish kapamp kamwing minsamb ya band video Pas de sang nau in kutesh, sadil yipul yidia mu mutu wa mulong winou. Pwish nich kutang paragraf wa nsudiel ni kuyikasikesh antu awonsu kushinshikin mitu ya milong yijimbwilau ya Chinong. Anch ukwetanyap band video mu chikumangen chen, ukutwishany kusadil Réveillez-vous ! wa Chiwong 8, 2000, paj wa 7-11 ni broshir Comment le sang peut-il vous sauver la vie ? paj wa 8-15, 18.

Muminy 188 ni malembil ma nsudiel.

Rubing ra Chiwong 29

Muminy 55

Min. 10: Yijikish. Yivurisha atutwambil kulet marapor mau ma Chiwong. Lejan mikand ya kupan pa Kasan, ni salany chakumenaku chimwing.

Min. 20: “Ov, Udi Wirijekina Mulong wa Mar?”b Akuchisal kudi mukurump. Wejinamu jinsangu jidia mu Mudimu Wetu wa Want wa Kalang wa 2005, paj wa 3.

Min. 15: Anch Wakanin Kuchirik, Chirik. Diskur ni minsamb nau in kutesh dimedina pa Chinong cha Kalam cha Français cha Mwinses 15, 1999, paj wa 11. Yita in kukumangan kushimunin jinsangu jimekeshina mutapu wayiyukishau pachirikau mulong wa kuwanyish kushilamu kwau.

Muminy 137 ni malembil ma nsudiel.

Rubing ra Kasan 5

Muminy 3

Min. 10: Yijikish.

Min. 15: Nidi Kaman wa Yehova! Diskur ni minsamb nau in kutesh. Ansand amwing akat kwidjidjek kwimekesh anch adi Atuman a Yehova mulong atongining anch arund nau akutwish kuyiswingish. Pakwez, kudi mayingish mawamp miufanyidina kwimekesh anch udi kaman. Alej ija yitiyij yey akutwish kamu kuyilimish ni kakutwishap kukushindil kusal chom kanang chakad kufanyin. Ansand akad yaku yiwamp akez kwidjidjek chakwel kukutazuk kusal nau pamwing yom yiyimp. Akwau akez kutesh kapamp kamwing mupak wey piur pa yom mudi kuyendin antu a mujimbu ukwau ap kusal masengan ma ku shikol ni mijikit yikwau. Ukez kwikalap ni wom wa kupan uman ku shikol ap wa kusankan arund ney a shikol piulejena mu teritwar. (g02-F 22/3 p. 12) Yita atutwambil kwisambin ukwash wamenau mu kwimekesh anch adi Atuman a Yehova ku shikol. Ukutwish kurijek kwisamb ni umwing ap aad kurutu kwa chisu.

Min. 20: “Rukat—Chom Chikwashina Kusong Mabuj mu Mudimu.”c Wejinamu jinsangu jidia mu Chinong cha Kalam cha Français cha Kasan 1, 2003, pa paj wa 23, paragraf wa 16-17.

Muminy 83 ni malembil ma nsudiel.

[Footnote]