BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • lffi dilejan 1
  • Mutapu ik Ukutwishay Bibil Kuwapish Mwom Wey?

Kwikil video ukimbina

Video winou umukimbinap amboku nawamp.

  • Mutapu ik Ukutwishay Bibil Kuwapish Mwom Wey?
  • Sanger Mwom Chikupu!—Malejan ma Kusambish Nich Kwilej Bibil
  • Tumitu twa milong
  • Yom Yifanakena
  • ILEJA CHIKURIKINA
  • YOM TWILEJA KAL
  • JINGUNIN KAND
  • Mutapu ik Ukutwishay Bibil Kuwapish Mwom Wey?
    Sanger Mwom Chikupu!—Malejan ma Kusambish Nich Kwilej Bibil
  • Mutapu ik Ukutwisha Kutaninamu Nakash mu Kutang Bibil?
    Sanger Mwom Chikupu!—Ileja Bibil
  • Yom ik Yikukukwasha Kudandamen Kwilej Bibil?
    Sanger Mwom Chikupu!—Ileja Bibil
  • Bibil Ulondin Anch Machuku ma Kurutu Makwikal Mawamp
    Sanger Mwom Chikupu!—Ileja Bibil
Tal Yom Yivud
Sanger Mwom Chikupu!—Malejan ma Kusambish Nich Kwilej Bibil
lffi dilejan 1
Dilejan dia 1. Bibil wa kuburil.

DILEJAN DIA 01

Mutapu ik Ukutwishay Bibil Kuwapish Mwom Wey?

Dichap
Dichap
Dichap

Etu awonsu tukatining kwijik yom yivud piur pa mwom, mar, rufu ni piur pa machuku ma kurutu. Tukat kurish kand ni milong ya dichuku ni dichuku, mud mutapu wa kwikal ni mashakamin mawamp ap mwom wa dijuku uwamp. Antu avud ajingunin kal anch Bibil wakwil ku yipul ya usey nakash mu mwom ni ukat kuyinkish yiyul ya kusadin mu mwom wa pichuku pichuku. Ov, utongin anch Bibil ukutwish kumukwash muntu win mwawonsu?

1. Yipul ik yimwing yakwilay Bibil?

Bibil wakwil ku yipul ya usey mud ey: Mutapu ik wasambisha mwom? Mulong wak watutangau? Mulong wak antu akat kuman mar? Yom ik yikata kushiken anch muntu wafa? Anch etu awonsu tukatining chisambu, chad mulong wak kud njit nakash mwamu? Ov, kukwikal disudien dia mangand mu machuku ma kurutu? Bibil utukasikeshin kukimb yakul ku yipul yiney, ni antu avud atanin kal yakul ya Bibil yisangareshina nakash.

2. Mutapu ik ukutwishay Bibil kutukwash kusanger mwom wa pichuku pichuku?

Bibil utwinkishin yiyul yiwamp. Chilakej, ufundishin mutapu ukutwisha majuku kwikal ni musangar wakin. Upanin yiyul piur pa mutapu wa kurish ni yakamish ni mutapu wa kusanger mudimu wetu tusadina. Ukwilej yom yifundishinay Bibil piur pa mitu ya milong yiney ni yom yikwau kand patwilejina buku winou pamwing. Mwamu ukwitiyij anch ‘Mifund yawonsu [yom yawonsu yidia mu Bibil] yid . . . ya ukwash.’​—2 Timote 3:16.

Buku winou kamuswinkenap Bibil. Pakwez ukukasikeshin kushinshikin nawamp Bibil amwiney. Chawiy, tukukasikeshin kutang maverse mawonsu matekinau mu malejan minam ni kumafanakesh ni yom wilejina.

ILEJA CHIKURIKINA

Shinshikin mutapu uyikwashinay Bibil antu kuswimp mwom, mutapu ukutwisha kusanger kumutang, ni mulong wak chid cha usey kukukwash kumutesh.

3. Bibil ukutwish kututakel

Bibil ud mud torsh umunyikina nakash. Bibil ukutwish kututakel chakwel tukwat mipak yiwamp ni utulejin yom yikusadika mu machuku ma kurutu.

