‘Rends pleinement témoignage au sujet du Royaume de Dieu’
1. Ov, chom ik tukeza kushinshikin mu Dilejan dia Bibil dia Chikumangen pa rubing ra Rish 14?
1 Pa rubing ra Rish 14, 2011, mu yikumangen ya rudim ra français akez kusambish kushinshikin buku ‘Rends pleinement témoignage au sujet du Royaume de Dieu’ mu Dilejan dia Bibil dia Chikumangen mu Chibemb, mu Français, mu Inglish ni mu Swahili. Buku winou ukwet tumikand tukemp twa mu mukand wa Midimu yikutwishay mwin kutang kwov mutapu umubachikina mau mau ku yinship yiwisambidina. Pandond pa kurumburil verse ni verse, buku Rends témoignage ukwet malejan ma jinsangu ja mu mukand wa Midimu ni utukwashin chakwel tuman mutapu wa kusadil yany yimwing ya pakampwil.—Rom 15:4.
2. Rumburil yom yimwing yidia mu buku Rends témoignage.
2 Yidiamu: Disambishil didia pa paj wa 2 udi mukand wa chirungil udiokila ku Chisak Chitakedila ni umekeshin mutapu usotinau etu tutaninamu mu buku winou. Kwinsambishin kwa shapitre 2, mufund ujim udandamedin kurumburil uyakin wa shapitre ni shapitre, ni Mufund ujimbwilau ulejena chikunku cha kwisambin chidia mu mukand wa Midimu. Mavud ma ku mashapitre makwet jinsangu jidia mu tumishet tupanina jinsangu ja antu piur pa mikadil yau, ndond, ap yinship. Kuns-kuns kwa mapaper kudi kwamwamu ni kukutwish kutukwash kufundaku yom ya usey. Mu buku mwinou mudi yipich yivud ni yom yivud yilejenawamu ya masengan ma mu Bibil makutwisha kutukwash chakwel tuman usey wa yinship, ni pa paj usambedina shapitre ulondwilaku padi chipich chikutwisha kutukwash chawejidinawaku chakwel chirumburil yom yilejenau pa yipich yishalijadina. Mukach mwa buku ni panyim pa chibur cha buku padi kart ukutwisha kutukwash chakwel tulondul mutapu watandurilau kudi in kwitiyij a mu mivu chitot ya kusambish rusangu ruwamp djat ni ‘kusudiedila mangand.’—Mid. 1:8.
3. Ov, yipul ik ya usey yakwilau tukeza kwilej mu buku wa mukand wa Midimu?
3 Wakwil ku Yipul ya Usey: Kushinshikin tumikand twa mu mukand wa Midimu kukez kutukwash kujingunin nawamp win kamu yakul ku yipul ya usey piur pa mudimu wa kulejan wa mwin Kristu. Chilakej, mudimu ik ni rusangu ik uyimekeshina in kwilej akin a Yesu Kristu? Ov, nnany utakedila mu mangand mawonsu mudimu winou wa kulejan, ni mu mutapu ik? Ov, mitapu ik yiwamp yisadinanga kuzengol ni rupompat yitanijadingau nich atushalapol? Ov, mudimu ik usadininga spiritu utumbila mu mudimu wetu wa kulejan?
4. Ov, mutapu ik tukutwisha kutaninamu mu kushinshikin kwetu nakash kwa buku winou?
4 Chakwel anch tutaninamu nakash, tufanyidin kwilej yom yidiamu kurutu, ni kwirijek mutapu wa kwakul ku minsamb ya mu chikumangen. Ufanyidin kwikalaku ku chikumangan ni chikumangan, ni kumekesh mutapu ukutwisha kusadil malejan minam wilejina mu mudimu wey wa pakampwil wa kulejan. Pamwingap kushinshikin kwetu kwa buku winou kukutubachik kulejan uman piur pa Want wa Nzamb!—Mid. 28:23.