Atushalapol in Kristu Aswiridin Kulembil
1. Chom ik chidia cha usey chakwel tuwanyish mudimu wetu wa kulejan?
1 Tukutwishap twawanyish ayinetu mudimu wa kulejan. Yehova utwinkishining usu chakwel tusal mudimu. (Fil. 4:13) Usadidiling angel end chakwel atukwasha mu kukimb amikoku end. (Kuj. 14:6, 7) Yehova ndiy uletininga mbut ya uyakin tukunininga ni mem chakwel yipam. (1 Kor. 3:6, 9) Ov, mutapu ik chidia cha usey kudiau atushalalpol in Kristu chakwel achingejinang mudiay tatukwetu wa mwiur mu malembil!
2. Yom ik yimwing tukutwisha kwit mu malembil?
2 Mulong Wetwetu: Tufanyididn kulembil pa chisu ni chisu tudia mu mudimu wa kulejan.(Efes 6:18) Ov, yom ik yimwing tufanyidin kulembidil? Tufanyidin kulembidil piur pa mwikadil wa teritwar wetu ni piur pa mushiku wetu. (Mid. 4:29) Tufanyidin kumwit Yehova atutakela chakwel aziyish michim ya antu tufanyidina kwilej nau Bibil. Anch mwin chikumbu watwipul chipul, tukutwish kusal malembil ma mu wiswimp mu muchim chakwel Yehova atukwasha tuman mutapu wa kulet chakul chifanyidina. (Neh. 2:4) Tukutwish kand kumwit manangu chakwel tuteka mudimu wa kulejan pa ndond ya kusambish. (Yak. 1:5) Chikwau, Yehova usangering pa chisu tumujikitishininga mu malembil piur pa chisend cha kwikal atushalapol end.—Kol. 3:15.
3. Ov, mutapu ik antu akata kulembil piur pa akwau ukwashiningau mudimu wa kulejan?
3 Mulong wa Antu Akwau: Tufanyidin kand ‘kulembilijan muntu ni mukwa,’ chisu chivud kujimbul majin ma atushalapol in kwitiyij pa chisu chifanyidina. (Jak. 5:16; Mid. 12:5) Ov, chom ik chikutwisha kusal antu akangenyinga mudimu wa kulejan mulong wa kuziy kwa ukash wau wa mujimbu? Chikwau, chifanyidin kulembil piur pa atushalapol adia ni ukash wa mujimbu uwamp. Pikil kupipesh malembil mey mulong wa antu akwau mudi makutwishap kuwanyin. Chidi kand chiwamp kulembil mulong wa antakel chakwel amanang mudimu wa kulejan mu mutapu uwamp chakwel anamakwetu ‘ashakama zong ni kwikuchik.’—1 Tim. 2:1, 2.
4. Ov, mulong wak tufanyidin kudandamen mu malembi?
4 Kulejan rusangu ruwamp pa divu diawonsu chidi chisend chatwinkishau. Anch ‘Twadandamen mu kulembil,’ tukez kuwanyish mudimu nich ukwash wa Yehova.—Rom 12:12.