Tang Kuseng 119:105, kupwa isambinany yipul ey:

  • Muntu wafunda kuseng winou wading umumen Bibil mutapu ik?

  • Ey umumening Bibil mutapu ik?

Ikundj umwing ukat kwendin ku chikum cha kawit kudia mayal chisu cha urel, umunyikin mwi njil ni torsh wend.

4. Bibil ukutwish kwakul ku yipul tukata kwiyipul

Mband umwing wajingunina anch Bibil wakwil ku yipul yijim yiyipulangay mu mivu yivud. Talany VIDEO, kupwa isambinany yipul ey:

VIDEO: Kangal Washadish Ruchingej! (1:48)

  • Mu video twatala kal, yipul ik yiyipulangay mband winou?

  • Kwilej Bibil kwamukwasha mutapu ik?

Bibil utukasikeshin kwipul yipul. Tang Mateu 7:7, kupwa isambinany chipul ech:

  • Yipul ik ukata kwiyipul umena anch Bibil ukutwish kuyakul?

5. Ukutwish kukat kutang Bibil

Antu avud akatining kutang Bibil ni akat kutaninamu. Talany VIDEO, kupwa isambinany yipul ey:

VIDEO: Kutang Bibil (2:05)

  • Mu video twatala kal ou, mutapu ik wiyovilingau ansand avud piur pa kutang?

  • Ap anch ansand kakatiningap kutang, mulong wak akatining kutang Bibil?

Bibil ulondin anch yom yilondinay yikutwish kutukasikesh ni kutwinkish ruchingej. Tang Rom 15:4, kupwa isambinany chipul ech:

  • Ov, kushilamu kwa Bibil piur pa rongoj ni ruchingej kukusangareshin?

6. Antu akwau akutwish kutukwash kutesh Bibil

Antu avud akata kutang Bibil ayinau, ajingunin kal anch chid kand cha ukwash kumwisambin nau antu akwau. Tang Midimu 8:26-31, kupwa isambinany chipul ech:

  • Mutapu ik tukutwisha kutesh nawamp Bibil?​—Tal verse wa 30 ni 31.

Tuyipich: 1. Mwin kulejan Filip ukat kumurumburil ikundj mwin Etiopi Mifund. 2. Kaman umwing wa Yehova ukat kwambamb ni mband umwing udia ni anend aad piur pa Bibil.

Ikundj mwin Etiopi waswirikena ukwash mulong wa kutesh nawamp Mifund. Nlel antu avud amen anch chid cha usey kwisambin Bibil nau antu akwau

ANCH MUNTU WAKWEL ANCH: “Kwilej Bibil kud kwau kusutish chisu.”

  • Yom ik ukulonda? Ni mulong wak ukulond mwamu?

YOM TWILEJA KAL

Bibil ukat kupan yiyul ya kusadin mu mwom wa pichuku pichuku, ukat kwakul ku yipul yijim nakash, ni ukat kuyikasikesh antu ni kuyinkish ruchingej.

Ov, uvurikin?

  • Yiyul ya mutapu ik tukutwisha kutan mu Bibil?

  • Yipul ik yimwing yakwilay Bibil?

  • Yom ik ukusangera kwilej mu Bibil?

Cha kusal

JINGUNIN KAND

Yiyul ya Bibil yid ya ukwash ni nlel.

“Malejan ma Bibil​—Makwet Manangu ma Chikupu” (Chinong cha Kalam No. 1 2018)

Tal mutapu Bibil mwamukwashay ikundj umwing warishang ni yitongijok yiyimp kudiosh ku wanikanch wend.

Mutapu Wasambisha Mwom Wam wa Musangar (2:53)

Shinshikin yiyul ya Bibil ya kusadin mu mwom wa dijuku.

“Yom 12 Yiletina Musangar mu Dijuku” (Lankany! No. 2 2018)

Tal mutapu ulejenay Bibil uyakin piur pa chitongijok cha makasu chikwetingau antu piur pa nyikel wa mangand.

Mulong wak Kwilej Bibil?​—Mulemp (3:14)

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan