Mutapu ik Tukutwisha Kuyikwash Akumangena ku Chivurikish?
1. Uman ik ukash ukezau kupan pa Rish 22, 2008?
1 Pa Rish 22, 2008, mamiliyon ma antu mwi ngand yawonsu akutambul uman ukash. Antu akukumangana ku Chivurikish chinech akez kutesh ya rukat rijim ra Yehova pantechikay difut mulong wa antu. (Yoh. 3:16) Akez kwilej kand ya Want ni mutapu ukezay Yehova kuusadil mulong wa kuwanyish rusot pa divu. (Mat. 6:9, 10) Akez kwimen ayinau rukat ni uumwing wa antu a Nzamb ni akez kuman kuyak kwetu nich chirungul.—Kus. 133:1.
2. Mutapu ik tukuyikwasha in kwilej Bibil akumangena?
2 In Kwilej a Bibil: Amwing pakach pa in kukumangan padi antu twilejininga nau Bibil. Iyijikisha kudi akadivar ni anambaz. Yirumburila yikumangan ya pa rubing, yinyingumwisha ku Chot cha Want. Pa chisu chisadilau diskur, mwin kulond ukuyikasikesh antu inay chakwel aya kurutu muspiritu. Ukutwish kusadil yirumburil yend mudi mufulandal wa kuyikasikeshin nich in kwilej ney.
3. Chom ik chifanyidina kusal mulong wa kuyikasikesh in kulejan aziyila mu mudimu akumangena?
3 Aziyina kal mu Mudimu: Amwing pakach pa in kukumangan adi atutwambil aziyina kal mu mudimu. Ikal wa kusambish kuya kuyilangwish nich chirungul. Ipuk kuyipul yipul yitadila mwom wau ap kuyilond mazu makutwisha mayinenganesh. Kupwa kamu kwa Chivurikish, amakurump afanyidin kuyendin antu inay aziyila kal mu mudimu akumangana, akuyijikitish mulong wa usu wasalau ez kukumangan, ni akuyitazuk nich chirungul eza akumangan ku chikumangan chilondwilaku.
4. Mutapu ik ukutwishay muntu ni muntu kuyikwash antu akweza kukumangan?
4 Antu Akweza Kukumangan: Amwing twakumangana nau akutwish kwikal antu achijiken ap anamakwetu atwatazukang. Chitwishikin ach amwing atambula diladikij pa twasala mudimu wa pakampwil wa kupan diladikij. Chawiy anch waman muntu wakad ey kwijik, sal usu wiyijikisha ni umwaka ni chirungul. Chitwishikin pamwingap anch kandikal akumanganangap ku yikumangan yetu. Mu mambamb mey ukutwish kusal usu wa kwisamb nau. Piukumuchirikina ap piukwisamba nend ku telefon machuku makemp kupwa kwa Chivurikish, ukutwish kusal usu wa kumukasikesh ni kumwit kwilej nend Bibil.
5. Chom ik tukutwisha kulond chakwel kusambish dilejan dia Bibil?
5 Jinsangu ja mu diskur dia Chivurikish jikutwish kwikal ja kusadil mulong wa kupan buku Chifundishinay Bibil patukuyichirikina. Chilikej mwin kusal diskur ukutang mukand wa Isay 65:21-23. Patukuyichirikina, tukwisambin milong yalondangau mu diskur ni kulond anch, “Nikurumburil kand mutapu ukuletau mayukish makwau kusutil ku difut.” Shinshikin paj wa 4-5 wa buku Chifundishinay Bibil. Ap ukulond anch, “Antu avud akat kwiyipulang piur pa chisu tukumana kuwanyin ka uprofet wa Isay.” Chawiy tal paragraf wa 1-3 mu shapitre wa 9. Mutapu ukwau udi kwau kusu wa kwambambin piur pa yalondangay wasalang diskur dia Chivurikish, chidi kumwinkish buku Chifundishinay Bibil, ni kumulej mutapu wa kwilej.
6. Yisu ik yikwetay muntu ni muntu pakach petu pituziyidila kwi mbil ya Yesu ya kuvurik rufu rend?
6 Etwawonsu twikalany tayad chakwel tusadila yisu yawonsu mulong wa kuyikwash antu ilejina Bibil, aziyila kal mu mudimu, ni antu akweza kukumangan netu. (Luka 22:19) Yehova ukuyukish mujikit win wawonsu wiwejidinaku mu mudimu wetu wa Want.