Bibil​—Ukwet Usu mu Mwom Wey

Bibil ukwashining ma miliyon ma antu kukarumun mashakamin mau chakwel mikala mawamp. Ov, yisu yijidik yimwing ya mu Bibil yikeza kutukwash mu milong ya machuku minam anch twayisadil? Ukezap kwidjidjek kwikal ni musangar wa kutan chakul ku chipul chinech pa kushinshikin anch Bibil​—Ukwet Usu mu Mwom Wey (La Bible : une force dans notre vie), chikunku cha kaad cha yakumenaku yisatu ya video yidia pa DVD ukweta mutu wa mulong ulondila anch La Bible : un livre historique et prophétique. Ov, kupwa kwa kutal video winou, ukutwish kwakul ku yipul yiney?

(1) Ov, mutapu ik upandakena Bibil kwikal mukand wamushena? (Heb. 4:12) (2) Anch Bibil ukutwish kukwash antu chakwel awapisha mashakamin mau mu mwom, ov, mulong wak antu avud akwet milong yivud? (3) Ov, wisu mutu wa mulong wa pakampwil wa mu Bibil? (4) Yisu mifund ya mu Bibil yijimbwilau anch yikutwish kuyikwash ambay mu uruu (a) Kuwapish minsamb yau ni (b) Kushinshikin mwikadil wau? (5) Ov, mutapu ik in Kristu umeningau anch chitongijok cha uruu chiswimpining mashakamin mau ma mu dijuku chakwel mikala mawamp nakash? (Efes 5:28, 29) (6) Mutapu ik udiay Yehova chilakej chiwamp kudi anvaj? (Mar. 1:9-11) (7) Mutapu ik ukutwishau anvaj kusal dilejan dia mu dijuku mu mutapu usangareshina? (8) Kuwejinaku kand dilejan dia Bibil, Dizu dia Nzamb dikuyibachik nchik anvaj chakwel akwasha anau? (9) Ov, mutapu ik ukutwisha chiyul cha mu Bibil kukwash majuku chakwel mikala makasikena ku mar ma nfalang? (10) Anch ayisadil, yisu yijidik ya mifund yisambidina kwinang, kuna damb ni mar ma kasu, ni kukasikesh kupipesh minan? (11) Yom ik yashilayimu Bibil yitukutwisha kusal chakwel tudandamena kwikal ashinshamena? (Job 33:25; Kus. 145:16) (12) Ov, mutapu ik malejan ma Dizu dia Nzamb maswimpa mwom wey? (13) Ov, mutapu ik ukutwisha kusadil video winou chakwel uyikwasha antu akwau?